未打風，周身唔聚財，屈在家中打了一日機 (仲要玩差唔多十年前的Brood War，壓力 -5, 壓力值:5/10 )
打風了，反而守在office，精神爽利不斷做野
癲倒晒
真係抵我無乜朋友
********
早一輪跟凍啡側田吹水，提到工作動力的問題。因為大家的工時性質有些似，總之交到貨便行，所以生活節奏唔係咁穩定，成日覺得d 時間用得不夠效率，一係就衝得太盡，一係太hea。
大家講到一點，就係「內疚感」。
原來動力最大的時候，就係hea得太耐、充滿內疚之時，無論閣下係打工還是自僱都好，唔知有無試過「玩得太耐，係時候做下正經野」呢種心態。(日日有deadline或上司head 住的人可能不會明白完全自由是另一種惡夢)
啊！與君一席話，勝讀10年書。以後不須等到奶晒撻才內疚發奮，每日返工前回憶下以前衰左既野增加內疚值便可。
古人臥薪嘗膽，也是同一道理。
以前玩一隻叫Torment 的電玩，當中的主題幾有意思: What can change the nature of a man? The answer is regret.
題外話，Torment 當中一大特色係主角可以透過紋身來增加自己的能力，估唔到有fans 真係癲到搵自己來較飛！
Tattoo of Torment
12 則留言:
雖然我唔係自僱，不過studio嘅工作都係unsupervised，我成日都唔係做緊嘢... 都有少少呢個感覺o架。人人都係咁o架啦，搞得掂就okay啦(好多時都係喺呢d時候先有靈感嘅...)
HAHA~我完全可以理解你既心態呀, 同我以前做PAPER時一樣呀~
係呀，內疚會令人改進，但我覺得「反省」好似貼切d。
以前嘅我極度怠惰，內疚度1000!簡直成為我嘅陰影。冇㗎，內疚都無補於事，著手改變方為上策。當我真正動手改變自己嘅時候，就好似將條路拉番回軌，所有事情都開始得心應手。
我覺得工作模式/態度就好似一個program，永遠會有bugs，每次一意識到有bugs就要立刻執走，不停fine tune直至完美為止（雖然完美只係一個概念）。
唔止工作，我做人都係咁㗎。（突然覺得自己好＿正能量）
喂！我又冇應你msn！
都係同一個原因啦！星期五六日我去左旅行。而家番黎又要係咁做！唉。
sorry 咁多位
呢幾日有些deadline 要趕，同埋有些棘手問題要解決
所以來不及回覆留言
不好意思 ~
>chryl
我諗日頭真係有d 時間係用來浪費的
既然做唔到野，唯有做d唔趕急的正經野
原理就好似考試前唔溫書走去做家務、做運動之類一樣
>cherrie
以前見過一個schedule，係講一個人寫paper的流程，大概係due date 前一日九點開始，一路hea到due date 前15分鐘先正式落筆，雖然有少少誇張但應該離普遍事實不遠!
>Chris
宜家又領悟到d野，唔知長遠work 唔work
就係參考麥記個廚房，麥記有rule of 7 seconds，即係跌落地的東西在7秒內必須被檢返起以保衛生企理
類似的principle 應用在做野對小弟是有用的。但見過有些老細，見你手腳快就局你做多幾個concept，又真係幾唔化算!
>側田
加油!快d去美國向白種女生散播我們偉大中華民族的優良種子
>但見過有些老細，見你手腳快就局你做多幾個concept，又真係幾唔化算!
咪係~！呢d老細真係衰＿格。咁樣做嘅話，就令到大家都拖到deadline放慢嚟做，一係就做完都扮忙，久而久之大家都練精學懶。到最後，損失嘅咪又係老細。
唉，講到呢度又要入「中華民族劣根性」條數：
老細當自己皇帝，對員工剝削，刻薄，揸乾揸淨，賤價賤待........................
咦？我好似上綱上線....
>chris
係呀
老細R 就係咁，所以佢d伙記成日將d野拖長來做，鬥長命
不過講開又講，佢d 態度救返d分數，至少仲會明白人才係難請又難keep，會對d designer 待遇好d，仲叫做留得住班伙記
冇嘢回就唔好夾硬喇，會爆肛 =P
點解夾硬回會爆肛...(kero?)
俺不是同志又不會走後門
黑人你好
從ELVIS 那邊盪過來的
多多指教
「內疚值」的確是個好極的詞語
我覺得這個「值」的推動力，最主要就是「害怕失敗」吧。
奈何
身邊有位朋友
縱使「內疚值」爆缸，亦毫不動容…
(站在他立場去想，我會覺得已經爆晒缸…)
我想，「內疚值」
每個人都有不同的LIMIT吧!!
> ng
歡迎你!
這幾天很多網友光臨敝blog，想也是elvis 那邊的名人效應
內疚值主要出於良心吧
臉皮厚的人，此值的meter 是很難儲滿的
爆meter 後也消退的很快
而且對於有嚴重不良後果的事情，內疚值的增幅也較快
有空多來坐坐!
發佈留言