星期四, 3月 19, 2009

港男回應和新文一碟上

晚上跟兩位朋友再深入詳談「港男」和「電車男」的分別,稍為理清一下思路,也難怪製作人無法將港男定位,因為真正的港男,是一個全無內涵的黑洞。而電車男,在他專長的範圍內,是有執著有堅持的,例如某些喜歡武術的電車男(舊稱「武痴」),社交場合上跟港男沒有分別,但一講到武術就脫胎換骨,而且勉強都算打得下。

真正的港男完全沒內涵、無個性、沒passion。外觀跟普通上班族無異,不似電車男般有跡可尋,而且不一定單身甚至有能力獨立。

某次黑人在中環食肆遇到一對上班族情侶撐台腳,因為無所事事,食肆人少又無音樂,被逼旁聽他們的對答。

男:「今日我在公司呢...換左desktop個wallpaper。」

女:「(黑人聽不到)...」

男:「我銀包呢張十蚊紙呢...全新架。」

黑人當時非常好奇,為何電腦換了wallpaper都可以講一番呢?又不見得wallpaper有甚麼特別,講完就switch去全新十蚊紙等不對題的東西,只有枯燥至極的人才會這般對答吧?

例子二,就是朋友某位舊同事,sales,常揚言要轉工卻永轉不成。理由近乎「春天不是讀書天,夏日炎炎正好眠」之類,每年出花紅都會去東京,但每次去東京都只會去同一處地方用同一個姿勢拍照,如果不看照片的time stamp,是看不出任何分別的。朋友講完這個人辦的故事後,覺得此人的一生有如啟動了的for loop script。

如果說甚麼是港男,我認為上述兩種人辦就是。至於其他縮骨、孤寒、網上凶狠真人懞撚之類的,是枝節。

電車男在社交場合敗陣,是碰不對話題。港男在社交場合盡墨,死因是完全沒有話題。

*************

Peter 這類毒電車男並非無藥可救,但亦非尋常藥方可解。

他的情況就有如一個五百磅的超胖病者,被自己的體重鎖在床上,雖然知出事,但無法靠自力脫困。旁人說「你做運動啦」根本就有心無力。

過重胖者要回復正常生活,需專人長期輔導:先練習水中步行,再配合特製藥方和餐單慢慢減磅,能正常行動時才可以靠運動減肥。不知情者還以為胖者不做運動是懶,然後搬自己的練習奮鬥史作激勵,風涼話矣。

電車男也是一樣,沒有處世能力、不擅社交、衣著乏味等,全都需專人從旁「大執」。絕大多數不能單靠自力擺脫困局。就算知書識禮、外觀尚可性格良好的電車男,如果沒有人幫忙打通任督也徒然,朋友經驗之談亦証實這一點。

電車男配電車女(乾物女或腐女)行不行呢?Sorry,兩個社群有不同的focus和insider lingo,可以南轅北轍,牛頭不搭馬嘴,做朋友可以,做情侶卻難。

*************

加拿大的一套,放在香港行不通,反之亦然。

首先加拿大的稅制根本就不鼓勵你多勞多得,勞到咁上下好停手了,否則就要交重稅、支付高昂OT薪水,米搞兄所言不虛,加國一些低學歷的通渠佬人工隨時比設計學院榮譽學士生更高。

離加已久,只能憑印象分析。記憶中,加拿大人對生活質素的追求,並無香港人般嚴重。至少通渠佬、OL和高級經理都會在同一個mall買麵包,基本生活質素大家相差不遠,當全家每個人都有自己房間時,房子再大換來的滿足感卻會大幅遞減,加拿大的富人跟窮人差異很小,不似香港的偽中產般有很多變態的言行舉止。

加國是很適合養老的地方,國際層面上競爭力卻很低,認識不少加國人以港人準標衡量,均屬薯頭薯腦,遲鈍又蛇gwe。加拿大人罷工的理由,落在香港肯定俾人屌爆 「唔L係呀?咁都算剝削你?」

胡亂寫了一堆,勉強總括為:貧富差距小,人心境平和,自然較易相處也較易求偶(自信低的港男和公主病港女會大幅減少),在香港貧富差距大晉升慢的地方,港男女是社會問題的副產品。當香港只有一個Peter,是他抵死,一大群人都像Peter,就是政府和父母抵打。

14 則留言:

匿名 說...

