星期日, 7月 05, 2009

大玩

瘋狂趕工後,心理上的反彈力很大,就算好好睡覺休息,總覺得欠了些甚麼,要好好玩夠本。

一口氣煲完喬靖夫三部「武道狂之詩」,故事的武打情節和武林江湖相當寫實,主角是個超現實的傢伙,誰會在明代梳個dreadlock頭,一身聯合國的兵器武功兼拿住一根船槳四圍走呢?

昨日本來想繼續工作,但雨天屈在家工作會屈到病,打算去銅鑼灣二樓cafe做個soho好青年,結果五點去機舖「看幾舖」變成打到十一點才回家。不知是該機舖地運還是小弟的問題,這已是第三次在機舖遇上其貌不揚的超級有錢電車男,頭一位是內地有原料廠的少爺,第二位是本地某証券行老闆的公子,第三位是香港某連鎖飲食集團大股東的小皇子。頭一位似普通街坊矮仔波牛,第二個是名死MK仔(細看他是周身名牌,名牌穿出MK味也需要不少心思),第三個更加是無前途的電車男,所以有冇錢真係無樣睇。

回到家還是心思思,繼續玩online game打到天光七點才夠喉,斬了幾千隻喪屍,看來早前的壓力還真頗大。

*************

最近雖然努力充實自己,可是感覺上見識完全不足。

有些四處跑對人的工作可以大幅增廣見聞,但不親自動手東砌西拼總覺得不實在。以前就是因此辭掉Project Coordinator的工作轉回當freelancer。然而日以繼夜屈在電腦前面砌稿,眼界和心胸只會越來越窄,逛幾多書局都無用。


從C+的blog看到這篇久石讓的創作方法,日復日這樣做,不知前輩會否乾塘?

7 則留言:

匿名 說...

'最近雖然努力充實自己,可是感覺上見識完全不足。'


可謂足夠見識?

又有盡頭的一日嗎?



--小星

說...

村上春樹過的也是十分有規律的生活...會這樣做,是日本人而已?

xiao zhu 說...

覺得第三卷好似冇咁好睇。

匿名 說...

打機又點解會知道對方的身份?

Betty 說...

>>> 原料廠的少爺,某証券行老闆的公子,連鎖飲食集團大股東的小皇子

即是三个二世祖吗?

黑人 說...

> 小星

唔,需要另文再講,遲些再覆你

> 米搞

我相信某些美國成功人士都係咁,例如畢菲特或者標基就如是

不過代價係佢地的人生對旁人來講好悶,你有無睇過最新果套戲?無呀...最近好興呢首歌喎!哦係咩未聽過呀...

> 小豬

我覺得武當個掌門直頭係參考無限之住人逸刀流的盟主天津影久,希望佢唔會將劇情照搬就是!

> 匿名
打完機,投契既梗會傾返幾句甚至一齊食飯

> 小瓶子

第一個肯定唔係二世祖,第二個難講d,第三個係想自食其力既,但人工好低囉

匿名 說...

Oh....錯過左tim, 好難得你會大玩lo

-Jean