納雜事數項

最近開始發現自己乾乾地，無乜新貨
在網上隨便找到一些講grid layout 的文章
權充一時吊鹽水suppliments，希望對各位design 朋友都有些幫助

article1


article2


article3


****

為何港女嫁不出？因為太多矮化港男港女的文章了，每寫一篇時真係諗下除左踩人，能否助人解惑脫困...尖酸刻薄只是調味料，主菜內涵才是關鍵。陶傑都有曲筆諷港男港女，然而佢有一個consistent的主題沒有明確寫出來：都是叫人多充實精神文化，少拜金功利。

黃、梁之流的文章就只係批評男人沒有追求品味 (ie 名牌)，不夠「風度」(一項沒有準則，由女人隨時定義的attribute)，睇完只會將香港女人的價抬到更高，更乏人問津，幫倒忙。間中搬出一兩個文化名詞，旨在充塞文章份量，但世上還有好多細心的人，一眼就能看穿入面的空洞。

****

Wentworth Miller (Prison break 男主角)原來又係攣的，不少女生大概又失去一個幻想對像了。雖然跟黑人無多大關係，不過成日覺得點解十個俊男九個攣，剩低果件雙性戀。希望佢日後唔會俾性取向影響到銀幕形像啦。

男人無用

每逢見到寫港男港女的文章，心裡有點鬱悶。無論踩港女，還是數港男，最常見拋一大串文化人物、著作經典充撐場面，令作者看上去很有內涵，從而矮化對方。

這種「內涵指標」是很無謂的事情，大家興趣不同罷，我沒讀過托爾斯泰，你有玩過MGS嗎？

同樣，為了別人膚淺的標準而看經典著作(那位「別人」可以是實質一個人或虛構的概念)，在黑人眼中也是很膚淺的行為，不喜歡，又何苦勉強？

喜歡文字戲劇的人愛莎劇，滿足感源於作品的美而非一種身份的認同。他更不會歧視喜歡Twins 或梁望峰的朋友，大家興趣不同罷。

古典音樂和莎劇只是古代的流行娛樂而已，並不是特別高的品味，Jan van Eyck 的Arnolfini Portrait，講得衰d，係古代的婚紗相服務。

大樂必易，藝術文化跟市井草根向來無法分割，黃霑有斬料斬大舊叉燒，Jack London隱於水手老粗之間取靈感，杜甫作詩務求老嫗能解。事事抱著中環價值觀看不起中環以外的人，世界頓時變得很狹小。

(弔詭的是，黑人為了解釋自己的見解，未能免俗，同樣拋出一堆人名出來撐場)

看到黃迪詩的blog，感覺不爽。

這類文字主題大概都是講現在的男人太不像樣。男人要怎樣，才算像樣？

母系部落社會雪姑七友七枝棍配一個窿，回教國家一夫多妻，古希臘男人除了老婆還有一個男朋友，中國人三妻四妾，菲律賓的女人養男人，近代西方耶教文化才搞男外女內的一夫一妻文化。

男和女向來都沒有「像樣」過，一直隨著社會不斷在變。

黃在文末講玩樂人間穿戴名牌叫雞叫鴨，那是有兩個錢就做得到的本事。說男人不像樣的，只是不像她心中二十年前那套樣子而已，用那一套鏡頭望現在的社會，自然甚麼都會變得像哈哈鏡。

向前看

今年cw，作戰失敗是也。
當然是貨銷不出去，不過今次大部份的時間親自擺攤，心態跟上次有別，見到很多不同的東西。
身邊的攤位生意都很好，有個第一次參加玩H 插畫的攤位更加百餘本一Q清袋，難道H才是出路？
朋友G玩巨乳封面也收到很不錯的效果。

對面是陸sir夫妻檔的CG高達漫畫，誠意製作但同人水準的CG始終沒市場。
四百尺/A-Club一代梟雄晚年有點慘淡，但成家立室都是個不錯的發展罷(尤其對於宅族而言)。

多日睡眠失調，先是趕畫，後是趕job，回家後累到立刻睡著，三四點又不由自主的起床。心中有好很多想法此起彼伏。年紀大有一點好處，當青春quota無幾，自然就會知道甚麼最重要，rule out 多餘的東西。

希望隊友們不會太frustrate 分崩瓦解罷，玩同人誌，一班隊友合作比銷貨重要呀！
(雖然銷不出貨是很physical 的問題...)

