星期一, 7月 14, 2008

港男熊二大市分析

偶然聽到陶傑請到林燕妮做節目,話題自然不離男女。

例牌地扯上港女滯銷,港男缺乏承接力這個老掉牙的問題。

約略觀察,說女孩子滯銷未必完全說得上。有一群女性朋友身邊依舊大把男仔,可能她們單人平均霸佔三至四個港女的求偶機會也說不定。

又,的確見到大量條件很不俗的,長年乏人問津。

香港的男孩都死掉了嗎?為甚麼大熊市依然有女生搵到食?

現在男生性格越來越像女孩子:細膩、怕羞、脆弱。不單止性格,就連性別角色也慢慢倒轉。(其實街上望見很多男生的體格也越來越像女人,黑人自問較似功夫熊貓,例外。)

要責怪男人點點點無用,閣下來遲了二三十年,要投訴,應把矛頭指向他們的父母及整個社會土壤。

搵到食的女生性格通常較主動,不介意跟男生傾計做朋友,甚至很享受採取主導位置。

為甚麼主動的鳥兒有蟲吃呢?因為近年不再流行陽剛大男人,很多男生青春期找不到女友,痛定思痛,惡補男女專欄信箱:哦,原來女性喜歡的男生是細膩溫柔體貼有風度內斂成熟etc etc,陶傑講過女生最討厭男人的x和y和z,黃貽興這篇寫得好,女人喜歡這個那個...

潛移默化的結果,就是把自己變成一個像女人的傢伙,男生在青春期的時候男性性徵確實比較明顯(當時還未開始改造自己),不信可以觀察一下中五至中七的男生。

言歸正傳,米已成炊,撇除少數優質港男(例一,例二, 例三)不提,一般市場好男生不是沒有,但同時要接受他們的性格的確變得很內向怕羞時而脆弱。好男人跟壞男人最大一個分別是:好男人自覺有缺陷就不會把自己推上市場發售,只會忠直地默默耕耘期待上市。壞男人就不理好醜,close deal為上。

不要期待這些男生會很man地替你擊退流氓,他也許會拖著你一起逃跑,或許他覺得你穿高跟鞋跑不掉,會乖乖地交出自己的錢包,也不要期望他們有高入息可以令你安枕無憂,倒不如大家商量一下如何理財,只有男尊女卑的年代男人才有養家的能力和責任,男女既然平等,責任也是攤分的。

好男生不起眼,找到了也得花些功夫栽培,但長遠十分穩定,至少他們想壞也不懂從何壞起,有朋友追求短線刺激,最終又變成另一個sob story高呼男人都是無個好,優質的攀不上,好的又看不上眼,老是在壞男人堆找,當然無個好啦!

黑人最近致力修身齊家治國平天下的第一階段,不搞上市了。不過閣下想撈底長線投資的話,身邊有貨介紹喎。

27 則留言:

說...

不搞上市,都可能會有私摹基金吼既喎!

匿名 說...

搵到食的女生性格通常較主動,不介意跟男生傾計做朋友,甚至很享受採取主導位置。

其實,現在還會有怕羞得不敢跟男生說話的女生嗎?

雖然,男少女多這個理論聽了數年,但身邊的朋友,依然是男生比較多.

係?你身邊有貨介紹?

匿名 說...

我指身邊單身的朋友,依然是男生比較多.

怒火眼睛 說...

不過呢阿黑人哥/弟, 睇你文章呢, 我又覺你而家嚴重低水, 值得大手入貨喎 :p

塞米一條揚陸轟炸機 說...

>黑人最近致力修身齊家治國平天下的第一階段,不搞上市了。不過閣下想撈底長線投資的話,身邊有貨介紹喎。


第一階段行進中+1 XD

不過如果有人想投資第二階段的話,可以send份CV黎既~

凱恩 說...

陽剛男孩應該仍然好受歡迎,我識幾位靚女都對6-8舊腹肌情有獨鐘。

而家日本新一代偶像如瑛太、錦戶亮等都唔係大隻佬,相反仲瘦得好恐怖。只要係生得唔算矮同有一副娃娃臉,然後去電個好日本o既髮型,應該都可以迷死d哈日o既妹妹。

cheryl 說...

所謂男兒志在四方,男人嘅目標,唔可以單係放喺異性身上。女人亦如是。

我認為,是現在太多人太現實、怕執輸。不說主不主動,做人,是不是要PROACTIVE一點? 香港人嬌生慣養了,很多東西垂手可得,真正捱過的有多少? 我這等閒之輩,比較同僚,原來都算捱得的了。

除了捱得,仲要多了解這世界。了解世界發生什麼事,才可以多思考。不思考的,又如何做個PROACTIVE的人?

又廢UP完。

ah-yun 說...

點解我覺得你係度sell緊你自己咁呢? :P

> 哦,原來女性喜歡的男生是細膩溫柔體貼有風度內斂成熟etc etc

我好怕呢D。

黑人 說...

