星期二, 11月 06, 2007

其實原本想寫...

萬聖節的事。
當晚的任務是做helper,帶model巡數間酒吧搞氣氛。
總覺得越漂亮的女孩子越串,可能當晚幸運,隨行的PG 和 PR也頗友善,到底是真友善還是職業性的圓滑,也很難分得清。

平日當慣電車男,不懂跟異性相處,連忙翻閱「電車男異性相處101」救急。

1. 女孩子喜歡能夠令她們笑的男人

初 時化妝師、PG等全女班在候命時,氣氛沉重得像靈堂。膽粗粗上去講些爛gag,甚至獻出第一次,化了一個萬聖節專用妝 (就是在眼皮劃多一對眼,方便偷懶),大家突然活躍起來:「好搞笑,勁似呀!」「哈哈!仲大過佢原本對眼!」「哎也,個妝未乾你都無得撐大眼喇,呵呵呵 呵...」「我要同佢影相!」「勁正!返工化呢個look勁有用呀!」

2. 女孩子喜歡決斷的男人

於是,黑人撥多70%的 ram 供語言區域使用,平日咬字不清、語嫣不詳、「陣間幾點去邊度食飯定係點」之類的男性語障,盡量收起。甚至有一個PG 甩底,也語氣堅定,扮到胸有成竹的樣子 (因為黑人當晚是客串幫忙,扮起來較易入戲)

後來朋友連忙派增援補鑊,化險為夷,大家整晚嘻嘻哈哈,時間過得頗快。
完job後,一行人意猶未盡落場喝酒。跟PR小姐傾得頗投契,於是連忙翻看秘笈,看看有沒有「灌醉女生後抬上酒店」之類的tutorial。

結果只見到一行紅色細字:別在吃飯的地方拉矢!

唯有長嘆一聲,合上手冊,趕上尾班電車歸家去。

17 則留言:

Justin 說...

>>>別在吃飯的地方拉矢!

好鐘意呢句!!

塞米一條揚陸轟炸機 說...
此留言已被作者移除。
塞米一條揚陸轟炸機 說...

但係飲酒地方邊算係吃飯的地方呢又...

我覺得我呢亭零女人緣既人一定要睇下呢本書....TK不如講下本書丫,你唔講,我真係唔知女仔鍾意男仔令佢笑架喎!

過內人 說...

乜真係有哩本書o架??

畀畀個ISBN我,等我又睇睇先??

過內人 說...

不過,當一個女人鍾意你的時候,而你又唔想同佢一齊,就算你唔能夠令她們笑,而且又唔決斷,都唔會影響佢對你的愛意。

唯一一樣,就係馬上同佢「拉矢」,然後不了了之…………

哈!哈!哈!哈!

ah-yun 說...

>> 女孩子喜歡能夠令她們笑的男人

對﹐唔通中意令我哭的人咩。笑起來的女人比較靚……

2. 女孩子喜歡決斷的男人

對對對對對對對對對對對對對對對對對對
get my point? 最怕優柔寡斷的男人。(just to be fair, 優柔寡斷的女人也怕!)

不過呢﹐以小妹子的意見﹐還是做回你自己好些囉。裝來裝去﹐多累呀。(唉﹐我知我知﹐所以呢﹐認識一個人多難丫!)

翻秘笈﹐不如問妹子啦!呵呵呵!! :P

匿名 說...

[ 女孩子喜歡能夠令她們笑的男人 ] 呢樣真係,普遍都係;但要技巧,係真係令佢地會心微笑,開心果種,而唔係賴好笑。

黑人 說...

> Justin

呢個係多年來一直恪守的信條

> 塞米

因為是酒商和酒吧的job,咁酒吧自然就成為搵食場所了。我呢本手冊好難搵架,不如你找找市面上 pickup artist 的書,當係笑話咁睇下啦 ... (認真的話就不要讀了)

> 過內人

ISBN: http://tkma.blogspot.com/
我通常都會讓事情丟淡,反正大家出來社會做事,要丟淡是很易的,逢場作興,從良心方面想,無謂搞到人傷心啦。從理性方面想,宜家d人會用唱衰作反擊,無謂冒險了。仁者安仁,智者利仁。

> 雲妹子

做回自己?我鍾意打gundam 同埋睇咸書,呢兩樣野都不適宜在女仔面前做吧...

今次太傖促,下次會先向妹子問意見喇!愛死你了~

> 八婆

開心笑,都好睇大家咩質地
有些人愛爛gag,有些人要有深度,又有些人見你踩蕉片才識笑,即使黃子華也不是處處有市場呀

高妹 說...

贊成yun 所言, 做回自己最好, 裝來裝去真的會很累.

黑人 說...

> 高妹

對呀。
基本上甚麼都可以講,但有些話,講了就會封了自己後路,以前試過跟女性朋友講:「我覺得你是我喜歡的類型呀!」

就算可以做朋友,又,就算真係想追,都唔知點入手咯

ah-yun 說...

傻瓜﹐就算做回自己﹐也不是叫你一認識人就把心底的話擺出來嘛。那樣會嚇壞人的。我想人人都喜歡被人喜歡的﹐在正常的情況下。但不會有人中意被一個痴線佬睇上﹐好creepy架嘛。女仔中意有誠意。一見面就話中意﹐好難信你囉。會覺得是信口開河。

不過﹐我真係覺得﹐被一個人真心喜歡﹐是件開心的事﹐就算I don't feel the same. (當然﹐那個是正常人!! 呢個世界都好多痴線佬!! 唉。)

^^

怒火眼睛 說...

>開心笑,都好睇大家咩質地

黑人, 呢句好岩, 最怕你求其講個爛gag, 對方笑到扒響地再攬住你引你知己, 到時都唔知點算.

黑人 說...

> 雲妹子

我好有誠意,風格creepy,而且係痴線既!

妹子...等我幫你篤下其他雲,祝你快d求雲得雲呀!

> 怒火媽

無所謂呀,知己唔怕多,最多咪得閒出來飲茶!

嘻!Mark my words, 必必再大個d,聽到大人講屎尿屁幾個字就會笑到肚孿了,唔知點解好多小朋友(尤其男仔)淨係聽到呢幾粒字已經覺得好好笑 :D

ah-yun 說...

雲呢﹐中意自由自在咁飄來飄去架……

唔好creepy啦﹐creepy好可怕架。乖啦。

Carole 說...

不過有d人無疑係比較易埋女仔身的

最近參加的同學會活動 (所謂同學會冇咩common ground 最多只係都在法國stay過)
大家都在討論一個出席率奇高
卻又唔理其他人的同學仔
(甚至有d面lung lung)
唔明

"嘩!佢同你講咗一句野ar 你叻la你"
"你仲叻,佢同你講佢係邊度讀書"

"佢同法國仔講佢係ifc返工 咩咩happy hour喎"
"佢做cxa喎..平日應該唔係咁.唔係點見客ar"

友人因為這個同學仔木口木臉
感到唔開心
好在意 佢存在 但又唔參與

黑人 說...

> 雲妹子

嘻 ~ 咁我幫你留意下有無同樣質地的雲啦

> carole

可能你的舊同學有些心結吧
男人有心結都幾麻煩,因為他們不喜歡跟別人分享

匿名 說...

明報 2007年11月16日
性感新定義
謙虛幽默愛家庭

係囉~識令女仔笑的男人會受歡迎好多呢!