大戰前夕及過後

托福，同人誌的稿能夠及時印起，多得阿之的幫忙。現在就要為失蹤的數天付出代價，逐一應付客戶的奪命追魂call (同時也得expect 糧期至少遲上一星期)

整個小組成員的畫功能力只屬一般，帶頭的阿之是位30來歲的消防員，黑人十分佩服的是他脾氣極好，有行動力而且富耐性 (大概跟消防員一星期放三天假再加上班時可以繪畫不無關係)。

截稿之前，封面不知下落、有一位成員最尾一刻由零開始，另一位新加入的成員失蹤了，還有一位promise 有故事的成員最終只得一頁封面和些許插頁，當然小弟更加未上網紙未key 對白，整件事可以用「一團糟」去形容。

換著黑人穿他的鞋，肯定當晚或之前幾日就發作了，偏偏阿之老早完成自己的稿，還可以笑笑口相信各位成員在最終關頭會turn up and get the job done。

這種笑笑口相信隊員的能力，黑人只能靠後天有意識地營造，先天的氣量是學不來了。

再對比上一次搞comic world 的經驗並不好，當時矛頭明顯指向suppose 做領隊的B君身上，因為他的行為和EQ實在太差，有這麼明顯的靶，自己的問題反而看不出來。有今次的經驗對比，才發現自己的project management skills 和leadership 真的很有問題。

以今次為例，最低限度的PM 應該oversee 整個進度。確保deadline 前有最低的完成度，有餘裕再雕花，拔尖補底，以儘量不傷害工作情緒的方式鼓勵組員運作，阿之一直笑笑口及以身作則，都是很正面的例子。去到deadline 前做百吊鬼，只是poor leadership 甚至non-management。

另外聽光明頂時又被人講中死穴，有些人喜歡坐唔正，坐偏少少但做得比人好去証明自己的實力。例如有會長不做，偏偏當一個副會長甚至小委員去表現自己。以前做顧問時，就是太花精力想做得比別人好，去證明B君是多麼的不濟，反而沒有做好顧問應份的工作，令整個團隊發揮應有的效率。

看到自己的性格缺陷和壞習慣後，有人會選擇憑意志力嘗試改變。黑人並不信這一套有效，反之，儘可能迴避自己的缺陷較容易。例如口舌招尤，就儘量少跟人打交道。習慣遲到就選擇一些不用那麼commit 的場合約會朋友。

人總有極限的，有些人小心眼不是將帥之材，又或有些人總是粗枝大葉不問細節。意識自己的長處短處，甚麼人就當甚麼位置，正如打電玩Gundam，較脆弱的渣古在後方擾敵，性能好的高達紅勇負責當主力攻堅，技術能夠在一定程度彌補機體的性能缺點，但總不能完全改變它本身的定位。

能夠短時間改善的缺點當然應速改，改不了的，儘量令這些缺陷不影響日常的生活工作就好。

Brother can you spare a dime?

Once I built a web page, made it run
made it last against time
Once I built web page, now it's done
Brother can you spare a dime?

Once I build a web blog, full of rants,
flash and youtubes and sound
Once I built a web blog, now it's done
Brother can you spare a dime?

Once in Khaki suits,
Gee we looked swell
Full of that Kongie bow tie ah Tsang
Half my million stocks
Went diving to hell
I've got that tip from my friend
Say, don't you remember, they called me Black
It was Black all the time
Say, don't you remember, I'm your pal
Brother can you spare a dime?

梁文道的Anobii

不知梁文道有無anobii 帳戶，更不知他有無這個美國時間去逐本書 (包括以前看過的舊書)上架。
弱水三千--梁文道書話就是收錄梁文道近年看過的書目，並附上一些撮要短評，最適合load 機時翻兩頁，可以當作梁文道一個小型 offline 版anobii書櫃。

因為不是由第一頁翻起，又只挑有興趣的來看，不知何時才有讀完的一日。
透過此書可以看到很多平日不會涉獵的題目，在書單也不會見到這類文字，試問那個書局會用「書是由廢話組成的」去形容 The World Is Flat (世界是平的)這本暢銷書呢？

