星期三, 3月 25, 2009

女人性格

最近接一單案子,網站製作,急趕。客戶是個典型女人性格的女人,擅於感性溝通,不擅理性邏輯思考。

因為事前規劃欠佳,網站的內容都是斷截禾蟲地一丁半點擠出來,很多時做好了轉頭又要改,死線不變。

最麻煩就是客人心血來潮,突然想起就拋個request出來,然後問你幾時有。

辛苦計出一個時間,她又討價還價「星期五太遲,黎啦幫幫忙星期三啦」「星期三前真係做唔切喎」「但係我星期三一定要出到街...幫幫忙啦」,總之玩了一輪word games,最後「咁我星期三等你喇喎」,despite the fact 我個答案係「做到幾多得幾多,做唔晒唔關我事。」

如是者交鋒一兩次,很快就摸到個pattern。原來客人需要一個口頭承諾,有承諾就有安全感,有安全感不管現實能否起貨都不要緊,deadline時就會十萬個電話打來問責 「又話星期三有既?仲有,你上次應承我有Q,點解無?」(Q是任何黑人從未聽過的requests)

長久不是辦法,其他客人的project schedule 亦全被打亂,再加上通了幾晚頂,生活節奏亂籠。於是不再輕易接她的電話,始終打舌戰不是我強項,就算給你辯到deadline提前至星期三又如何?處理technical issues的人是我,現實是星期三不行就是不行,program不能分段上,未寫好就跑不動,跑不動就無野睇,一字咁淺。

不通電話,就變成msn chat攻勢,結果淨係msn 拉鋸都可以無左整個上午。終於要「向無理要求說不」,請對方將所有requests 用email 白紙黑字寫清楚,因為她們(連同老闆)的想法天馬行空,突然就有新點子,隨口說說就要你點石成金paste字成site 幫幫手唔該啦黎啦。吾生有也涯,以有涯隨無涯,蝕入肉矣。

然後客戶老闆寫email和打電話來發脾氣,黑人絕少在公事上發沒有作用的脾氣,亦相信多數的生意人也是如此,誰知客人女老細的來電都無甚建設性,講完一輪前因後果心理背景深情分享,next step就係「你快d覆返個期俾我。」至於「期」是甚麼,整個website還有甚麼outstanding tasks 就隻字不提(主動問都依然同你分享心路歷程),來電目的純粹是表達她憤怒無助的感覺,我明,theropy session丫嘛。

故事發展是loop回文章的第三段「d字可唔可以放大d...改顏色,幫幫手啦...幾時有丫唔該?」

報酬丟那媽,計劃亂如麻。割蓆止蝕,怒出invoice,附加一句:再改,事無大小,逐次收費。

(又,坦白講,我非常明白點解佢地以前次次同freelancer合作做website都被人甩底或者反面。)

11 則留言:

小星 說...

真是「女」人性格??

另,「有安全感不管現實能否起貨都不要緊」都幾易滿足!

Betty 說...

掉番转的情况也有发生.

电脑公司答应一个月前做晒data conversion, 但现今都只做了一部分. 很多system bug 仍然存在, 未解决.

Unknown 說...

要殺programmer, 不需刀劍槍炮, 改兩三次system requirement 便可, 重點是報酬和死線keep constant.

well, 其實無論對咩client, 一份白紙黑字o既system spec / requirement spec 係唔慳得o架, 值得化時間的.

對o的講就無敵, 寫就無力o既client, 都係快閃吧啦.

塞米一條揚陸轟炸機 說...

"報酬丟那媽,計劃亂如麻。割蓆止蝕,怒出invoice,附加一句:再改,事無大小,逐次收費。"

講就易囉...貨都未起就可以出invoice了嗎?....

哥斯拉 說...

有趣。現實係所有client都有此情況,無關男女。

>>d字可唔可以放大d...改顏色
easy job啦,三兩分鐘做完。

除非你不做生意,否則依然每天面對相同問題,還要靠他們的口碑接job。

Betty 說...

>>d字可唔可以放大d...改顏色

有时侯未见到实际嗰layout, 都好难决定到颜色/size 之类...

黑人 說...

> 小星

佢覺得交左個波俾你,就你死你事
雖然唔少客都係咁諗
但呢單野你自己急趕,就幫忙令件事順滑少少,不斷panic只會越做越慢

> 小瓶

其實改大細改顏色唔係問題,係客人正常權利

不過改好左又無意見,隔一排又話改就好奄悶,而且果陣忙緊其他野

好正常,尤其好多事先無plan好(因為唔識plan或唔夠時間) 會特別多bugs


> 川

另一個殺死programmer 的辦法係不斷叫佢地改d好細埃既野,例如推高5 pixel,加深10%灰,第三段第四粒字改大細楷之類

> 塞米

梗係做起左先至出invoice,不過佢地一直想力臻完美,如果唔喝停佢就不斷同你玩小明小明小小明

> 李小龍

當你諗緊點樣走捷徑將一個寫5日既function縮短為2日,同時俾佢MSN炸緊 (仲要話打電話想同你傾清楚) 既同時,改字粒改顏色就不是咁易了

佢想搵我做多一單,推左

凱恩 說...

下次「事無大小,逐次收費」可以喺最初嘅時候講,就算俾人當市儈都好過之後難受,而且一旦俾咗個quota人,人哋通常會慳啲洗( 玩Bio Hazard 都知),話唔定會將啲 requirement 整理完先一次過俾你,總好過人哋無限彈藥吖。

哥斯拉 說...

生意多到推左佢,利害呀!

好似有d公司要求落訂先,收了部份錢先至開工,減少壞脹機會。

安諾勿斯 說...

所有user都係咁,要人commit個期,但係自己又改鬼哂個requirement。

第一件事作大啲MD,畀啲buffer畀自己。第二件事,小弟從來唔會commit全包o既ETA,只會commit到development/SIT phase。佢一改requirement,就凶佢要加MD同defer個ETA,畀佢自己揀。

黑人 說...

>凱恩

我份quote有寫只準改兩次,之後要加錢
當然唔會理你啦,我同佢提過firm 好左之後再改要加錢,又同我傾十分鐘話佢好慘要我幫幫忙,既然屢勸無效,唯有再在email同佢&佢老細講清楚囉

> 李小龍

當你辛苦三個星期,埋單找數發現賺得仲少過拿綜援,佢再搵你做多單你都推啦,講真佢offer個價,我本來expect做兩三日的,頂多做一星期

> 安諾勿斯

唉,有苦自己知啦!