星期一, 7月 07, 2008

五音令人耳聾

常說香港彈丸之地寸土尺金,香港人還缺乏另一樣commodity: 寧靜。

黑人沒有做過科學化的統計,根據自己經驗,港鐵(舊時的地鐵沿線)是全世界最長氣、最吵耳和最令人坐立不安的。三語路線廣播再加上請勿站近車門緊握扶手請勿飲食睡覺記得合埋眼之類,令車廂內平均七成時間都有廣播叫你不要這樣不要那樣,再加上港鐵車廂有強烈的風聲和路軌聲,黑人真想測量一下車廂內平均噪音分貝是多少。(印象中將軍澳線一度嚴重超標,現在也許大家的聽覺已退化,不覺得有問題)

即使離開車廂仍然有大量廣播,最明顯是銅鑼灣站往時代廣場的長命走廊,不知那個福佳廣告人想出來的餿主意,各大廣告商開始提醒你:「食完飯唔大解會引致腦部死亡,以上資訊由xxx公司提供」,基本是全程你是no escape 焗住要聽晒。

月台除了正常廣播還有電視廣告:即使陰天,UFO一樣會殺埋身,還有Sony SX862 懶音VO talent,聽到一鑊都想打佢一鑊。

巴士有精彩萬分的roadshow,早排有首煩到爆的英文兒歌: There's song, a crappy song, the crappiest song, that you'll ever hear...黑人每逢OT至半夜搭巴士歸家必被其折騰一番,而且roadshow 百年如一,很易令人喪失時間感繼而產生自殺傾向。

有人用ipod 以毒攻毒,亦有以PSP / NDS令自己分神者,還有一些不幸的平民百姓(如黑人)唯有閉著眼,緊鎖眉頭熬過這程車。

向敵人狂播heavy metal 音樂曾是美軍一種極有效的攻心制敵手段(最終敵人受不了投降),香港雖無大軍壓境,港人每日卻活在一個差不多的環境而不自知。

9 則留言:

凱恩 說...

我其實最憎燥音。如果經過工事地盤、o係車廂度有細路狂叫狂喊、或者屋企旁邊裝修果陣,必定會發現我臉容扭曲欲作反檯之勢。

至於Road Show 或MTR之類的BG燥音,可能你講得岩,我真係麻木左…

黑人 說...

鑽牆、打仔狗吠都勁煩

查實地鐵車廂真係幾吵的,你可以用講電話作為一個指標,看看邊度最難用平常語氣傾到電話

Derek 說...

係啦,我要寫投訴信去地鐵呀!

塞米一條揚陸轟炸機 說...

上層車頭窗邊位可以避開roadshow視線,起碼好過其他位坐定定硬食個死人mon。

naruto 說...

roadshow真係好煩,日日睇住快樂OL陳美和之流係度跳舞減肥,減完都係咁醜樣
而每程車總會有人大聲講電話上車講到落車,超煩

naruto 說...

咦!原來我地算係同行喎!:)

黑人 說...

> derek

有回信未呀?

> 塞米
查實我唔多搭巴士的,都尚可以忍到佢。

> naruto
早排蘋果話有個女人在長途車上面問人借膠袋然後開大,全車臭到不行。我諗都幾慘。

(同行如敵國喎,唔好相認好d...)

naruto 說...

(同行如敵國喎,唔好相認好d...)。。。>就嚟唔係啦,轉番全職

黑人 說...

> naruto

各有各好,祝前程錦繡!