星期一, 3月 09, 2009

三月近況

以前做job唔係咁趕,除非某些specific 印刷相關的job必定要上疊之外,一般website 野遲少少,俾人鬧可以灑賴皮,嘻嘻哈講sorry 就過骨,頂多扮下死狗。

宜家好多job都唔得,唔係個客發老脾,而係deadline過左就無得追返。
例如星期一個客要出席某某presentation,你份draft 出唔到就可以收皮。
以前deadline遲左的理由通常都好簡單,就係自己懶 (或者太樂觀),宜家未必單純係懶唔懶的問題,handle三五單project其中一單有變卦成個schedule就錯晒。

例如客戶A突然話deadline提前,客戶B諗到新idea,客戶C等左好耐好不安,想你「做左幾多都send來睇睇」(其實未做,只係deadline前兩日先得閒開波)。淨係想法子拉鋸、educate個客或者想折衷辦法都花唔少時間精力,試過有一日除左公事MSN同埋傾電話之外,朝早十一點開工去到夜晚七點後先有自己時間做野。

做time management 只係無咁大鑊而已,呢d變卦要爆出黎,一樣會整亂成個安排。你expect個design需時兩日,再估佢會改預多兩日,再預鬆一日突發,結果點呢?個客同你講無五日咁多,後日出個draft啦,要快,收線三分鐘唔夠,另一個客打黎,阿黑人,頭先唔記得同你講...

(你估我唔想請個人幫忙咩,有得揀,邊個唔想做老闆)

*********

近年真係唔可以挨咁多夜,因為挨完夜either 傾電話時唔夠精神,問漏野、答錯野或者應承左唔應該應承既野,或者唔夠ram 去諗d program 或者諗design點樣做,甚至完全無動力開工都唔係未試過。

同埋,就算訓得足,一個人最sharp既時間真係有限,有時一d明明好廢既溝通手續同電話粥,就撞正你最sharp果陣先至殺埋黎。幸好一般人對freelancer都有少少包容,兩點前唔接電話,佢地會以為你做到好夜三點不露 (唔到三點都唔露面),咁樣先至有早段時間做野。

最福佳既,係你劃左十二點上床訓,但係因為之前兩日通左一次頂,個生理時鐘倒轉左,唔係話訓就訓。

********

菲傭終於返左黎,打掃一輪成間屋係乾淨左既。

話晒,當時我只係做最minimal 既家務,基本的洗衫洗碗,間中加送煮飯,有塵有污糟在所難免。

反而果陣最多做既,係多左行出廳check下阿麻點。

以前有菲傭在佢身邊轉來轉去,就算個菲傭吞pok都好,至少唔駛擔心阿麻有事。菲傭放假果排,真係耐唔耐就走出去望下佢點,無野講都搵一兩句野來講、開多d燈、開電視、倒下抽濕機d水(自從有抽濕機佢d風濕改善80%)、換下佢個暖水袋 etc,因為頭幾日真係試過佢太過悶,個人無乜心情,連血壓都暴跌。

最麻煩係阿麻八十幾歲人又懞唔晒,成日會擔心好多野,五分鐘前講好左無問題,話咁快又驚今日中午餐飯點算、晚飯無買送、隔夜送要快d食埋唔係就變壞、菲傭幾時返 etc,真係要有個人constantly在佢眼前揚來揚去抹抹掃掃,佢先至會安樂。

********

有左今次經驗,我係超佩服果d同我差唔多年紀,但係已經為人父母公私都打點得妥當既人。
果d做足三十個鐘唔訓,補眠幾粒鐘再踩三十個鐘既人,我真係做唔到。
再諗諗下,我自己30歲都開始覺得精力唔夠用,咁果d大我十幾二十年,有老婆仔女兼情婦既人又點挨既呢?照計佢地應該比我更加唔掂,所以要呻又真係輪唔到我,丟那媽,頂硬上囉!

********

最後,誠意推薦「中文解毒」,陳雲著。

睇左一半已經超慚愧,嘩,乜原來我d中文有咁Q多語病 (即使我正正經經寫文時都係)

其次就明白,中國或者沒有輸出革命,沒有輸出貧窮,但肯定輸出大量文字污染,內地的中文隨時差過香港,因為多水份多虛字,仲衰多錢崇洋,唐文英語化。本書個封面係一pack雞蛋,其中一隻個蛋黃有種不正常的紫紅,睇到就會心微笑。

Tribes, Seth Godin著。厄錢,佢講野有少少point既,但查實佢講的東西用一個blog entry就講得完,夾硬拖成一本書,又俾佢厄到。

9 則留言:

cheryl 說...

係囉
唔頂都要頂
this is life
你四十幾歲可能先得

哥斯拉 說...

嘩!乜你咁鬼多freelance排住隊?有得做有錢搵,好過坐定定等開工。

市場維京人 說...

努力呀!

嚟到人生嘅抓狂時候,係要撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐撐㗎喇!

Cheers!

小星 說...

果d大我十幾二十年,有老婆仔女兼情婦既人又點挨既呢? <-- 咪日日話返工好忙,"仔女老婆理,老婆唔使理"囉

情婦?! 咁多嘢講,換過個~


--小星

Betty 說...

可能搵到嗰有钱老婆, 可以贴钱比你包情婦呢? 几爽吖!!!

說...

小餅個建議值得考慮...

黑人 說...

> cheryl

四十幾歲先得乜野?
得個桔?

> 李小龍

我係全職freelancer,唔排住隊就死得啦

> 維京人

千祈要早訓!我昨日跑2k已經條氣已經唔順

> 小星

都好有可能係咁,同埋好多四十歲既人,有事都會搵d後生既去擋

> 小瓶子

嘿,你搵有錢男友既機會大過我搵有錢老婆多多聲啦,同埋搵到都唔好意思洗佢的錢啦,我係表面開明內裡保守,比較傳統d

> 米搞

記得搵定d FQ training,等米B女大左識得理財,求偶選擇就會多d

Betty 說...

算把啦, 既然之前你话自己打得太多飞机, 就算同条女做都系条女high, 自己无乜感觉, 甘既情况下, 就算有情妇都得物无所用. 哈哈哈哈哈!!!

匿名 說...

想起以前在舊公司都試過做廣告加舊job番兜加大量電影shot排隊, 一有野爆就亂哂, 咁做法硬係覺得遲d 會精神分裂。

自問真的不能勝任, 看見你現在的情況, 不得不給你一個服字。