星期三, 9月 15, 2010

又把妹



約定你 Speed Dating You

講緊的係浪子M的公司。先講明,我不認識浪子M,沒有參加過這些活動(雖然身痕想見識下XDD)
佢甚至不知道我咁無聊寫呢篇野。

無以賀喜,唯有講些少建議:大多數參加者,通常要克服兩重心障,第一「死,我要拋個身出黎,我真係好cheap/好desperate」,通常女生較多這種想法。第二心障是「我質素咁差,去到棧俾人笑」,這個通常是男生較多。

針對第一種想法,最好是將活動性質淡化成為較中性的「聯誼活動」,降低參加者的心理壓力,有個下台階。better yet,有其他的活動分散注意力更佳,比方說月餅製作聚會,可以有全男組 vs 全女組以及男女合作,效果會更顯著

正如inception所講:正面的感覺維持較持久,有些信物效果更佳,信物由自己親手所作,記憶才會unique

第二個問題其實是生意機會,要解決新手面對異性的心障,可以加些少附加費,開個prep event,由公司提供一個媒,讓一眾自卑男/女來個模擬戰 (每次是全男班/全女班 vs 異性媒),再提供些少consultation,增加毒男毒女們的相處技巧和自信心,實戰時自然較流暢(同時可以預先screen走一些超級唔掂的參加者)

好些把妹班,連女仔都未見過就收幾千甚至幾萬銀,依然有得做,可見市場幾咁渴。

當然,上述都是塘邊鶴9up,謹祝浪子m生意興隆!

*******

身為「放牛吃草」年代成長的電車男,覺得要報course學跟異性相處是十分不可思議的事情,會唔會過多十年,市面會有人開班教人食飯?

9 則留言:

Ebenezer 說...

嘩!你對呢味野都好有心得喎^^

Hana 說...

>年齡: 男:27-37歲 女:25-32歲

oh!我冇份so sad!

浪子m: 說...

你真係好鬼有腦

黑人 說...

> ebenezer, 浪子m
9 up 指點江山有幾難?
不過關於心障果part,唔少係自身或朋友經歷


> hana
你一落場,成班女無運行啦
腦唔夠你食腦,性感唔夠你性感,把仔手腕又不如
佢地返屋企磨豆腐食自己算咯

Betty 說...

哗...我都就来超龄啦.

John 說...

>覺得要報course學跟異性相處是十分不可思議的事情

x2

pswong 說...

PUA也不是一無事處的,舊式玩家溝女除了靠口才,也會用戰車及偽豪宅去增加勝算。但這些車和樓其實是「環保車」及「環保樓」,因為這些舊式玩家即使溝了一百條女,但都是使用同一架車及同一間屋,此謂之「鐵打的車樓,流水的女」是也。

但PUA連「環保車」及「環保樓」都慳番,淨系用「環保口」,雖然PUA此舉對啲女而然是更加「口」惠而不實至,但無可否認的是PUA的做法是更加「環保」,至少對減少汽車廢氣排放作出了貢獻。

kAt 說...

幾鍾意你講:將活動性質淡化成為較中性的「聯誼活動」

因為近來朋友打算參與speed dating既活動, 第一個俾佢既反應都係: 「你邊要?」
感覺去呢類活動既男女都係期望速戰速決, 無左先認識/相處, 後談情既過程, 太即食

其次, 如果係「聯誼活動」, 就可以聚集左志趣相似既男女係一齊, 成功機會都會大增~

黑人 說...

>pswong

有車有樓遲早都是必須,睇下你身處場合啦
在美加,無車是死罪
在香港,無樓未必影響你溝女,但係好影響能否維繫感情


>KAT

假如我叫你在一間200尺的房間仔內,來回跑10公里,揮手500次,你啋我都傻啦

但係換成叫你打羽毛球,成件事就有趣好多,而且你唔覺得自己跑左咁多步,因為有個球distract左大家的注意力

同樣,有件事去distract左注意力,可能平日不善社交的男女就會較自然地作出更多交流