換機及裝機

上次思前想後，最終買了Lenovo S10-3 作為第三部電腦，連外置CD/DVD約兩千六，對我來說是good deal, MacBook 始終是見客和輔助工作用，不敢亂用。Desktop 已証實不能長開，早前差點報銷，打開機箱清理搏一搏，發現裡面的塵已經「炭化」，長期受高熱下跟機板融為一體，不是簡單的吸塵或打掃可以解決，要用力刮才剷走一小部份。網上見過有人藝高膽大，將cpu拆開，把部份部件放入水清洗，然後重新塗上散熱膏，完事後電腦good as new，想依樣壺蘆卻連基本的cpu螺絲也不懂拆，唯有作罷。勉強用吸塵機吸塵後大致上跑得動，可是過程中不知郁了甚麼線，現下又上不到網~_~

為了遷就netbook 低性能的特性，故意找一些較舊或者功能較單純的apps，結果比預期滿意，就以電車男必備的看圖軟件為例，傳統的acdsee已越來越多功能，又可以執相又播片之類，正因為功能太多跑得極慢，反而image eye專門看圖不管其餘，在速度上有驚喜，而且免費。

另一個徬身必備的軟件是inkscape，是adobe illustrator的免費版，可以支援大部份corel draw file（好像freehand也開到），以前每次見到.cdr總想殺人，然後被逼四處求救或者到腦場撲老翻。現在至少有簡便法門，尤其老翻鋪好像已絕種，電驢給領導斃了，bt又不可靠，免費軟件有時也可以get the job done.

Netbook性能偏低，通常ram不夠用，試過用軟件如eboostr將usb 手指化成外置ram，效果也可以，大約可以把性能提升兩三成，其實效果不明顯，但沒有加速的話又會覺得電腦跑慢了，也不知有多少是心理作用。

一直很抗拒使用office2007或之後的軟件，因為入面各種強大而我又不需要的功能把電腦扯得太慢，甚至客戶送來.docx的檔案，也寧願先將之upload上google docs開啟再修改，新電腦當然要試用一下免費的open office，因為我使用office的頻率不算高，功能滿足基本要求就可以。

還有燒碟的free easy burner，剪聲的audacity，看電影的k-lite codec pack和必備的itune等，基本上電腦主要運作軟件可以一毛也不用花，亦無須假手bt或翻版，再說舊軟件不一定差，新軟件加了太多鬼五馬六的功能，例如新msn就是，又跑得慢又多廢柴功能兼廣告，看得出M$很努力想反攻social media上的失地，偏偏搞越多花臣，就越易將用家逼去Facebook chat 或gmail chat之類簡便易用的網上平台。

新win7其實有一步做對了，就是將os內的功能斬件拼成不同的版本發售，反正iOS這種輕簡作業系統原來也大有市場，是時候收起那些眩目視覺特效和「強大功能」，專心把份內事先做好就是。








- Posted using BlogPress from my iPhone

關於添置電腦用品

要將自己遇上的電腦問題寫低，方便作消費判斷：

1. 繪畫色差

之前都提過，macbook 跟PC mon 色差太大，畫CG時有很大問題，尤其在家開始畫的，帶出街繼續畫時就會走樣，反之亦然。其次，就是macbook的onboard soundcard間中會出現不夠ram炒粉的問題，似乎也沒法解決。多年前有一部ibook 行OS9，問題亦如出一轍，想必是mac 中低檔機的設計缺陷，沒有法子解決。

2. BT和吸塵機
家中desktop的性能最好，但同時也是最熱和最食塵的，隨著積塵越來越多，早前差點開不了機。後來打開機殼吸塵，其實也無法完全清除cpu內的積塵(除非將鰭和風扇拆出清洗)。換言之，desktop大機是不宜長時間運作，甚麼BT、download等不需高性能的動作，應該轉由性能較弱的電腦負責

3. 日本電視台

上日文課見到學校能夠live streaming 日本電視台，向來很喜歡看日本的電視廣告，其知性節目、綜藝節目也很有看頭，初步詢問原來需要買機盒另付每月四百元，本來都覺得每月4百元可以接受，因為無論改善設計和日語都很有幫助。

後來找到一個叫keyhole TV的免費軟件，畫質較差但同樣可以串流，並且有很多不同地區的電台可以選擇，支援mac/win/linux，唯一問題是需要另外一個mon/電腦去長時間串流，實際上現時的macbook都可以，但那是用來見客的電腦，還是不想太早用殘它

