四月雜談

昨日終於將打稿送給output，希望今次唔會有事啦！事關砌左兩個禮拜，玩小明(上上下下左左右右)玩左五六日，補鑊都補左兩三日，再有事真係嘔血。

太耐無成本書咁做 output，雖然記得將所有transparency 都flatten 或者將gradient mesh 轉做bitmap，但係犯左好多新手錯誤，例如唔記得set 出血，唔記得check 所有圖是否CMYK。其實黑人一直都唔多喜歡做印刷相關的東西，因為要涉及好多實物：紙質紋理、厚度、墨料、特殊處理等等。自己不擅長跟廠佬打交道，而且夠鐘就要上機開印，遲左自己死自己事，印錯野，不論是誰錯，都好大鑊。

做web 就不同，除左台頭部電腦，幾乎無野係實物 (唔知係咪因為咁，所以好難叫得高價，無material cost markup) 。細心一想，做web 要顧及的東西同印刷一樣多，例如要處理hosting bandwidth、file size、browser 走樣、update、處理不知名的bugs*、處理動畫流暢度，只是自己喜歡唔覺得辛苦咁解。

* (某名牌烈酒的網站，上一手寫埋晒d 濕鳩script，拆得散又藏得隱蔽，唔知佢係咪以為自己好那型，不過係無賓周果隻那型。每次翻手跟job都是惡夢)

******************************

趕到咁辛苦，個心係想狂歡補償一下。不過，近年好似無乜狂歡的目標，gundam seed 已經唔夠人打，舊版的gundam 又無乜對手 (無人玩)，落bar 劈酒溝女也不是杯中茶，睇porn 睇得多都悶...都係搵多兩個錢算啦

宜家連落pub 飲杯酒，都會諗呢三百幾蚊慳d 駛可以用到四五日，四五日又夠埋到一單job，一單job又夠買一手xyz的股票，一手股票若果升到n咁多錢，就可以...最後都係開返部老爺ibook 出來畫公仔，做隱閉青年算數。