星期四, 8月 09, 2007

Perfect Storm


先confess,黑人的地理常識只維持中五程度,而且好多只為應付考試,考完就還晒俾邦民。

香港天文台處理掛唔掛風球,其實係一種經濟及政治考慮,天公是沒有投票權的。

查實無論陰晴,大家都係自求多福。天陰帶定遮,天熱自己避太陽,天文台除左講些聽左等於無聽的東西 (銅鑼灣空氣污染指數係偏高, so what? 係咪唔好去?),至少對小弟來說參考價值是0。

上年派比安,小弟做緊外勤,睇住柴灣d 棚架成幅扯被風左落黎都只係3 號仔。所以昨晚朋友holiday mood 大作,本來想玩夜d,黑人問佢:「你聽日買大定買細丫?」朋友打左個突,跟住都係返屋企早d訓,預備第二朝風雨不改逼巴士。

同事叫黑人去睇「地下天文台」,實情d 資料都係源自天文台,不過兩者對數據的解釋迴異,睇得幾有趣。

天文台的公眾形像已經變左類似大陸文宣部,無論發表d乜,市民心中都會自動唱反調。例如大陸有新聞指青少年睇日本漫畫之後狂性大發,黑人見過大陸網民第一個反應就係:「嘖!文宣部d 假新聞都好信。」因為佢地認定呢d新聞通常都係為官方下一個政治動作舖路。

同樣,香港天文台打風只要唔係掛8號以上的波仔,大家都會覺得係為左個市。地下天文台個站主批評香港人及傳媒除左黑雨同8號呢兩個切身利益的警報之外,對天文的認識好差,極中point。

黑人成日覺得香港人的通識...係通通都唔識,慚愧!

8 則留言:

cheryl 說...

香港好多嘢其實好force-fed,個個屋企都必定睇果個台(or果幾個),咩資訊都送晒上門,你係有得揀,只不過among果d去揀啫。其他喇喎,識鬼。

而家我雜誌唔睇,新聞都唔睇,天氣要自己上網搵啦,如果唔係起身凍就著多件囉。唔依賴呢d嘢反而自在d,想做乜就做乜。

有好有唔好啦... 香港個社會係value跑得快,夠informative。係要咁先work嘅...

Unknown 說...

某熊的通識:(未經同意轉載XD)

=== 雙子氣旋 ===============
帕布較早型成,經過台灣南部,象西直奔中國南部,預計經過廣東省,很接近香港;

蝴蝶在帕布的外圍行程,從菲律賓以東北,像西北移動,預計吹襲台灣大部分地區;

如果只是看移動路線來說,一定會掛八號風球,其實不然;因為帕布其實是一個發育不完整的氣旋,風眼不清晰,外圍雲帶不夠對稱,風速不高,缺乏能量;

-----------------------

哦。

Chris 說...

>黑人

雖然放圖會令篇文無咁寡,但今呢幅圖同文好似無乜關係wor....:P

cheryl 說...

chris,

哈哈,我都幾唔鍾意d人係唔係都放圖 =P

solly lah TK =P

Chris 說...

hohoho! XD

黑人 說...

哼哼哼!!!
咩喎
呢個係「完美風暴」既電影海報黎架
我係用來諷刺天文台要個風打成咁先肯掛8號得唔得丫? (發窮惡中)

黑人 說...

> chryl

唔睇雜誌因住乾塘啊! 隨住人越忙吸收新資訊的渠道會越來越少,下下焗住食老本

> rickson

估唔到可樂樹熊會搵埋呢d野
不過今日都有八號射球呀

cheryl 說...

唔睇8啩果d啫

睇好多其他嘢都可以有靈感o架... 不過我好快唔撈lu,都冇創作可言,講咩靈感吖。我係唔係仙境就過骨o架啦...

(and,我有靈感都要有攝影化妝配合到先得o架。果d妝醜到呢...)

設計者,都唔係我玩o架lu