星期五, 7月 04, 2008

愛情。心算

自問最長的一段感情也只是一年多,對於朋友感情問題幫不上忙,無力感+10。

話說友人的男友有些性格缺陷,大家相處了兩年左右,試過包容也試過正面溝通,可是男友的性格就是改不了,甚至連改的意願(或能力)也沒有。友人很清楚這些缺陷放在婚姻裡會很辛苦,想分手又放不下,男友也察覺到有問題,但到底是不是太遲呢?

話說黑人一位親戚是個大書蟲,完全不懂打點自己的生活,若果放他一人自住會養出數千蟑螂那種,可是老婆又能包容(他的性格,不是數千蟑螂),現在有幸福美滿家庭,有二子。這到底是上一代人個別的包容例子,抑或身邊的朋友同樣是另一種個別例子呢?

以前黑人會勸朋友「正面d,嘗試溝通解決不要咁快放棄」,現在不敢開呢類甘草薄荷藥方,唯有送上默默祝福。無論前路如何發展,願他們最終都能找到幸福吧!妄想一兩句說話可以解決別人兩年來的問題,不是太樂觀就是自大了一點。

********

話說黑人中小學年代的數學一直未試過合格,數口極差,飽受多年困擾後悟出一些心算方法,希望幫到同病者。

方法是將任何複雜的數字拆成自己能夠處理的小數目,無錯是蠢了一點,但so far 都有點用

任何東西乘10都很容易,所以遇上畸零數字時,儘量將之拆成10 就可以

例如
19 x 11
變成
19 x 10 = 190 + 19 = 209

另外就是將雙位的乘數拆成個位數

56 x 12
就可以拆成兩舊比較細的個位數
56 x 2 x 6
56 x 2 = 112,112 x 6 就是 672

加減數也是差不多,先搞掂自己一眼解得懂的數字
例如
1874 + 2046

1800 + 2000 = 3800
70 + 40 = 110
4 + 6 = 10
3800 + 120 = 3920


聽聞以前好些長者落街買菜時就是用這類方法心算的 @_@

17 則留言:

匿名 說...

>黑人會勸朋友「正面d,嘗試溝通解決不要咁快放棄」,現在不敢開呢類甘草薄荷藥方。唯有送上默默祝福

「嘗試溝通解決」是老掉牙的說法,但真正有用。至少,當盡力溝通之後仍不成功,最終放棄了,會可惜卻不後悔。

有默默祝福,積極聆聽的朋友真是好。
儘管有些人不相信與朋友傾訴有幫助,更多人從'對話'裡了解自己更多,從而更有能力和方法解決問題。

ah-yun 說...

Your 心算!! I have to give you:
!!!!!!!!!!!!!!!!!!!!!!!!!!!!!!!!!!!!!

No time to write now, write more later!

!!!!!!!!!!!!!!!!!!!!!!!!!!!!!!!!!!!!!

黑人 說...

> 小星

溝通好多人都做得到,吵架或平心氣和地講數都算作溝通。普遍的心態是:我已經講了俾你知,你改不到我就有權利提出分手

或者愛的其一個特徵係不斷俾機會人,同時接受佢有呢個缺點的事實,呢一點超級難

我們都很易俾機會原諒自己,卻鮮能對他人做同樣的事

> 雲妹子

咁多感歎號即係點?

頭先都諗過,19x19 可以變成19x15 + 19x4
19 x 3 x 5 = 285
19 x 4 = 76
76 + 5 = 81
280 + 81 = 361

真係好慢,對於我呢d數學盲已經ok了
(30歲人才學豬心算之類的東西會不會太遲呢?)

匿名 說...

點解要咁多步?

"遇上畸零數字時,儘量將之拆成10 就可以"的方法是正確的。

20x19=380
380-19=361

如果減19難,咁咪減20加1

呀...如果20x19難,咁2x19會唔會好d?
答覆加一個"零"已而

匿名 說...

用你的方法都得,不過...

要記咁多步驟
會好大cognitive loading
大部份人的短暫記憶(short-term memory)難應付到,唔...唔係唔得嘅

又因為為全部數字,好容易有干擾(interference),所以process正確答案又會難d。

ah-yun 說...

