星期五, 8月 31, 2007

納雜事數項



最近開始發現自己乾乾地,無乜新貨
在網上隨便找到一些講grid layout 的文章
權充一時吊鹽水suppliments,希望對各位design 朋友都有些幫助

article1


article2


article3


****

為何港女嫁不出?因為太多矮化港男港女的文章了,每寫一篇時真係諗下除左踩人,能否助人解惑脫困...尖酸刻薄只是調味料,主菜內涵才是關鍵。陶傑都有曲筆諷港男港女,然而佢有一個consistent的主題沒有明確寫出來:都是叫人多充實精神文化,少拜金功利。

黃、梁之流的文章就只係批評男人沒有追求品味 (ie 名牌),不夠「風度」(一項沒有準則,由女人隨時定義的attribute),睇完只會將香港女人的價抬到更高,更乏人問津,幫倒忙。間中搬出一兩個文化名詞,旨在充塞文章份量,但世上還有好多細心的人,一眼就能看穿入面的空洞。

****

Wentworth Miller (Prison break 男主角)原來又係攣的,不少女生大概又失去一個幻想對像了。雖然跟黑人無多大關係,不過成日覺得點解十個俊男九個攣,剩低果件雙性戀。希望佢日後唔會俾性取向影響到銀幕形像啦。

20 則留言:

匿名 說...

十個俊男九個攣, 我都想問呢個問題好耐, 點解咁既呢...

塞米一條揚陸轟炸機 說...

呢三篇文雖然好基本,但都提醒左唔少做下做下會忘記的法則。最重要的是示範圖做得幾靚。唔錯唔錯,謝謝黑大。

港男港女的事我無暇顧及了,還是想辦法對切雞作孽投放更多人力資源比較有價值。

黑人 說...

> cherrie

真係唔知點解,仲要好多都係先天...
有時都會想,要佢地跟女人拍情慾戲,會唔會好似要男人vs另一個男人咁呢?

> 塞米

上次稍為提一下畫家,先至發現自己好耐無睇design theory 或者art history
你講得無錯,與其花時間批鬥港男港女,不如充實一下自己

btw 香港的報紙真係越來越無聊瑣碎喇,老鼠咬BB腳趾又係頭版....其實我想知世界其他地方發生緊乜事多d

Chris 說...

點解十個俊男九個攣?

可能係掉番轉,因為攣所以靚仔。(可能)因為攣男嘅女性hormones多過頭,所以個樣生得似女仔,又因為臉上有兩分秀氣,所以大家就覺得佢地靚仔。
而攣男又會比較姿整,衣著儀容嘅品味要求又通常會比正常「硬幫幫」男生高,所以望落會比「爛佬」順眼可多。
咦?metrosexual=homosexual?

話時話你上次提到嘅gandulf都係攣㗎,我覺得佢做magneto都幾型。

>發現自己好耐無睇design theory 或者art history

喂反正你話呢排無乜野出,不如講吓d art & design野啦,我都好耐冇聞過陣art & design“除”,快d嚟幫吓我地溫故知新,順口吹兩咁都好ma~~

cheryl 說...

哎呀同志好可愛,好想同佢哋玩...heehee (又靚仔啦,唔搞得都睇得,唔係好似d麻甩佬咁係唔係都食人豆腐)

講真,我真係明白點解佢哋嫌棄港男,又點解港男又真係其實幾不濟(其實陶傑都寫過,以前果種有「氣質」嘅男子已經唔存在)。事源係唔知香港最黃金嘅時期發生乜事,養到男女發展不同步。唔不以賴邊個,因為呢個係社會嘅錯 =p (其實點都好,大家真係應該多尋找自己,而不是將自己建基於已有之事物之上,尤其物質、品牌等... 而家d細路細細個已經答唔出自己想做乜自己想點,真係可悲)

ok,又廢up完,多謝

黑人 說...

>chryl

哎也,我戥d靚仔同志慘呀
成日俾d女仔倒過來抽水 (因為抽完不怕男方有遐想?)

