星期三, 2月 06, 2008

流年

祝大家新年進步,若果學似黑人般流年不太好的,今年就小心地守陣自保吧!

跟美國朋友a閒談,她好心跟黑人分享楊天命的流年運程,黑人之前已看過蘇民峰打了底,跟手一看...嘩!十足北斗之拳,七粒凶星伴一粒發唔到圍的吉星,因為流年及出身八字等緣故,黑人隨時仲黑過今年犯太歲的仁兄仁姐。

其實讀完流年簡述之後,個心反而定了下來:既然都係咁衰,就不要expect 有甚麼好事發生,工作上的阻滯、心情上的不快,全部都可以賴晒落流年不利。

總之do twice the work and expects half the results,跟匯豐的盈利預警一樣,早點發放讓市場消化,可以減低衝擊。

大師叫黑人到星馬泰一遊沖沖運程,本來亦有外遊之意,看看甚麼淡季走去玩返三五七日吧!


趕了幾日,超眼訓,大把野未做完。

9 則留言:

C.M. 說...

稀客前來同你講新年快樂!

黑人 說...

> c.m.

多謝!
都祝你新年快樂呀 ~

湯匙 說...

我朋友相反,本來呢幾年會行衰運,因為犯太歲今年衰運會倒轉,不過出年就...

祝你新年快樂

黑人 說...

> 湯匙

大家咁話,恭喜恭喜!

我有個朋友上年犯太歲
因為身邊貴人扶持,而且心態開朗,都算過得不差

淨係睇流年運程唔準的,但到底唔準的地方是更好還是更壞,都不敢太老定!

塞米一條揚陸轟炸機 說...

新年賺多D啊下~~~


P.S. : 已經返到香港喇,MSN交換個電話啦不如~

黑人 說...

> 塞米

welcome back!
遲下約出來吧!

說...

現在講新年快樂好似遲左小小

不過不緊要啦 有心不怕遲

新年快樂

祝你

少勞多得
不勞而獲
客似雲來
靈感不覺
睡眠充足
情場得意

後略

說...

回應番主文:

這種手法在商業上叫做營利警告

好多大公司在公佈業績之前會先發出營利警告

報定案,等大家有心理準備

等業績出左沒有大家想像中那樣衰,分分鐘不降反升

黑人 說...

> 林

謝謝,都祝你今年賺多d,事事順心
可惜無法向客戶發出盈利警告
「我今年做野會慢d...會遲d起身...」