哈哈..
網上凶狠真人懞撚之類....
此形容太貼切了=]

匿名 說...

其實好似 Peter 仔呢類人,唔係話有無人幫佢大執,最緊要係佢自己願唔願意執先,就算有高人指點,但當耳邊風,一樣sign 氣。

好多電車男之所以社交缺乏話題,簡單來說原因有二:

1. 你有無揀錯社交場合先? 如果明知一個場合唔會同自己任何一 part 合嘴型,你仲要去,係自己攞嚟衰。

2. 當係 generally ok 一般社交場合,自己係咪古縮之人?或者認知極度狹窄,根本無論人地講乜 Q 話題你都搭唔到嘴,咁又係個人問題....

因為社交呢家嘢呢,真係個人本身,唔係話你叻唔叻講嘢,你見識多啲,自然講嘢唔會衰得去邊,起碼搭到少少嘴。

說...

睇完你寫咁多篇,我覺得你可以發逹,途徑有二:

1.開電車男、毒男轉形培訓班(唔話你真係可以改變到佢地,而係你講緊嘢响佢地耳中好似啱channel,令佢地會覺得「可以改變到佢地」);

2.溝死宅女(因為你應該可以同佢地溝通到同知佢地需要啲咩,而且佢地個market競爭唔大),然後等佢地養起你。

凱恩 說...

聽完米搞一言我就諗…

1. 唔知幾時會o係 Road Show度聽到:「整型22,1對1無哂自閉課程,32堂都只係$3200,快啲打32103210報名啦!」

2. 黑人在台上對住一班宅男宅女演說:「You need CHANGE!」

黑人,諗得過喎!

說...

不如我地整個「創頭」基金(「想創你個頭」咁解)俾黑人搞呢啲班啦,嬴面唔細喎(唔計黑人賺左會走數既風險既話)

我出一百蚊

仲有冇人有興趣?

匿名 說...

做埋 pre test & post test, 夠哂吸引力


--小星

匿名 說...

被逼旁聽他們的對答--- 又係咁?! 你分明有鋪 '偷听隔离講野'癮既!

當香港只有一個Peter,是他抵死,一大群人都像Peter,就是政府和父母抵打。--- 贊成 中國式父母冇外國父母咁注重溝通 好多什至連擁抱都好少 (本人與母親極度相愛 但15歲去留學前都冇同阿媽擁抱過)

政府的填鴨式教育 中學分band際 文理分科 中五中七公開試爭崩頭 早早就將腦筍都未生齊的青少年分了等級 低級的自覺一世冇出頭 什至考試后自尋短見 高級的繼續廝殺拼搏 直到那天你倒下為止

自問若一直在港長大生活 從沒体驗過外面的世界 我的性格(thus命運) 也很可能會有所扭曲

Hana 說...

我都出一百蚊。

Betty 說...

你识 Peter 仔, 不如你幫佢大執啦!

你肯搞的话, 我都出一百蚊。

凱恩 說...

日日笑,日日flirt,仲唔快d黎報名?

$100 +1

爆炸頭 說...

其實Peter仔都唔係咁差,起碼佢仲有份工肯自力更新,有穩定收入。比起好多攤大手問父母要錢既mk潮童好好多。

$100 +1

Elvis 說...

我舊blog都寫過一篇叫「流動」, 講過類似既野。

貧富差距細既社會,大家都唔多渴望往上爬,所以階級矛盾低,自己冇咁多人會睇唔起人。

貧富差距大既社會,呢d問題就好嚴重了。

匿名 說...

       ___
     /     \
    /        \
   / /@W∧WーVV     ___
  /  /┌─┐ ┌─┐ │V  /
  | C/┤¬├-┤ー├)ミ < 可愛?
  ミ |U└─(。。)─┘|V   \___
 (X)| ∴    ∴/(X)
 (X)\    3  丿(X)  
(X)   ーーーー'    
   /   \/ \__
  /  \___      |つ
  | \     |つ ̄ ̄  
  /     ̄ ̄ ̄|
 |        |

高妹 說...

我都出$100
呢門生意肯定好好做