說起來，即使劉細良主打年代，打書釘間中都會介紹美式棉花糖書籍，如blink, the world is flat等等。

最近開始讀的「創意黏力學」(made to stick)也略有棉花糖之嫌，不過對於缺乏創意訓練的外行人而言，此書算比較有系統地將一些雜散的常識串連起來，始終common sense 未必真的如此common。

方卓如的國金外望也是這樣有一頁沒一頁的翻，結論是有看沒有懂。尤其當作者懶風趣以戲謔方式講一些企業財技時，更如墜五里霧中。黑人自稱美術人，美術常識匱乏，通識也乏善足陳，唉！

黑人這個blog 立立雜雜，想學渣古老闆結集成書是沒可能的了，但最近也趕頭趕命，為了comic world 24 趕稿...偏偏今個月才最多工作又有危機爆發，人都癲。


黑人無論如何也寫不出的書評

feeling down

好像做到不見盡頭，想稍為停下來休息也不行的感覺

有些是交租job，不做不行，有些是友情job，也不可以停

近日開始覺得真係唔夠時間用，顧得production，acc servicing 就會停
而且設計和deal 客是兩種思路，不能同時做
清掉了今個月的東西後，以後的project 真的要找一個固定的acc servicing 處理，話唔定per job 賺少左，但net 反而多左，姑且試一試

忙，天色晦暗，朋友少，心情一直也很差，有些朋友忙工作，有些拍拖或結左婚，總不能成日找人訴苦，講得多都口臭
突然想到從blink 一書讀到很奇怪的東西：表情可以影響情緒
趁無人一試，心情真的會變好，至少想到自己的怪樣子都會覺得有趣
可惜效力只是杯水車薪
轉頭又是 囧rz ...

(若果無咁多野趕，走去跑步游水畫公仔挑機，心情可以很輕鬆愉快的)

regret

未打風，周身唔聚財，屈在家中打了一日機 (仲要玩差唔多十年前的Brood War，壓力 -5, 壓力值:5/10 )
打風了，反而守在office，精神爽利不斷做野
癲倒晒
真係抵我無乜朋友

********

早一輪跟凍啡側田吹水，提到工作動力的問題。因為大家的工時性質有些似，總之交到貨便行，所以生活節奏唔係咁穩定，成日覺得d 時間用得不夠效率，一係就衝得太盡，一係太hea。

大家講到一點，就係「內疚感」。

原來動力最大的時候，就係hea得太耐、充滿內疚之時，無論閣下係打工還是自僱都好，唔知有無試過「玩得太耐，係時候做下正經野」呢種心態。(日日有deadline或上司head 住的人可能不會明白完全自由是另一種惡夢)

啊！與君一席話，勝讀10年書。以後不須等到奶晒撻才內疚發奮，每日返工前回憶下以前衰左既野增加內疚值便可。

古人臥薪嘗膽，也是同一道理。

以前玩一隻叫Torment 的電玩，當中的主題幾有意思: What can change the nature of a man? The answer is regret.

題外話，Torment 當中一大特色係主角可以透過紋身來增加自己的能力，估唔到有fans 真係癲到搵自己來較飛！

Tattoo of Torment

Perfect Storm

先confess，黑人的地理常識只維持中五程度，而且好多只為應付考試，考完就還晒俾邦民。

香港天文台處理掛唔掛風球，其實係一種經濟及政治考慮，天公是沒有投票權的。

查實無論陰晴，大家都係自求多福。天陰帶定遮，天熱自己避太陽，天文台除左講些聽左等於無聽的東西 (銅鑼灣空氣污染指數係偏高, so what? 係咪唔好去?)，至少對小弟來說參考價值是0。

上年派比安，小弟做緊外勤，睇住柴灣d 棚架成幅扯被風左落黎都只係3 號仔。所以昨晚朋友holiday mood 大作，本來想玩夜d，黑人問佢：「你聽日買大定買細丫？」朋友打左個突，跟住都係返屋企早d訓，預備第二朝風雨不改逼巴士。

