星期一, 9月 03, 2007

男男女女

提起男女和網聚,轉貼返數年前一個blog post:


*******

過去的一個幾星期,見到這些

1. 眾男約兩個女仔去酒吧,眾男原本想以唱K 骰盅攻勢lum 女,誰知完全被兩個女仔封晒路,去左一間清bar,結果成班男仔啞晒。變晒怕羞仔,無人敢開口。原本有一個態度最囂張的男仔,一開始已經在問我「d女幾多分,唔掂我唔來」,言下之意把我當成馬伕或者夜總會的媽媽生。看到他們的醜態,心涼得很。兩個女仔都是我的舊朋友,俾面之下勉強陪了我兩個幾鐘,之後揚長而去。留下一眾興奮港男:「你俾A 幾多分?我俾80分!」「B 適合你喎,不如你上B 啦,我就食硬A了」,連正面談話都沒有,還以為自己得米,實在蠢得厲害。

故事還未完,原來,眾男在上電梯時,碰巧酒吧的老闆也混在其中,女仔B是他的好朋友,聽到眾男對女仔A, B 充滿淫猥之意,事後女仔 B 全數得悉。嘻,說話還得小心點。

2. 陪忠直男去一網上gathering,全場除了一個model 格的男仔外,所有的男仔都不行。例如dead air 皇子,每每開口,總可以把一些抵死啜核gag 變成不知如何駁下去的dead air對白,皇子還要自得其樂,完全不知原本稍有起色的氣氛又再被他打沉。其餘的,不是怕羞,就是缺乏話題被迫沉默,外表身形更加乏善足陳。

3. 陪失戀男G跟A和B 傾project,A 有事先走。結果B 跟 G 傾至天光,由添布頓講到小時的公屋生活。我認識B 三年有多,從沒講這麼多說話,更從未聽過她會跟陌生男孩傾至通宵達旦。整晚的話題很充實,只是聽也很有意思。聽朋友G 事後的分析,佩服他的相人術,朋友 A B 的潛藏性格都被他批中。Too bad he's not impressed.

4. 再繼網聚前緣,這次人數更多,氣氛也更差。先有心理變態小肥婆,一面打邊爐,一面SMS鬧人發脾氣,而且經常要受到大家注意才安樂。dead air 皇子毫不失準,還有幾個女孩子自成一角,自得其樂,既然恨拍拖,為何不試試跟男仔傾計講笑?還有兩三對未公開的各懷心事,忠直男遇上風塵女,純潔的少男感情受到傷害,夾在中間,看著忠直男受傷和發脾氣,只有希望早日振作。

飯後看著model 男在K 房個人表演,他的準女友默默欣賞,其他人全都變成佈景板,氣氛奄悶,其實灣仔和銅鑼灣有不少時鐘酒店,要二人世間有大把選擇,不必提早在 K 房搞情侶單邊主義吧?

去完幾次聚會,感覺空虛。自己一直都是局外人,望著這些男男女女,覺得有時大家是否太過自我保護?很多都擺出高不可攀的姿態。傾談兩句,卻是言之無物,平日沒有興趣,眼光從沒有離開過香港,甚至沒有離開自己的家 / office。

女的唯有跟女仔講化妝品,男的跟男的講車講高達。大家互相結識時,都在要求對方需要 offer 些甚麼,例如樣貌身材需要幾多分,每個星期需要有幾多時間出來陪自己,每個月需要有多少人工 etc,卻沒有人願意去關心或了解對方,有的頂多是一些技術性的關心。更加少有人會望望鏡子,檢討一下自己。


*****

真人真事,當時港男港女尚未受傳媒炒作,估唔到幾年後依然係咁
連出兩post,因為終於有一日可以稍為放低stress 抖下
不過訓醒之後d 時間好尷介,搵fd又唔係,出街又無尾班車,唔想打機唔想做野,睇書都麻麻地想
唔知做乜好,唯有在呢度寫下野啦...

7 則留言:

cheryl 說...

唔,點講呢。唔知lu。

如果大家真係為釣魚出嚟,好冇point,不如自己去玩算啦。可能因為咁都好難有connection囉...

塞米一條揚陸轟炸機 說...

咁呢,上列咁多畸屎,黑人係咪做搞手果個黎架?睇落次次黑人都旁觀咁既,唔通黑人唔慣做搞手哩:p

我比較有興趣阿A同B小姐有幾靚喎!無得食睇下都得呱XD (我想知班餓男有幾餓呀)

如果俾著我,一大棚人(多於5個)的話我真係無乜興趣;人太多,傾到幾多計了解到幾多丫。

我份人比較外冷同埋慢熱,唔鍾意快餐,尤其是朋友關係。我比較幸運,除了同學之外,我還可以在補習社、網站、newsgroup、online game識到唔少擺左個心出黎交既朋友(唔係講少,最耐果幾個識左9年...),日後如果到我結婚要擺酒(我啋...叱吧冷過你),真係好難將佢地擺埋同一張檯XD

出得黎聚聚,真係自自然然最好,別抱甚麼機心甚麼瑕想(這個很重要= =當初認識是不也是單靠文字的嗎),不然到後來吃虧的只會是自己。

黑人 說...

>chryl

兩三年前不時就會去豬.com 既網聚,見到各種類的人
有些好玩又心地好的,就算不投契都開心
又無話一定悶既

最常見係有幾pair 撮合左之後就會失蹤,剩低幾隻單身小貓不成氣候,個group就會瓦解

確實可以考慮聚下,要諗諗時間同地點
同埋等你適應返香港d亞熱帶工業氣候先啦
小弟msn:
bushindo@hotmail.com

>塞米

人一多自然會break 做數個細group架喇,所以唔算大問題既

心態要「自然」先至不自然呀,有遐想咪有囉,又唔會死人。講「自然」即係焗自己向某一個唔上唔落的方向諗,未必一定自然架

cheryl 說...

要聚飲吓嘢都得,唔洗話搞咩活動嘅,只不過..唉,都係俾d時間我啦... =(

但我心態真係好「自然」o架...哈哈哈 =p

自從好耐之前出過newsgroup果d聚會1、2次之後,都冇咩lu。之後都有d叫netfriend係真係做咗好朋友,不過又因為d麻煩嘢冇咗lu。而家有另一班blogger friend啦,都ok o架,因為大家真係唔係釣魚囉同好夾囉[but都係女嚟] =)

Chris 說...

嘩塞米你真好人緣,去到邊都識到朋友,而自己則好7煩,唉我都唔識形容自己~

外冷同埋慢熱+1

T & C,
喂你兩隻野講嘅網聚有冇預埋我份㗎~
係嘅就好若你喜歡怪人其實我很美㗎

黑人 說...

>chryl

明既,唔急,你有左抗體先出來囉

> chris

有話唔預你咩?不過都好似無話預你 (笑)
大家再約啦 ~
銅鑼灣近times 果頭有間樓上cafe 是露天的
(ie 無空調無窗得風扇),若果無雨天口又ok可以考慮,同埋果度好似可以食煙
小弟不是煙民,所以唔熟吸煙架步

Chris 說...

好呀好呀~

你提議嘅地方我未去過,但好似聽落唔錯。

唔吸煙幾好吖,又han錢又健康。另外,其實依家都好少吸煙架步lu