上次去完comic world,對於電車男女有些體會,下次再寫

塞米一條揚陸轟炸機 說...

黑人:我成世人淨係俾一個女仔抽過水咋:p 好似上左大學之後,異姓緣歸零喇我XD

cheryl:我都對一身名牌的男男女女多少有點不舒服,尤其是嚮外國,留學生多半都有錢(我認識最窮果位,一個月洗費都多我一半=_=)

至於氣質,我真係唔知男仔係會有氣質一回事的,尤其是呢五六年我對於所謂的理想條件更加摸不著頭腦,白色定黑色皮膚的又話型,大隻定瘦削的又話型,加上小人兩者都唔係(肚腩同爆牙就有XD),所以懶理囉:p

btw,黑人應該搵日同阿chris呀cheryl呀等等blog友網聚一下,哈哈。

cheryl 說...

唔係咁講,正如女仔咁,我哋互摸都好enjoy。上次同條女唱k佢唔知做咩拿高件衫lapdance我,我都唔客氣一嘢吸落去佢度食波餅... 講真我又唔會摸人哋支嘢喎,好得意咩? 波好摸d。

呀parnell生,男子氣質係有o架噃。對我嚟講曉音樂bookish唔洗靚仔但要戴眼鏡同高大d唔一定斯文不過白白淨就非常有氣質同吸引,最好就略胖。 =p

網聚? 哈呢個,我一條女好蝕底你唔好話... (唔係話你哋係衰人,只不過防人之心不可無啦,你知你哋d麻甩佬會發癲,上次已經被人食晒豆腐啦... 頂,真係有d怕麻甩佬喇而家 =P 況且﹐我未有同阿chris生真正答過嗲, so... 幾awkward o架喎)

Chris 說...

>cheryl

做乜嗌我chris生? :P
我有時都想搭嗲㗎,不過唔知講咩好咁law。
唔知點解我又唔得awkward wor,可能因為經常睇到你嘅留言,所以有種好似識識地你嘅感覺啦~~

俾人食豆腐咁衰?係咪避唔到果隻?可能果d係好饑渴嘅blog友嚟~ 我好正經㗎,唔會食人豆腐呢。(個個男人都咁講)

網聚呢家野我未試過,好似幾有趣,
又或者一齊msn都ok㗎~

塞米一條揚陸轟炸機 說...

講開又講,原來家陣blogging咁流行,網聚反而沒有變得普及呢。

以前搞網聚係好隨便的事,就好似約朋友咁話出就出,而家好似大家都多左忌諱咁...真係一個好值得研究既topic :p

我反而唔係好敢食人豆腐,可能驚失見證呱XD

MSN? 好呀,我先貼:va51@cyberec.com

黑人 說...

我覺得要用專機請塞米返來網聚緊要d
又或者我地三個飛過去探佢
(檔案>新增>朋友>中四千萬以上六合彩後大計)

其實網聚好普遍啦,普遍到無乜人會提。
幾年前成日去豬.com,耐唔耐就會搞網聚
例如25+一group,港島人又一班人, 甚至生得高d 矮d都有gathering

亦都有些擺明for 無拖拍男女,差在未講明係出來相睇兼配種

> chryl

原來你擔心俾人食豆腐,唔怕,買定d 臭豆腐傍身,邊個想要咪車埋去俾佢食囉

係呀,我有個fd話同女仔互摸完話覺得做男人好幸福,因為女仔又香又軟咁話

另,食波餅係埋身砌,用眼唔算喎

反而覺得出到黎無乜野做就真

塞米一條揚陸轟炸機 說...

喂最近澳洲天氣回暖喎!觀光旅行好季節呀真係!埋黎睇埋黎睇!

又波餅又豆腐......好易搞肚架喎XDDDD

cheryl 說...

都係果句:睇吓點先啦,呢期我冇lui咩都冇身心都唔係好健康...