同事叫黑人去睇「地下天文台」，實情d 資料都係源自天文台，不過兩者對數據的解釋迴異，睇得幾有趣。

天文台的公眾形像已經變左類似大陸文宣部，無論發表d乜，市民心中都會自動唱反調。例如大陸有新聞指青少年睇日本漫畫之後狂性大發，黑人見過大陸網民第一個反應就係：「嘖！文宣部d 假新聞都好信。」因為佢地認定呢d新聞通常都係為官方下一個政治動作舖路。

同樣，香港天文台打風只要唔係掛8號以上的波仔，大家都會覺得係為左個市。地下天文台個站主批評香港人及傳媒除左黑雨同8號呢兩個切身利益的警報之外，對天文的認識好差，極中point。

黑人成日覺得香港人的通識...係通通都唔識，慚愧！

Blink

讀完blink，感覺是打著學術招牌的潮流書籍，只適用於飯局吹水唬人。

Blink 嘗試探討人如何在電光石火間以極有限的資訊判斷事情，用上「嘗試」二字，因為整本書未能有系統地解答問題，只能以不同例子描述blink這個現象。娛樂性尚可，若果將之當成一輯國家地理雜誌特輯節目的VO稿來閱讀，畫面和footages立刻就很豐富了。

說它吹水也難怪，作者扯上幾個頗博奧的題目，例如人的潛意識、面相學、犯罪心理學、人類學等等。二百五十多頁要清楚闡明每一個題目根本是mission impossible，所以打從開始就帶著entertain me 的心態去看作者所講的每一個例子，倒還不算失望。但多次重申前面提過的例子，感覺就有點兒騙稿費了。聽聞作者另一本書 The Tipping Point 較好看，他日若果在書局碰上也會考慮。

**********


Product shot of WONDER LIFE, a clear example of the HK SME's lack of taste, what exactly is Ice-Cream Flavor?



下一本是《創意黏力學》，封面做得麻麻，看了很久才知道是貼了牛皮膠紙的乳房。讀過intro，入面講的例子說明了一些創作人(及客戶)獨有的毛病，例如太多message、傳遞訊息的方法太過自我中心、過於概念化、枯燥等等...

off the head 想到一個本地的創意反面例子，不知看倌有無留意一款叫活色生香的避孕套牌子。

黑人對於他們兩三年前第一個月台12 sheets ad 印象還是十分深刻，那廣告就是將自己的ISO証書正本登出來、附帶一張廠房照片、一大堆copy以及一張極大的product shot，「港式地產密質質主義慌死用唔盡d位就蝕大底」心態表露無遺。一個普通消費者買condom，照計不會理你張ISO証書係點吧？再加一個化工原料處理缸 (附caption講解工序) 到底邊個會覺得性感呢？

果班客戶心中最擔心的題目可能就係生產規格之類的問題，所以佢地覺得一般人買避孕套，第一時間都會睇下到底間廠有無ISO 同埋個化學原料缸穩唔穩陣。

今日又見到佢地的ad (真係有緣)，最初見到三個著白衫牛仔褲的中年男人懶奔放地擺出個sir 滑梯pose，隔離有佢地個名。我仲以為係現代教育果d 阿sir，今日唔覺意望到個logo，原來又係佢地，唉！好心咪獻世啦...

同佢地同期的岡本正好相反，岡本唔玩show一男一女講情趣 (杜蕾絲已經玩到爛)，一個key message 就係「薄」，visual話俾你聽佢地係「型」，已勝過活色生香千言萬語。(傳聞岡本曾經有穿過的案例，無follow落去唔知點收科)

《創》提及一個「估歌仔」心理測驗，一個人只係打拍子，另一個人負責估歌仔。結果成功率十分之低，打拍子果位往往無法明白點解「對方仲聽唔出，明明就係「生日快樂」啊!」

原來人掌握左資訊後，往往無法想像其他沒有資訊的人如何思考。

活色生香果幾位仁兄，你地都係唔好自己掌舵做埋marketing/advertising 喇，搵d專業的4A幫你地度橋好過啦...唉...