4. vs iPad，電池續航力
最初都有想過買iPad，因為出外繪畫，沒有電源的情況下，macbook只能維持1-2小時top。外出時，電源不常有，這方面iPad是很吸引的，但是也考慮過，用繪畫筆的iPad其實感壓能力不是那麼好 (在iPhone上試驗過)，很難畫細緻的東西，而且一旦畫得太細緻，不夠ram的話會很痛苦

初步認為可以考慮買2000元樓下的netbook，用6 cell電，可以有4-5小時的電力，重量可以接受
我想netbook的性能應該等於5-6年前的中低價電腦，只要用舊一點的軟件(ps7, ai9)，理論上也沒問題

亦都有想過多買一個mon，做dual mon或者供netbook/macbook 使用，主要問題是桌面不夠位放，假如清理房間後騰出位置，必定會考慮。

被逼3Gs老襯報告

早前因為工作需要，等不到4G，逼住出3GS。

基本上多左部smartphone，真係方便左些少，但係是否大改善，又未算。

暫時使用感想：

1. 上kindle 睇書，剛剛刨左本David Gemmel的舊作，宜家買多本Lawrence Block既書，隨手拿起就睇得，係就手左。1 click purchase比買實物書方便平宜，缺點係睇完無得借俾朋友。

2. 嘗試開日文pdf 版的課本，發現中文字變晒怪獸，即係依然要帶住本書出街溫

3. 將自己影低的reference灌入iphone(我將好多design書影成jpg，方便攜帶及參考)，發現d 相自動降晒res，蒙晒，用唔到

4. 嘗試將以前Lynda.com 既教學短片灌入去iphone (教CSS, actionscript, photoshop 執相之類) ，結論係iphone 睇唔到.mov 格式，而itune又唔知點解無法將.mov 轉成mp4，我發現upload 上youtube 仲實際。

5. 可以睇yahoo 網上財經，但係做唔到網上交易，因為銀行個website唔support 攜帶版safari

6. 開google doc 想做野，發現得個睇字，無得改。其他office app風評麻麻，尤其支援中文方面唔掂，唔敢試。免費的D2比較正常，查實只係text pad一個，乜都冇。反而login 上blogspot 有齊大多數office word功能 (字體粗幼大小、list、段落對齊之類)，換言之blogspot 係最接近手機版google doc 既野

7. 隨身地圖都幾有用，上網開email在某d關頭都有幫助

8. 理論上，我可以裝個remote desktop 去做上述的事情，暫時未試，唔知效果如何

9. 未jailbreak，裝唔到九方，無快碼或者九方等於啞左唔識講中文一樣，但係就快轉新OS，唔通到時又要break過再買過個app？

10. iphone 個鏡頭認真麻麻，我部Nokia 5230都好過佢，甚至以前部華為vodafone 720都不比佢差

11. iphone 4G 似乎都無改善到上述問題，查實好多都係軟件上的問題。再深入些少講，應該係公司政策上的問題，技術上應該完全做得到

12. 上facebook, 開twitter等等，都係唔等駛野，唯獨係twitter在上次反高鐵示威有即時傳訊功用，平日上twitter又唔覺有咩特別

iphone 醞釀中...

手機兩歲大，電池開始老化續航力打個七折，接收間中都有問題，係時候考慮換機。

有認真考慮過換哎瘋生痔或同類產品，有數個頗實際的理由：
- 搭地鐵睇書時，遇到生字可以立刻上網用字典查。
- 出去見客唔記得路，可以立刻查教孤高地球
- 去圖書館做資料搜集 (尤其係參考資料館) 可以影低想要的資料，唔駛俾佢地屈彩色影印錢
- 約fd吃飯可以立刻查openrice
- 可以駁notebook當作隨身internet (待查)
- 無聊可以開 youtube，網聚悶局解困專用

(至於影人裙底、絲襪美腿之類用途就頗難，偷拍需要好多野配合，最主要的配件是膽，我無。)

當然亦有些一考慮需要查清楚

- 流量收費及其他隱藏收費
- 3G新機推出日期及費用 (我好憎做gadget白老鼠) (verified)
- 軟件穩定性及輸入法兼容問題，朋友個iphone做某d動作就會炒，另外眾多輸入法我只懂得用快碼及九方，不知九方是否兼容新的3G(verified)，手寫不如殺了我吧。
- 俾d客知道我用哎瘋之後，無得賴「我在街收唔到email今晚先至覆你」
- 是否有其他手機做到晒上述功能，而價錢平一大截

******

趕完d job 再諗。
以上咁多功能都係nice to haves，無左唔會死，但每個月俾多三四舊水出去就唔同，果三幾百可以用在其他地方，例如最近signup 左UNHCR個難民援助計劃，同樣金額可以救到唔少黑人。

and the winner is...

