1974年邵氏電影成記茶樓裡面有頗真實的社團講數場面，最露骨的一句是：「大哥成，大家出來行三點水...」，暗示某社團字頭的部首，屬當時社團切口之一。
當年的警察處理黑社會問題實在太不像樣：三點式泳裝有社團服飾之嫌，應被禁止。汪、江、梁、溫等三點水部首的姓氏更不應放過。
亡羊補牢，未為晚也。由住好D開始，我們應該停止巴士的14號路線、禁止使用14作大廈街號，向各大調制解調器(modem)公司追究刑事責任 (當年14.4K的規格，有踩界之嫌)、徹查所有諧音聲韻的組合如14A, 14J、以及數字組合如2*7k, 28/2k 或英數互調的組合如 AD11、嚴打月薪一萬四千元的工種，以免僱主或僱員的收入數字引起他人恐慌、另外希慎興業有限公司也得改一改聯交所編號，否則有永久停牌之憂。
在這以前，當然少不了將所有「古惑仔online」創作人和玩家全都收監。為了在打擊三合社團上走得更前，更可以將藏有Grand Theft Auto、Godfather online 遊戲的市民及商戶一律拘捕，為世界的執法同業做一次漂亮的示範。
朋友﹐
回覆刪除你想講乜?
其實我知你想講乜﹐
但又唔肯定我諗嘅係咪你想講嘅。。
所以﹐
會繼續冥想哩篇文的玄機﹐
直到另有高人指點迷津。
阿彌陀佛))
唔......計我話呢~ 例如比賽要取消 [ 和 ] 、[ 勝 ]，只可以輸，以免三場比賽會出現 ：和 , 勝 , 和 既局面，好敏感架。
回覆刪除各位觀眾~ 今日快活谷三場係...和 勝 和 既.....~
仲有，要取消所有 [ 新 ]字行頭既商號 , 當然，叮噹裡面既 [ 技安 ]就一定要改名啦，否則即送淫嬸處俾佢批批先.
以前有隊CantonPop/R&R樂隊叫Beyond
回覆刪除如果有人嚮往呢隊的理想，或者可以組隊「新Beyond」
另外，香港常用女性洋名有一個是Fion
如果漢姓「辛」，可稱「辛Fion」
唔明!!!
回覆刪除(我都唔跟香港新聞既。但好似係別樹睇個D社團消息……)
挑！
回覆刪除頭先睇新聞
宜家香港發生咩事
連著衫都要管？
淫嬸署同埋盲光社之流的塔利班
咁驚見到裸女，不如立法要女人著回教d 「人柱衫」，乜都睇唔到丫笨
but wait... 到時可能果d latex 友或sm 友又會覺得係switch on! 嘿 !
我就認為…
回覆刪除寫到明都唔做o野，又實在唔得。
咁單單寫「拾?K」三個字，實在很明顯係三合會字頭啦，無得爭論。
咁三點式、汪、江、梁這個例子，我相信你自己都唔會認為係好洽當的例子吧！
14號路線，明顯係講條巴士線代號，當然你之後的一眾有關數字的例子，相信大家都明白那數字的意思。
佢可以玩灰色地帶，但寫到明就明顯犯法。
「連著衫都要管」
回覆刪除佢唔係管你著衫，係針對件衫有個堂口名。一個十分明顯的堂口名。
> 過內人
回覆刪除我火滾的係另一個example
14A 警察有位入，我係失望但不算十分火
最火係新聞話連有男女裸露或「不良」 graphics 的Tee 都列入淫猥不雅規管，要包膠袋同埋寫警告字句，十八歲下不得買，考慮不準人著出街
佢連porn 同埋art 都分唔到
咁驚裸女，第一時間將法院外那位裸胸蒙眼女像列為三級不雅，又SM 又裸露，色情到極呀pk!
14A 果單遲下再講
我淨係覺得件衫都幾肉酸，其實又談不上有幾創意，心口寫住 14 K ，麻麻地。
回覆刪除反而以前既 Delay No More 有點唸頭，真正係玩字。
如果單講件tee既字，
回覆刪除佢設計果下我認為佢係真係由黑社會名稱出發，係真係有問題既，我指法律問題。
至於14a，我唔知係咩事，等你遲下講。
堂口名單o野，佢細細個加多個金字，咁就係灰色地帶，係個Designer 識玩，但大大隻寫明個堂口名，咁係佢抵死，無得拗。
回覆刪除去到另一個話題，係唔係裸體都話不雅，呢個就真係有古講，有時真係好白痴。
我十分認同，有時裸體唔係咁睇。
> 雲妹子
回覆刪除呢排新聞好揚，留意下啦
> 匿名
時間匆匆，所以未能寫一篇完整的文章。睇得明都算唔話得！
> 過內人
要暗示自己係黑社會又不俾人告得入，實在太多諧音及講法，14號係一種，x記、x字頭...甚至聽聞有社團人士在網上info 寫自己隸屬新義安老院。
一個人在街上行來行去都可以構成遊蕩罪，警方甚麼時候選擇執法，視符其執法目的(例如拉一些偷拍色狼)。
我覺得今次搞 GOD 擺明係向年輕人及網上社群立威。
> chan tai man
肉酸與否是個人喜好，社會能否理性包容才是關鍵
> C
14A 引伸到連裸露或「不良」graphics 的衣服都要受監管，香港就黎連當街講粗口都變成犯法了！是好事嗎？對明光社來講是的！