身心俱疲

近日不斷開會...present，standby，又積壓左好多野做...d數係返緊黎但好快又散晒出去。

以前去到呢d位就會想不斷打機減壓，但越打機，工作的時間越少，體力精神更買少見少，最後又在crunch time 爆發或者失期，沒完沒了。

所以就算無乜精神都好，都要逐少逐少地完成d tasks，釜底抽薪。

數日來幾件事:

1. 做飛虎隊，扮別人的伙記去present，結果由輔助變左主力。不是想自誇自己的能力如何，那是一場漏洞百出的presentation，個客可能睇唔出，又或者唔講出來而已。去到結尾，個客傾得開心，提議用retainer 包起拍檔們一年...心入不期然苦笑，因為左右兩位拍檔其實唔知NDA 同retainer 係乜，或者衰d講，好似只有小弟一個知道發生緊乜事。黑人只係一個孤魂野鬼freelancer，今次扮埋account executive 幫你地過關，下次又點呢？真係做旁觀者都睇到好擔心。

換個角度，黑人可能shutup 對件事或者仲好，懶醒飛身去補位，可能搏得一時稱讚，但長遠可能害左拍檔們同埋個客。I hope this will not be the case...

2. 傾左個有前途，但搵我笨的proposal，sorry喇...真係幫你唔到，除非真金白銀即磅七成，閣下吹兩句梗係易，我地要commit 個幾兩個月的。成日在小弟面前講大陸d人點平點好，咪搵大陸人囉，又要放心唔落。另，若果想搵partner合作，都要諗下人地有無著數先好開口啦，呢個plan 擺明係過橋抽板的，sales 人有個毛病就係習慣tum到對方應承左先，跑數就話嗟，傾business plan 唔可以將d 核心問題押後再講。

3. 收一張票，在個客間公司 hea 左4個幾鐘，仲要買左差唔多成百蚊糕點上去，哈！順道做左和事佬，希望兩位A 君都可以再合作返啦!

4. 聽到一d 小道消息，原來另一位小弟好尊敬的design 神人都有十分不堪的工作習慣，遲到早退、交貨唔準時、工作時玩女(!)，而且呢d野傳得好快...唔，每次有一隻手指指人，都有三隻手指指返自己，聽完不禁出左一身冷汗。

5. 就黎comic world 喇，要趕埋d稿。

6. 開左個anobii 帳號，發左神經咁入d 書落去。遲些有空再embed 個書櫃出來。

周瑮

偶然在70樓睇到呢篇文，沿住條線一路睇落去，感受都幾複雜。

1. 小弟個blog都試過被人cyber-bullying 不斷貼粗口

2. 自問又真係幾鍾意睇 AV。雖然睇的AV都是收費的，但係覺得BT AV是一種necessary evil，大家某個階段都會做過，敢唔敢認一回事。

3. 近來的青少年風化案，少男強姦少女案固然令人髮指，但四皇一后果單case，卻不是甚麼新鮮事，以前在she.com 石屎版睇唔少十幾歲的集體true or dare 回憶錄，輸左不是罰濕吻，而係除衫除褲甚至罰BJ 罰打飛機。黑人不是認同這些事情，只想講不是近日才有，更不是因為BT AV 片猖獗才發生。

4. 人的本性就是搵代罪羔羊祭旗。小朋友齊性交，一定係睇得咸片多！多年前，美國某某小鎮有個小朋友拿支shotgun 隊林全家，傳媒在佢睡房一看。咦? Dungeons & Dragons!不得了，一定是令人有嚴重暴力傾向的遊戲。Dungeons + Dragons = Death!

5. 黃賭毒是人性不可分割的黑暗面，無可能禁絕，但可以立例規管，陳以利弊，讓人自行選擇。記得倫敦SOHO區某些書店，地面那層是藝術書，地庫乜都有，gay, les, gang, 戀物癖, 性虐etc，落去睇書的不是「時下青少年」，往往係衣冠楚楚十足道學先生的老外。佢地就係在果個小小的地庫滿足左最黑暗的幻想，行返上樓先至可以繼續當別人的老公、老婆甚至老師。

6. 指斥青少年性道德敗壞的人們，應該反思現在的性教育是否依然係兩張人體解剖圖？有邊個夠膽在堂上跟學生討論戀鞋癖呢？斷估最叻就係譚育英姐姐式的教導：「各位千祈不要學，發現有類似症狀就要叫家長一齊搵心理醫生輔導」，呢類教育只會令處於反叛年齡，有性經驗或特殊性癖的學生被打進邊緣，無法做到教育的效果，誤人子弟往往出於一片好心。

