星期二, 9月 11, 2007

降頭

警告:本片段或會引起不安,唔受得嚇就咪睇



隔離講開落降頭,第一套想起七十年代倪匡編劇、狄龍主演的邵氏片「降頭」 (想不到同一條主線近年有翻拍...)

上網意外查到另一套神僧大戰降頭師的舊港片,古時候的電影創意不比現在差!

降頭師嘰哩古嚕地curse,高僧唸經,可能因為拆拆地的音效,聽落反而authentic 且打得十分凶險,舊時的電影好人未必一定贏,隨時好快瓜柴添!
(仲有,好似係主角的人可能30分鐘後就收皮)

又想起以前看過的「流星蝴蝶劍」,跟流星蝴蝶沒關係,劍也是極為minor的東西

當年電影的人物設計及故事橋段都好厲害,近代電影的確無法看得到了 (或者我看電影沒留意到吧)

對比最近的男兒本色,路過VCD舖看過這麼一段,有些看頭但整體還是悶,打極唔死的拳腳交真的太過90年代喇。

警察和古惑仔衣著差不多,動作固然無法比擬成家班洪家班當時的特色,看著差不多的人影揖揖揚揚十分鐘,夠了。

要將三個人的風格分得強烈些,建議有些點子如下

1. 房祖名面相經常帶點委屈,惡唔起,即使佢想aggressive,感覺上似係被人蝦緊多d,佢的打法應該像online game 所講的「血牛」,靠挨、擋、推、纏鬥為主,睇到都戥佢痛果種,最好打完例牌要入廠,有個女護士同佢玩感情線 (嘿)

2. 謝檸檬的格比較喪,而且身手配合得上,屬喪攻型,剛好是房祖名的相反,不過打完一樣可以好傷 (嘰嘰嘰)

3. 余文樂較年長,外觀亦較沉著,應該較多利用地形及道具隨機應變,不斷將戰場移到對自己有利的地方

唔...都好耐無睇過戲,來緊星期四果套14xx凶房酒店上畫,有些像silent hill 4的感覺,鬼片一向難約到朋友睇,可能局住自己去看

5 則留言:

黑人 說...

http://www.youtube.com/watch?v=ZHMQVfUv2-A

擺杯陣 打手印!!

舊時黑社會的電影都幾好睇!
嘿!

匿名 說...

小弟鐘意茶樓嗰段,降頭嗰段用咗好多心機,換轉今時今日,一定用電腦整,反而少咗好多技術玩。

係呢,隻巫講的咩文?

黑人 說...

>芸生

好鍾意佢張茶水台,整個水杯陣是一種美

唔知點解無電腦人的創意反而更活
另外,邵氏片種之多也是一絕,有港版超人、港版king kong,女同性戀武俠片,蛇殺手 etc

現在投資者一來不敢放錢, 觀眾沒有心機耐性和接受新事物的量度,林審署也會指這些傷風敗德,政府也會阻頭阻勢,以前拍無間道若不是刪走了劉德華的角色送交審批,老早拍不成了...理由是「警察是沒有內鬼的」

所謂亞洲電影之都,早已讓了給泰日韓。

匿名 說...

政府官僚自不在話下,觀眾水準也是一大問題,幾十年間為口奔馳,人變得保守、麻木了。

幸好還有天馬行空的年青人,mud都夠膽死,「香港電影」金蟬脫殼做「中國電影」的話,則柳暗花明又一村。

一要看內地政策,

二要看特區政府如何扶持,你知啦,搞創作呢家野,唔係一搞就有回報嘛。

黑人 說...

主流的香港人都很怕一眼不能看明白的東西

正如你所講,生活逼人,為人實際慣了
突然遇上虛無飄渺的感覺電影,會不知所措

香港自97年以後變成不是搞創作的好地方,只怕太多人講過太多次了,唉!