哈哈﹐今朝早趕時間都忍唔住留幾個感歎號過你。Let me start over. Hehe. :P

年少時都好中意做愛情顧問﹐(但我同你相反﹐我覺得唔夾﹐趁早分手好囉﹗) 但人越大﹐就越不會這樣做了。呢個世上﹐每一對戀人的相處都唔同﹐外人真的幫不了甚麼。可以做的是幫助分析情況﹐但千萬不要suggest resolution 給人。等人自己做決定吧。

我成日覺得﹐如果兩個人真的能好好咁相處一輩子﹐真的是件很感人的事情。於我來看﹐也是一種奇跡吧。嗯﹐咁囉。

+

至於你的心算﹐真的是笑死我﹗

> 19 x 11 變成 19 x 10 = 190 + 19 = 209
其實﹐呢個同正常既乘法有分別嗎﹖﹗唔係咁﹐可以點呢﹖﹗

其他o個D﹐好複雜囉。數字係我個friend來架﹐但我都諗唔到有乜野時候要心算複雜既乘數囉。

匿名 說...

我們這一代的確少了包容, 多了刁蠻, 少了體諒, 多了批判別人, 少了溫柔, 多了脾氣!

安諾勿斯 說...

十分同意樓上匿名兄/姐o既留言。

我地呢一代,命生得太好,由細到大,唔使憂柴憂米,冇經歷過啲咸苦。長大o左唔識得珍惜同付出,遇到一啲唔如意就輕易放棄。睇吓啲離婚率好似啲新公司夭折率一樣咁恐怖,問你心唔心寒?

匿名 說...

題外話

有人已經因為自己的迷惘走去學壞。
友人追求的是一心一意對對方付出的生活,但走左去中環夜蒲…
先「車」後「睇」…好可能同對上二次的結果都同出一徹…
我問佢點解唔「睇車」,佢話想做多次實驗,實驗用咩速度同時間可以大概了解對方,睇下人有乜反應,自己用乜反應~之類~唔信每次都用錯晒方法去對人。

咁江山易改,本性難移呢句有咩用

naruto 說...

hi,初到貴境
呢個心算法同我嘅方法好似

黑人 說...

> 小星

你個方法醒過我好多啊 ~ thx!

> 雲妹子

覺得唔夾就分手,咁如果一個小朋友在學校讀得唔愉快,你又會唔會叫佢快d轉校呢?

我d 數口唔精嘛,咁做係左為克服心理障礙等自己以為容易d。

> 匿名

因為呢一代需要高效率做所有事,包括生老病死。

> 安諾密斯

除了物質豐富,上一代人懂生不懂教也是原因。在街上見到一些小朋友的言行,很易推想到父母是個甚麼樣的人。

> alice

查實佢唔聽你講,你可以答「無拍拖既唔好質疑個有拖拍既」

> naruto

歡迎!得閒多d來坐!

匿名 說...

黑人,算把啦…
你地互相質疑,一個驚死,一個驚心死。
你知佢仲細無乜經驗,所以要做下實驗嘛。

匿名 說...

>覺得唔夾就分手,咁如果一個小朋友在學校讀得唔愉快,你又會唔會叫佢快d轉校呢?

咁要睇咩原因唔愉快...同學校或相關人士傾吓先,試一排無改善,我都有可能建議小朋友轉校。(強調:有可能)

除了幼稚園/幼兒園的小朋友,佢哋真係唔好轉校。對咁細的小朋友,轉環境會令佢哋有壞影響多d。


(我知你想駁yun,不過,講學校/基本學習的嘢,我真係好難唔插嘴)

黑人 說...

> 小星

你講得很對呀
有些人因為一時的不愉快分手
跟一時不愉快而轉校有甚麼分別?

好多人聽到小朋友在學校不愉快,會俾好多建議諗下點解決
不過一旦講到個男友或女友點點點,幾乎反射性地會建議分手囉

你唔覺二者比較起來,大家較有決心解決學校的問題,但無甚決心處理感情問題嗎?(除了選分手之外)

凱恩 說...

回上面

可能d人覺得,轉校比轉情人麻煩掛…

黑人 說...

> 凱恩

所以d 人分手與否,好多時只係取決於有幾麻煩

古時候可能分手比較煩,才出現咁多白頭偕老的婚姻

Morca 說...

原來我都係長者...