7. BT AV是雙重不道德，道理上好難為其辯護。日本不盛行BT，卻會將睇完的AV 片流到二手市場，呢樣野好難照搬落華人社會。正版的日本AV，售價由三數百至六七百元不等，到底如何將法律上的刑罰、AV片的售價以及人的性慾三者取得一個平衡點，係一個比盜版軟件更delicate 的難題，難題在於，盜版軟件尚有空間討論，盜版AV卻沒有。

8. 就算俾你學似大6同星加坡咁禁絕晒，需求始終有響度，唔係一刀切世界就會乾淨左，即使切左人地條J都係咁話，唔通封埋女人個gap咩？唔好以為女仔就唔睇AV唔玩咸game，一樣大有人在。不信，試試走去信和某同人AV店子，經常有少女及OL三五成群 (壯膽?)翻閱BL H game catalogue。

9. 周瑮寫得呢類題目，真係預左俾人圍插。佢唔知有呢個風險，只怪佢唔夠Golden-savvy。呢一點我幾認同袁彌明的見解。

10. 歡迎討論


頂...六點幾又訓唔返，食左早餐出去游水先!

************************

後補:

書展買的設計書

100回目達成!

據聞去到第100 篇就會失去"勢頭"被逼休blog，到底是否屬實？

我想是的。

人的下意識很容易受影響，令主觀事實改變。

最近刨書展搜刮回來的Blink，看了約7x頁，大概也是一個idea 脹大再用不同例子貫連的美式棉花糖書籍。話雖如此，把它當成一個六十分鐘專題報導來閱讀，趣味性還可以。

當中引述幾個例子，案例之一是叫學生做幾個簡單的重組句子練習，奇怪的是做完之後，學生離開時步速會變慢。

原來習作中藏有大量意象徵年老的字眼如gray, worried, old, wrinkle等等，在過程中滲進當事人的潛意識裡，令他不自覺表現得像個老人家 (行得較慢)。

書中稱之為psychological priming，且勉強譯作「心理塗抹」。

書中提及類似的「塗抹」實驗：將一班黑人學生分成兩組，同時進行考試，其中一組在試前須填上自己的祖籍，另一組則在試前花五分鐘想像一下自己身為教授並寫下任何有關的感想。

結果兩組人的考試成績相差達25%，第一組人下意識聯想到各種關於黑人的stereotype，覺得自己不夠聰明。相反，另一組人以為自己較聰明，故比現較佳。

(死喇...黑人成日叫自己做黑人，若果叫白人係咪會有運行呢？)

其實上述的例子跟snap judgement 算不上有太直接關係，Blink真正主題是人類如何在短的時間內以極少的資訊作出正確判斷，例如見工面試、speed dating、購物、打波甚至打機等等。

問題在於人無法有意識地暸解這種思考模式，作者認為snap judgement之所以快，在於濾走了大量的資訊，甚至在邏輯思維未起動前已經運作完畢。

所以黑人成日覺得，好多自稱理性的消費者，只不過用一套看似有邏輯的說法解釋自己的潛意識行為。書中甚至提及索羅斯及其老父也是靠直覺行先，事後先至搵証據支持。

我的直覺叫我快d訓...個layout留返聽日先做，信唔信佢好？

書展

花了差不多成千銀，今次無乜點買design 書，書得起、page瘟都無晒有質素的日本graphics書，頂多都係放些炒雜碎潮童graphic books (我估呢d書最受歡迎)。反而Japan Art Director Annual, Applied Typography annual果類書就唔見晒。

再查返本directory，原來走漏眼，無去到競成以及Nippon International Publication Service 呢兩個攤位，以往最好的日本design書都是在這兩處買到。聽日有時間或者會作最後衝廁掃多一輪...荷包傷晒!

