星期四, 10月 16, 2008

橘越准而枳

某才子在節目常掛在口邊的一句,最能夠在下列三段音樂顯示得到。

正版黑人freestyle rap battle (頭兩個幾得)


CG 領達財務


知專里程 (學子提供,黑人不問自取也)


(剛剛一屆立會選舉都有好多候選人一把年紀甩皮甩骨地唱rap,不贅)

最近搭車經常被逼聽CG果段廣告,雖則黑人唔係rap fans,聽到CG 果種傳教士做愛式的rap beat 真係奄悶到想打人。

係咪廣東話唔適合唱rap?李安琪同倫永亮在電台節目講過廣東話唔似英文咁可以將d發音扭到唔同晒,「我」低幾度就變成「鵝」。唔通香港人真係玩唔到rap嗎?

OK,仲有Fama,不過少左陣火。諗諗下,都係佢地最近磅。第一段歌詞雖然講緊2003年香港,2008-2010 應該一樣合用!

大懶堂 - 飛


點解無端端搵咁多rap vid?近日經常想起梁文道「最後一代香港人」形容香港係一個表面多元,內裡高度單一同質的保守社會。

香港男女社交活動離不開唱K,唱K離不開canton pop,因為無其他選擇?抑或我地根本唔想有其他選擇?

6 則留言:

B.Y. 說...

Fama?0個隊係LMF播.
講真,本來覺得LMF都係麻麻地.但相比起Fama,LMF好太多了,至少佢地識做音樂.Fama的音樂完全唔掂,rap的方法亦難跟阿仁相比呢!

黑人 說...

係呀,我咪話fama d 音樂唔夠火囉。

同埋rap 唔單止係押韻咁簡單
要同襯底的音樂要呼應先得 (我但唔識點解釋)
CG 果段明顯就無喇

塞米一條揚陸轟炸機 說...

我覺得廣東話唔係完全唔適合rap...只不過,rap呢一種唱詞形式的形成,同黑人的語腔不無關係,我覺得用廣東話的語腔來取代也不會變得不倫不類。不過單看LMF的,之所以能夠叫做rap,係因為佢地會咆哮(即係所謂"有火"),咆哮同嗌係完全唔同的,不過個人對LMF沒有多大的好感,主要係因為佢地好多時都言之無物,咆哮的都沒有明確的控訴對象,卻只有呢邊鬧下果邊鬧下,沒有明確的主題,似維園阿伯囉。

fama果類擺到明唔係叫rap,係軟硬果類,叫做"口水歌"。

黑人 說...

> 塞米

廣東話有頗大局限,9聲限制頗大,唔似英文字咁可以將音節大幅扭曲

fama 都算算地rap 架喇,可惜佢地咁易入口都紅唔起

米都話唔搞咯 說...

lmf算係最近磅架啦...農夫成日都俾人話太商業,well,根本rap响香港永遠都唔會係主流,所以做得到農夫咁已經好唔容易...喂,人地都要食飯架~

黑人 說...

> 米搞

我諗起農夫或者LMF,就會聯想梁文道果幾句

「只有主流,沒有分眾」
「贏者全贏,輸者全輸」

香港離威尼斯化實不遠矣。
約定你,威尼斯見!