近幾日越來越感受到無notebook 的不方便，以前有事要出勤，完事後可以隨便坐低繼續工作，現在必定要乖乖地搭車回到desktop跟前。

星期四終於忍不住，閃電式作個了斷。

所謂閃電式，仍然係心大心細，十五十六，陣間要出發了到底買邊隻好呀之類。

小弟屬木，阿木對阿木，首選是竹子機殼的Asus Bamboo U6V，點知打去華碩香港代理原來現正接受預訂，幾時有貨都未知，out。

始終接受唔到keyboard 中間暖暖眛眛有粒紅色野，不再考慮Thinkpad x200，out。

再查下有無類似性能的電腦，有兩部，都係華碩出品，第一部名叫Lamborghini VX3的豪華機，雜誌標價26xxx，格價網顯示萬五都有交易。不過由機殼到startup screen 都有跑車個logo，第一時間想起The Dark Knight 入面管家Alford 果一句："...The Lamborghini then, much more subtle." 為免日後在外開壇時惹人白目，作罷，out。

另一部Asus U6SG，性能一樣好而且非常輕，但係睇台灣的測試報告發覺電量--亦即所謂的續航力相當麻麻，3 cell 電池播放DVD不夠一小時就玩完，6 cell 估計是一倍左右，換言之日後依然要帶火牛出去，計返條數無輕過，而且某些外勤場合非常不方便。

最後決賽得返兩位參賽者，macbook 13.3"同埋Lenovo G230，兩者性能相近，價格相差一倍。

買平價機大可以放心粗用，而且慳返果6k 好好駛的啊...

最後老頂講左個非常好的guideline：你部腦有咁多公司野，唔可以隨便死。性能點都無所謂，總之可以繼續順暢工作就ok，唔好諗兩年之後點，你當初夠諗住同部dell過人世啦，宜家呢？

黑人以前部ibook都幾穩定，試過錯手未sleep機放入電腦袋搞到燒左，維修服務都相當有效率。而且Lenovo保養一年，apple care有三年，點計都係後者好d。

於是，又再重返mac大家庭了 *o*

另，最初擔心唔識裝windows，原來跟機已經有BootCamp (boot機用，windows須另購)，操作相當簡易，試行vista 暫時都無乜問題，係個每事問security 煩左少少。

揀notebook

第一次買dell inspiron 700 感覺幾ok 既，部機3年前買到現在讓左俾朋友都行得好地地，朋友仲要唔生性掉過煙灰跌過又淋過水，居然都無事。所以我第二部notebook 都係揀dell

但係呢部dell inspiron 1520 真係好Q重，先後兩次燒野，一次燒散熱系統，另一次燒 display card，公事唔敢再信佢，唯有買第三部。

買新的notebook 最大concern 係佢必須附合adobe CS 4 的system requirements，即係至少2G cpu 同埋GMA 500 或以上的display，2G ram 或以上。

重量最好在2kg 或樓下，HD可以用外置所以容量不是大問題

mon 的大小不重要，因為在公司時可以駁LCD display，拿出去見客，較細的mon會令老花的客戶減少望個mon，專注d傾野，present 作品時有瑕疵都唔會望得咁仔細 (笑)

好耐無睇電腦硬件資訊，臨陣磨槍左揀右揀，睇中幾部

1. Lenovo G230，性能好，價錢平，但重量有少少over
2. Lenovo ThinkPad x200，輕身性能佳，輪到價錢有少少over
3. Lenovo IdeaPad U330，性能價錢俱佳
4. Asus Bamboo U6V，萬三銀貴左少少，但性能一流，輕身，賣點係個殼用竹做
5. MacBook 13.3"，價錢稍貴但用料上乘，唯一擔心係唔識裝返個 windows

突然想起...好似頭四位都係華人產品喎。講真dell實質上亦已等於國產貨，至於mac 機裝嵌是否同樣在內地進行就不得而知，講穩定，第一印象覺得mac 好似掂d，其次係華碩，未接觸過 Lenovo 產品，所以無法比較。

趕起d 吊頸deadline之後就要抽時間去實地考察一下，有無朋友接觸過上述的品牌或者用緊以上型號？