書展越來越保守，只怕HR Giger, 空山基呢類插畫大師以後無緣再登場，以前買空山基的裸女畫集真係靚到dum一聲，後來佢唔知痴左邊條筋，將舊作翻新變左SM版，果d女人著晒金屬及橡膠奇裝異服，又真係正常人未必諗得到既，而且...佢係用最傳統的air brush作畫，唔似我地宜家有photoshop，宜家乜7工具都齊，做唔出好東西是人的問題囉。

上書局all star 上陣，先後向蔡子強、道長以及劉細良索取簽名，仲有幾個我唔識的，而沈旭輝未到場，無緣見到號稱30會最靚仔的青年才俊，嘿嘿。聽返梁文道同劉細良把聲，幾懷念佢地以前做打書釘的日子，始終以當時最好聽。

去左全力圖書掃喬老大的著作，因為我同朋友w的荷包都重傷，所以決定大家各買一部份，w買了全套殺禪。本來仲有機會可以向喬靖夫取簽名的，但係要等多差唔多一個鐘，又已經周身行李，唯有作罷。

新買的blink似乎幾有趣，講解人類在一瞬間判斷事物的行為。可惜小弟blink錯左，買左本2000年的日本web design annual...DLLM丫...當時d野呢...十足frontpage整出來的業餘作品，若果唔係d photography救返件事，真係可以丟落垃圾筒，雖則係二手台灣野，$120 ，不過阻訂丫嘛...

improvement

創意前輩講過 (忘了是ogilvy 還是paul rand)，若果一份design 你無法做得比上家好，就不要接。

小弟現在就面對這種困境。

上一手的design其實並不算差，至少沒有明顯的缺陷。而客人亦沒有明顯的不滿
接到這單job，純粹因為個客有其他理由轉supplier，而我碰巧是supplier 用開的designer 而已

開會後的感覺是這個客很難服侍
個客見慣風浪，慣左走精面、凶人、敷衍人等等，甫坐低對方已經在衡量誰吃誰 (像黑人這類小角色，她是衡量怎樣吃)

開會傾左兩個幾三個鐘，主要是聽對方曬命，包括佢的身世、發跡史、about us、contact us etc
至於點樣design，查實真係無乜頭緒

若果唔係朋友開到口，呢個客我甚至可能一開始已經唔會approach

應承左，又係要頂硬上。不過做左少少預警功夫，劃定止蝕位，講明改幾多次之後就唔改
good fences make good neighbors

暫時大家都要互相依賴，要在「抵得諗」同「醫肚」之間取個平衡位，又談何容易。

原本想睡一覺明早再戰，諗諗下，以往經驗係睡一覺後果day 被人追到瘦，壓力下係做唔出好東西的

甚至連貨都交唔到，所以通一晚比較穩陣

身體實在對不起了...明天會好好休息

one more night

完全道出近日的心情...
give me just one more night...
oh one more night
one more night
coz I can sleep forever...

風格論

近日太忙，好像做極都無得停。現在最低底線是儘量維持休息時間，暫時寫不出有深度的blog，rant 就可以寫好多!

曾經見到有些人做了好多年design，production 是很熟了，印刷對稿肯定不會錯，但做出來的稿就是唔對路，而且變唔到。

又或者，接乜job 都用同一種"style"去handle...(黑人成日覺得做design 幫人解決問題第一，表現自己是其次)

因為好多創作人去到若干年紀，做出來的作品會老化。到底經驗和歲月會令一個人更純熟地表達自己，還是會令人有一個comfort zone，停止創作？

自己會否去到某個位就技窮？諗起都有點擔心。

請求

其實今日有野趕，根本就唔想寫blog
不過既然小弟個blog 發生接連粗口炸板事件，仲影響到多位黎呢度留言的朋友
小弟先同受影響的人講聲對吾住先！連累到你地！

先澄清一下，黑人近年無「搞甚麼事」，亦已經好耐無在forum 上同人發生口角
即使業務上有磨擦，頂多各行各路，河水不犯井水，呢類case 都少到數得出

近幾個月來，周不時都會有一位匿名人上來post d 粗口entry
通常黑人都係刪左佢就算

講真，要數月如一，咁堅持地上來post 粗口
除非精神有問題，否則就需要跟黑人有相當大的仇口先至得

自問雖然不是心細如髮，但為人尚算謹慎，有幾多個朋友、仇家
向來心中有數 (因為二者都少)
而且呢位仁兄無意中透露左佢響邊度認識黑人
令個suspect pool 縮到得返兩人，一個是黑人的朋友
稍為追溯一下d歷史，拉返d線，最終指晒去一個人度

我勸閣下真係好停手喇
玩呢d唱衰遊戲，永遠唔會有贏家
when things get uglier，大家只會一齊輸
我咁講唔係一個threat，你當係reasoning又好，pleading都好