> 米搞

炒唔起,唔會有私摹基金搵我啦

> sze

傾兩句不會有問題的,但多數不敢進一步囉

> 怒火

喂喂,我賣朋友廣告,不關自己事喎
身邊真係有兩三個不錯的低水港男,值得入,嘿嘿嘿 ~

> 塞米

澳洲地區限定?

> 凱恩

我見到的通常係鍾意6舊腹肌,不過果個唔好係自己男友

> cheryl

唔單止可以放在異性身上?可圈可點喎...
論嬌生慣養,對比起英美日澳加
查實香港人不是特別嬌生慣養
港人係比較萌塞自閉

> 雲妹子

無呀...真係幫朋友賣廣告
兩三年前佢仲係一個無可救藥的電車男
早兩日同佢傾多幾句,咦?大個仔喇喎
個look算ok,體格頗fit,性格好乖仔
係比較痴媽咪 (慢慢甩緊了)
十成新

xiao zhu 說...

>>係比較痴媽咪

咁就死喇!(雖然話甩緊啫。)

凱恩 說...

>>黑人

"個look算ok,體格頗fit,性格好乖仔
係比較痴媽咪 (慢慢甩緊了)"

點解好似…

匿名 說...

又是港男與港女

宇宙人 說...

即刻諗起 d 咩咩空姐

香港女人戾氣重呢, 就自然咩野都睇你唔順眼

Fight Club 有句對白: old too old, fat too fat, tall too tall.

ah-yun 說...

> 係比較痴媽咪

最怕呢種個播。我覺得係甩唔到囉。

> 十成新

好唔好﹐見仁見智囉。

桃紅三點式 說...

田田田田田,後生幾年,我會主動出擊囉!

匿名 說...

十成新
聽落好得人驚喎

仲有痴媽咪
十個驚啦

et

黑人 說...

> 小豬

如果唔係一直痴媽咪,都唔會keep到宜家咁正經純品,不煙不酒不蒲

> 凱恩

查實以上個profile又fit到唔少港男既...不是飛來飛去那個,佢無blog架

> 宇宙人

係呀,我頭先睇完揚眉呢篇,個條件真係幾嚇人

> 雲妹子

股神訓示:「當所有人恐懼的時候,你就要變得貪婪,反之亦然。」

> 三點

我明你呢期好渴。

> et

溫室草兒,再加上男人本身遲熟,係咁架喇
現下個個女生都不想耕耘,只係想坐收漁利cap 果d 三十出頭的初熟男人,唉。

ah-yun 說...

> 股神訓示:「當所有人恐懼的時候,你就要變得貪婪,反之亦然。」

我死蠢﹐完全唔知你講乜。


> 三點: 我明你呢期好渴。

你好似以前已經講過。你仲唔幫幫佢。

凱恩 說...

股神原文好似係:

"Be greedy when others are fearful. Be fearful when others are greedy." - Warren Buffett

(唔知邊度見過)

塞米一條揚陸轟炸機 說...

> 澳洲地區限定?

係。

> 係呀,我頭先睇完揚眉呢篇,個條件真係幾嚇人

唔得,真係會致命架,咪制呀各位巴打。

>> 三點
>我明你呢期好渴。

咁你仲唔飛身幫下佢? XD

>> et
>溫室草兒,再加上男人本身遲熟,係咁架喇

其實果類男仔眼見都有市場架,甚至吃香過我地呢眾電車男添~~

>現下個個女生都不想耕耘,只係想坐收漁利cap 果d 三
>十出頭的初熟男人,唉。

咁我萬一過左三十都仲一支公,咁我咪變左執後灘??嗚嗚...

黑人 說...

> 雲妹子

當個個都怕左呢d 男仔的時候,可能係入市良機囉

因為好男人甚少第一天就成形的,襯佢還是萌芽狀態時就cap 住,長遠回報會更好嘛

愛蓮 說...

無錯, 我公司都有約85%係單身女子...只可以講一句「太被動」...係咪有貨可以申請?

黑人 說...

> 愛蓮

煩請將CV send 去takkima@gmail.com
我這位朋友芳齡26 (不知今年過了生日未)
心靈還是有點嫩,不能太進取喔!

高妹 說...

ipo超額認購的話點分配? 係以股東質責決定還是抽籤?

黑人 說...

> 高妹

放心,不會出現超額認購
連Elvis 咁高質都無人競投(雖然有5x個reply)

股東質素要由當事人決定喎,抽籤決定先後,見過面傾過計最先o岩feel 的就成功了

高妹 說...

哈哈, 想做股東也不易....
認購不足是否由保薦人保底呀?

黑人 說...

放心,黑人一早做足預防措施:

當事人還未知情的!

嘿!

PS: 佢在書展買了幾本男女關係的書惡補 (把妹達人, 宅男如何把到美妹妹),離出山之期不遠了,要認購就趁早啦