星期二, 12月 02, 2008

搏拉(18禁)

亞洲準威尼斯搞一個小小的性文化展都甩皮甩骨,不如講下d偏門咸濕野,警告在先,未必適合大家胃口。

友說,中國甚麼都禁,但甚麼都有。

其他不敢亂講,性文化方面,這句話是成立的。

耐唔耐就會有記者報導香港有甚麼變態戀足狂人,搵左一兩個女仔拍攝絲襪照被警方拘捕云云。其實國內老早就有大把戀足組織,規模越來越大,由北京至廣州幾乎每一個城市都有自己的戀足網,而且國內網民對於偷拍、自拍及棚拍(上影樓拍攝)樂此不疲,幾乎每日都有數千數萬張新圖片,部份網民攝影質素拍得住日本高檔AV水平。當中有幾個搞得較大的網站更加推出收費光碟及雜誌,兩本國內雜誌「愛慕」同「「伊蓮」香港唔少簡體書店都有得賣。

國內戀足雜誌表面跟時裝雜誌無異,女模特個個42吋長腿,衣著端莊但無露點,如非戀足同好絕對不會留意箇中乾坤。每期附有光碟短片,拍攝場地多屬國內中產人士的優質豪宅,甚至有時會專程去名勝古剎取景,黑人手上一期就是渣jeep到一山明水秀之地拍攝,印証李照興「潮爆中國」一書所講新新中國人的娛樂生活。

受網管所限,國內似乎無赤裸裸的色情網站(或者黑人少留意吧),絕大多數表面以型男索女自拍、時尚文化等為掩飾。當你注冊login之後,論壇內的事物又係另一個世界,戒心較重的論壇,更加會在登錄之後再設關卡,表明要有個人資料及發帖量達一定水平才可觀看內容。

暫時國內的另類性癖還不如日本般「變態」,多數以軟性的著衣緊縛、制服、變裝(即男扮女裝)、半室內的「公眾露出」為主,完全裸露的色情性虐網好像有一兩個,照估係server 設在外地的收費網站,不過因為打正旗號係China Bondage,所以深受日本及歐美咸濕佬歡迎,聞說生意還不賴,大國崛起,大國的美女同時也令千萬男根勃起。

撇除護士醫生軍人警察一類universal 的costume fetish之外,其實每個國家多少都有自己一套的民族制服幻想,日本最鍾意和服乜乜物物,偏門一點有女忍者或皇軍裝扮,美國最沉悶,充其量玩農場風味,至於中國呢...唔知點解國內人好鍾意「女烈」,亦即文革時代的農家女被押上刑場的情景。德國人的性虐及橡膠戀物文化非常發達,照計應該常見到納粹打扮,偏偏就無,反而日本人間中仲會拿來玩,樂觀地想可能係德國人對二戰的贖罪心態非常深層徹底,連曳曳時都不會拿來開玩笑。

國內都有唔少性虐私人會所同埋以綑縛為主題的攝影網,而且相對地高調行事。香港唔係無,但只局限於圍內知情人士(黑人不知情,請慳氣不要問入會方法),一來怕差佬,二來怕記者,相比之下,兩地性文化誰較開放前衛,一看即知。

如果想看戀物圖片又怕中spyware,介紹一個正經合法的網站,就係deviantart。上去先開個戶口,關掉成人filter,只要打幾個keyword就乜都睇得到。而且唔少gothic人影相極具美感(ok, 美係一個主觀的概念),當時黑人上到去,生理衝動之外的第一個反應係非常感動,因為見到世界各地的人透過erotic arts 大膽表達自己,言論自由就係咁樣的一回事。

記得以前香港某個性虐網有港女上去踩場:「講咁q多道理,你地變態就變態啦,死咸濕佬...」

OK,不如到太古坊的Vivienne Westwood展覽,好多80年代作品講到明係玩bondage同latex概念,即使後來入左建制表面上「馴化」了,大量作品的設計依然玩束帶同corset,香港出唔到頂尖的創意人,因為社會不許有freaks,如果有人學西太后在香港開間叫Sex的時裝店擺晒d性玩具出來,唔夠一星期即上報紙,第二日有宗教壓力團體抗議,第三日警方上門借故封舖拉人,早前保育運動被人批評:想搞抗爭搞革命,就要有被人拉的心理準備,你們有嗎?

撫心自問,我無。

8 則留言:

Betty 說...

香港有性商店, 我公司附近就有间吖.

anf 說...

講得好

黑人 說...

> 小瓶子

香港人淨係容許d up dup 商場附近偷偷摸摸一兩間,但係大大隻字紫紅色寫住Sex呢,死硬。(因為香港人驚其他人「學壞」)

> anf

Betty 說...

不过老实讲, 如果香港文化如此, 就算你大街大行开间Sex shop 无比人批斗及请算, 都无人够胆入你间铺睇野.

我觉得可能系旺的地方整间大0既楼上铺, 有漫画/VCD/大量性道具, 再加上18岁女服务员只遮两点的近似无上装衫. 可能有机会做得掂.

陳書 說...

為我們之間有幾個freak友而慶幸~

Betty 說...
此留言已被作者移除。
Betty 說...

边个系 freak 友吖? 介绍来认识下...

黑人 說...

> 陳書

你識的freaks 肯定比我多,淨係上次麥記果堆公仔佬的公仔數量,已經遠超黑人一生認識的公仔佬總和

> 小瓶子

真係咁做就會俾人告啦,再講邊度搵女仔肯只遮兩點同時又有條件暴露...