請你讓我在我呢個小小的世界混日子
大家各行各路，就當彼此不認識
為免惹人誤會，我亦不會增減過往的entry

假圖假字

砌稿時，間中會落假字或假圖作place holder，讓客戶大概知道 look & feel。

英文稿最出名的假字就那那堆像哈里波特咒文般的Lorem ipsum。中文我不知，知道的同行請解說一下，謝謝！

以前在小型廣告公司工作時，copywriter 和account servicing 都是同一位同事擔任，往往要在沒有文稿的情況下先行做artwork。當時黑人剛在日月神報打滾不久，習慣精確文稿及成set圖檔照單執藥。對廣告公司使用大量的假圖假字極不習慣，覺得甚麼都是假的，實在浪費精力。

近來，黑人處理一單案子，擔任的就是account 和 copy 兩個位置，由朋友負責design。

現在才發現，要將客戶的指示隔渣過濾，再將所有資料整整齊齊寫一套指示給designer，原來都是很吃力費時的工作。(以前負責跟黑人接洽的客戶們，實在難為你們了!)

又因為同時要肩負另外兩單案子，一時騰不出時間對好成份copy。

客人不斷催稿，唯有叫朋友落假字假圖。

朋友在神報工作久了，對落假字的反應，跟黑人以前一模一樣：「你不如叫個客firm 晒d野，再話俾我聽點樣做啦。」

黑人現在就處於一個「大林麻」(dilemma)當中，自己動手砌晒，隨時快過慢慢教朋友點做，因為佢在工餘時間砌，可能完稿個客都夠鐘放工。

何況，朋友砌完仲有個risk 係捉唔準個客的taste，以前都試過唔止一次。因為捉feel 呢家野，只能意會，難以言傳。

自己砌晒雖然快d 完事快d收錢，但又會得失朋友。搶左佢台戲來做，感受一定不好。

不做，又真係趕唔切，現在已經behind schedule 3日，照現時的turn around速度，必定遲多三四日，來不及上機赴印，大家一鑊熟。

唔夠production time,大家都不想的，客戶很遲才收到貨版，影product shot 都翻左幾轉，寫copy 就更加...大家都想俾designer 多d時間做野，只不過守尾陣就要cover 前面的mistakes...all shit goes downhill，請遲些才發我脾氣吧！

借袁崇煥一句：「掉那媽！頂硬上！」

日式pitching

通了兩晚頂，為了趕一個pitch (回報合理的話，我不反對pitching的。)

開會過程順利，自問做出來的mockup 水準尚可，照計成數都頗大。不過事情發展總會有變數，聽得太多sob story 死於親戚裙帶關係，明明條橋和design都比對方好九條街，就是輸在對家是老闆的皇親國戚，未出戰先勝出。

總之做最好準備，最壞打算，其餘一切隨天。

同事說整個mockup 極具日本風，若果個客buy 呢味就perfect，否則都幾麻煩。

一向對日本的typography 及插畫極具興趣。奈何只學得其形，未具其髓。日本是精於工藝的民族，例如像港式茶餐廳牛雜煲這類粗糙菜式，日本人總是有辦法將它擺得很精美。

日文筆劃少，似graphics 多過似文字。平假名傳統味濃，片假名則適合潮流事物，遇上較有深度的題材，更可以選用漢字。中文就沒有這麼細微的區分。雖然不太喜歡簡體字對中國傳統文化的破壞，但站在設計層面來看，簡體字也相當graphical，有一定優勢。可是簡體字的在文化層面的associations 還是負面居多，需要時間沖淡。

瀏覽器使用的字款，亦以日文字的製作最佳，繁體次之，簡體在美感和可讀性上最低劣。

中國人著重意境和大體，細節很粗疏，日本人相反。所以有時日本人的作品比較小家子氣，亦難以拍出氣勢磅礡的電影場面，但絕大多數的設計及工藝作品都是日本人天下。看日本人的portal site 更加可以體會這一點，相比起國內的資訊網站 (如簡體版的tom.com)，那是一大堆pixel 雜訊，不是給人類閱讀的。套用國內的說法，是「資訊這個大方向抓得牢，美感這東西嘛，湊著看點兒罷。」