星期二, 8月 07, 2007

Blink

讀完blink,感覺是打著學術招牌的潮流書籍,只適用於飯局吹水唬人。

Blink 嘗試探討人如何在電光石火間以極有限的資訊判斷事情,用上「嘗試」二字,因為整本書未能有系統地解答問題,只能以不同例子描述blink這個現象。娛樂性尚可,若果將之當成一輯國家地理雜誌特輯節目的VO稿來閱讀,畫面和footages立刻就很豐富了。

說它吹水也難怪,作者扯上幾個頗博奧的題目,例如人的潛意識、面相學、犯罪心理學、人類學等等。二百五十多頁要清楚闡明每一個題目根本是mission impossible,所以打從開始就帶著entertain me 的心態去看作者所講的每一個例子,倒還不算失望。但多次重申前面提過的例子,感覺就有點兒騙稿費了。聽聞作者另一本書 The Tipping Point 較好看,他日若果在書局碰上也會考慮。

**********


Product shot of WONDER LIFE, a clear example of the HK SME's lack of taste, what exactly is Ice-Cream Flavor?



下一本是《創意黏力學》,封面做得麻麻,看了很久才知道是貼了牛皮膠紙的乳房。讀過intro,入面講的例子說明了一些創作人(及客戶)獨有的毛病,例如太多message、傳遞訊息的方法太過自我中心、過於概念化、枯燥等等...

off the head 想到一個本地的創意反面例子,不知看倌有無留意一款叫活色生香的避孕套牌子。

黑人對於他們兩三年前第一個月台12 sheets ad 印象還是十分深刻,那廣告就是將自己的ISO証書正本登出來、附帶一張廠房照片、一大堆copy以及一張極大的product shot,「港式地產密質質主義慌死用唔盡d位就蝕大底」心態表露無遺。一個普通消費者買condom,照計不會理你張ISO証書係點吧?再加一個化工原料處理缸 (附caption講解工序) 到底邊個會覺得性感呢?

果班客戶心中最擔心的題目可能就係生產規格之類的問題,所以佢地覺得一般人買避孕套,第一時間都會睇下到底間廠有無ISO 同埋個化學原料缸穩唔穩陣。

今日又見到佢地的ad (真係有緣),最初見到三個著白衫牛仔褲的中年男人懶奔放地擺出個sir 滑梯pose,隔離有佢地個名。我仲以為係現代教育果d 阿sir,今日唔覺意望到個logo,原來又係佢地,唉!好心咪獻世啦...

同佢地同期的岡本正好相反,岡本唔玩show一男一女講情趣 (杜蕾絲已經玩到爛),一個key message 就係「薄」,visual話俾你聽佢地係「型」,已勝過活色生香千言萬語。(傳聞岡本曾經有穿過的案例,無follow落去唔知點收科)

《創》提及一個「估歌仔」心理測驗,一個人只係打拍子,另一個人負責估歌仔。結果成功率十分之低,打拍子果位往往無法明白點解「對方仲聽唔出,明明就係「生日快樂」啊!」

原來人掌握左資訊後,往往無法想像其他沒有資訊的人如何思考。

活色生香果幾位仁兄,你地都係唔好自己掌舵做埋marketing/advertising 喇,搵d專業的4A幫你地度橋好過啦...唉...

7 則留言:

cheryl 說...

果日有個disney嘅guest speaker,講佢哋點去develop一條line。果種有系統法真係好有效率,同時d product都對市場有好大影響力。始終我有感覺老中如果唔係大公司呢都唔係好信呢套嘢,慳得就慳。image-wise咩都大龍鳳囉...我真係好銀憎d嘢抄埋一碟(如我哋最自豪的演唱會production)... 唔係唔接受呢件事嘅存在,只不過唔好淨係得呢個style好哩!!?

p.s. 「活」果個color tonation都好有問題,我以為係d咩飲食雜誌咋...

cheryl 說...

p.p.s. 不只寫文其實有thesis真係好匡緊要!!!!

Chris 說...

>「活」果個color tonation都好有問題,我以為係d咩飲食雜誌咋...

呵呵,我初頭未看文時,都以為黑人在介紹新書。



見到活色生鄉果個咁「科學化」嘅12 sheet ad,我諗連買家的性趣都冷卻下來吧?!
如果「活」無錢請4A,強烈建議佢地求其scan果d centrefold girl相嚟做ad,效果一樣顯注啊,haha

黑人 說...

> chryl

活色生香的case係小農心態作崇嘛
質多d 字,唔落正傻仔!
淨係隻女人手的指甲五顏六色已經知道佢地好怕被人覺得dull...偏偏最dull就是這樣

剛畢業回來的時候都好憎港式車仔麵graphic style 架,宜家係接受現實囉
一碟醬油一碗冷麵,人家叫你回水添呀

> chris

無錯,是但車d靚女相落去都好過佢地三條麻甩佬,俾少少錢捧紅一兩個PG,至少可以吸引一班厹 (雖則佢地一生人未必有太多機會用避孕套),贏個publicity 都慳返唔少廣告費丫!

Chris 說...

>厹

勁,將中文typo發揮得淋漓盡致wor! XD

Chris 說...

ps: 仲能夠做到一種類似係粗口嘅感覺,hahaha

黑人 說...

女性版的叫奿
存在左好耐架喇

囧rz