星期四, 9月 13, 2007



客串幫忙跟show,因為對方說有上等內衣絲襪模特兒,少布。

免費入場,唯一條件是幫手做cam man,黑人自問拍照和拍片都很差勁,眼光差,手易震,人缺乏自信取鏡也會膽小,雖然心很想,口頭上卻推了。

對方說一百二十個放心。model 只是catwalk 往來,pan + zoom 一式一樣便可,就算衰了都有另一支cam 補底。

頂!原來市面上的cam man 雖然大多粗粗魯魯讀得書少,渣cam 完全唔易,各種取捨應變都是學問,讀完書都未必識點做!

一輪雞手鴨腳,首先追不上model 行走的速度,跟住不知幾時tight 幾時取全身,開場半裸壯男dancer一係分得太開 (遠鏡拍不盡),就是走得太近。女model 來了,影到個胸pan落對腳時個model 已經離開 (朋友睇返餅帶應該會把幾火!)

而且黑人部機身後大約一尺就是客人坐位,經常有人出出入入上菜上酒去廁所、不時就會被人篤背脊唔該借歪,另一台的人每次彈煙灰就會撞到腳架、為免擋住後方視線,又要以一個好辛苦的姿勢蹲下由低往上炒,每次聽到「喂」或者「唔該」就要縮身,避得後就顧不到前面的事。事後跟朋友打賭,若果拍出來的片你用到10秒,黑人就請你食飯!

對方大笑說我請硬,嘿...完全用不上別怪我啊!

**************

事後的小插曲,教黑人印象深刻。

W 意外被弄丟了notebook,所有公司檔案都沒了。但當時他的表情並不是distress...卻是勉力忍住男兒淚,原來那部notebook 對W有很濃厚的感情意義。W平日是個燥底笑口祖,回到公司後忍不住嗚哽了一下,聞者心酸。

另外發生了一些事令整條team 都很低落。作為略知內情的旁觀者,竟然最適合擔任黑韻琴夫人信箱 (真感謝上天安排這次跟show),連很硬淨的A也罕有地哭了兩回。

如果相信倪匡的quota論,大家已經支付了很多厄運和眼淚quota,接下來的很快就是好事! (合什)

大家決定到一家相熟的店子散心吃飯,原來老闆也剛發生了白事,店子就只得隊友們和老闆一干人,大家儘是點些熱鬧的舊K歌,笑得很響亮。

無奈,拖著一身酒氣,回家還要搞website到天明。

凌晨五點...原來的士司機獨守街頭等生意,是多麼的寂寞疲累。

8 則留言:

Yun 說...

「雲妹子」!! 有謝你呀黑人大佬!! (嘩﹐有大佬照呀!)

嘩! 你真係好早睡啊! 幾點返工啊?!!

影相真係唔係D人想像中咁易架。我都中意影﹐但好水皮囉。

凱恩 說...

影相真係唔易+1

每逢有show girl o既地方就會蜂擁而至o既狗仔攝影隊,你咪理佢地行為動機如何,但攝影技術卻係真材實料。

並唔係揸住部N1就代表影到好相架~

塞米一條揚陸轟炸機 說...

呢排渣熟左架車,發現轉波果下,感覺都幾似渣的士架。

果種半夜的士佬既唏噓都幾重....

黑人 說...

> 雲妹子

拍完片陪埋佢地食飯都四點咯
我今日兩點左右交晒d 野就係咁訓喇

我唔係影相,係拍video...死穴中的死穴


> 橙

video 難取捨好多,影一張照片自主權較大
拍video 還要考慮前文後理連唔連得到

今舖肯定俾佢地笑到面青


> 塞米

你就好啦有車渣
小弟最怕渣車,學車果陣差d炒左師傅架車
嘿嘿!

惡女 說...

件泳衣真係呢...好肉酸呀!!!

黑人 說...

惡女

講到泳衣,邊夠你身上果件揮?
呢個係國內性文化展的其中一種「情趣內衣」黎架喎,不能用來游水的...kero

Chris 說...

"情趣"內衣..........?

惡女 說...

我果件泳衣,可以游水架!