唉,有d人扮正人君子,2杯落肚就嚟o架啦。我唔想俾人任攬啫... (果次真係幾失望o架,其他的冇計啦,開party...)

tk,我真係食o架,佢有36,好正

黑人 說...

>chryl

係咪你個blog 寫clubbing 果次?

cheryl 說...

梗係唔係啦,clubbing果d都唔同佢計喇,都預咗,我又唔係真係自己攞嚟衰向你發姣,我真係會閃開。

不過有d冇得避,開party就係,其實唔怪得人,不過d人係咁飲多2啖臨走懶係好唔捨得。攬吓係ok,但係係有人會以「打招呼」為名攬到我就斷(你知我幾瘦先得)又或者臨走攬足3分鐘期間仲同人哋講其他嘢,咁係朋友嚟,真係唔係太好意思叫話「你死開d啦我蝕哂喇」。仲有影完相搭住膊頭坐埋咗,但係唔會resume番原狀囉,影完十世都係黐住咁囉。相反真係對我有意思嘅男仔,係唔會敢攬我囉(咁係非常impressive我想講)... 我唔知咩心態,係唔係叫食得唔好嘥??

但係失望果個係另一個朋友囉,約出嚟飲嘢,之後借d2 goodbye kiss。大佬同你唔係好熟唔好咁埋身好哩,我冇signal任何嘢囉(而當時係有另一女友一齊飲嘢)。話晒都大我一大截可唔可以有君子一d? 我推唔到佢我叫咗好多次唔好陪我等車,點知最後佢仲會得吋進尺... 我覺得我係朋友立場上意願係完全冇被尊重到。

唉,呻完。

Chris 說...

嘩~和素未謀面嘅blog友一齊去澳洲,好浪漫好剌激bor~ 不過我入唔到境 :P

cheryl,去bar搞網聚? 感覺好像有點怪怪的。

吖你講起俾人攬,我就曾經試過睇住自己個ex俾第條仔攪,小,果條仔(T先生)係佢識咗好耐嘅一個fren。平時T先生已經多手多腳㗎喇,果晚佢飲大兩杯,無端端懶感性話佢就嚟要番香港,好唔舍得我個ex,就咁就攬住我條女,直頭當我死嘅!嘩真係火撚到我呢!
妖,我個ex個人無Y念,唔似我咁小心眼,所以無迴避。如果我出聲話T先生又好似好小家咁,唔出聲又哽唔落。最後咪對住我個ex發脾氣law lol

就嚟要番香港,所以好唔舍得?妖我仲番得早過佢呀,佢地兩個依家仲係響果度做緊留學生~~



講番網聚,順其自然啦,有緣的話大家一定會遇到~



我的msn, shadow_ku@sinaman.com

先旨聲名啊,我通常長開msn有時連away都懶click嘅人嚟㗎,我不在或遲了回應都不足為奇㗎 XP

塞米,黑人,已add你們喇

黑人 說...

> chyrl

以前有個空姐fd都試過俾客非禮完
返到屋企成三個月唔想同男友做(kero!)

最多去樓上cafe,咁就無得借醉行凶喇

> chris

俾著係我就會笑笑口,「我又攬埋一份!」借d意攬條仔,借d意「搣」佢粒lin 或者逗佢一野,等佢抽水都抽得唔自在

然後「攬完仔,攬下女仔先」跟手攬返自己個ex...你借醉行凶,我唔識咩?

Chris 說...

>搣」佢粒lin 或者逗佢一野,等佢抽水都抽得唔自在

嘩好主意wor,我覺得正情要揸爆佢tim ar!(好暴力)

塞米一條揚陸轟炸機 說...

黑人:其實點解下下都話要樓上cafe o者,香港人嘛,去茶餐廳唔會hea d咩XD


Chris:你個ex見你搾得咁用力,會唔會驚左你架....

Chris 說...

塞米,哈!我會喺個ex嘅盲點揸T先生,咁ex咪唔知law XDDDDDDD

樓上cafe好hea d架,又可以坐得耐d呢~~