星期日, 6月 14, 2009

iphone 醞釀中...

手機兩歲大,電池開始老化續航力打個七折,接收間中都有問題,係時候考慮換機。

有認真考慮過換哎瘋生痔或同類產品,有數個頗實際的理由:
- 搭地鐵睇書時,遇到生字可以立刻上網用字典查。
- 出去見客唔記得路,可以立刻查教孤高地球
- 去圖書館做資料搜集 (尤其係參考資料館) 可以影低想要的資料,唔駛俾佢地屈彩色影印錢
- 約fd吃飯可以立刻查openrice
- 可以駁notebook當作隨身internet (待查)
- 無聊可以開 youtube,網聚悶局解困專用

(至於影人裙底、絲襪美腿之類用途就頗難,偷拍需要好多野配合,最主要的配件是膽,我無。)

當然亦有些一考慮需要查清楚

- 流量收費及其他隱藏收費
- 3G新機推出日期及費用 (我好憎做gadget白老鼠) (verified)
- 軟件穩定性及輸入法兼容問題,朋友個iphone做某d動作就會炒,另外眾多輸入法我只懂得用快碼及九方,不知九方是否兼容新的3G(verified),手寫不如殺了我吧。
- 俾d客知道我用哎瘋之後,無得賴「我在街收唔到email今晚先至覆你」
- 是否有其他手機做到晒上述功能,而價錢平一大截

******

趕完d job 再諗。
以上咁多功能都係nice to haves,無左唔會死,但每個月俾多三四舊水出去就唔同,果三幾百可以用在其他地方,例如最近signup 左UNHCR個難民援助計劃,同樣金額可以救到唔少黑人。

8 則留言:

小瓶子 說...

>>>無聊可以開 youtube,網聚悶局解困專用

好吖,买啦, 买啦!

Headmaster 說...

搭地鐵睇書時,遇到生字可以立刻上網用字典查。

**一般都自己裝埋字典software入去搵架啦, 仲上網?

- 去圖書館做資料搜集 (尤其係參考資料館) 可以影低想要的資料,唔駛俾佢地屈彩色影印錢

**個iphone 微距拍攝係睇唔到字的..鏡頭質數亦比較囧

可以駁notebook當作隨身internet (待查)

**3.0 os功能

是否有其他手機做到晒上述功能,而價錢平一大截

**街外好多 windows mobile機都可以做到以上既功能, 只係佢地interface上做得唔夠user friendly, 不過用手機check野, 都係幾分鐘內既事, 講求快捷方便, 呢樣係iphone既長處

凱恩 說...

樓上的仁兄好耐無蒲頭!

----

新版iPhone好似出左啦,
但功能上無咩大改動。
選iPhone而非其他的主要原因都係因為個interface…

簡單黎講,全因感覺良好。

imak 說...

我也有這個煩惱呢! 依家個電話其實要換 (因經常自己熄機), 但無一部睇得上眼 (近來推出的確是奇醜無比). iphone is the one left with nice looking body + fancy interface, 但你講得啱, just something nice to have, not MUST-HAVE! 所以還是買唔落手.......

DOUBLECHIN™ 說...

扣埋回贈各樣我的生‧生滋月費大概$170左右. 但買的時候現兜兜俾左五千出去, 實在唔覺回贈左.

好處還有講是講非(或正經野)時即刻可以上網搜查相關資料追加內容豐富娛樂性~

歡迎你加入非常addictive的iphone大家庭唷~

黑人 說...

> 小瓶子

我諗真係買左會開心一排,跟住大家見到我就會出於各種理由講「拜托,唔好再開youtube」

> 校長

連你都建議我用哎瘋,似乎無得揀啦 (有得揀我真係會揀PC/windows 系既產品,因為通常會平一大截)

> 凱恩

遲下可能有機會聚下舊喎。

> imak

係呀,無呢d功能唔會死的
不過,一旦用慣之後突然無左就會想死

查實古時候無手機都不會死的...

> DC

你係咪無限上網?$170無限上網的話都不錯,平過屋企個寬頻先啦

C.M. 說...

>>...網聚悶局解困專用

呢個位有誤導性。

聽講你響度既時候好似未出現過冷場喎。

黑人 說...

> CM

你聽邊個講?果個人先至有誤導性喎。

(我肯定無咁講過...)