星期六, 12月 19, 2009

公司的煩惱

人生三千煩惱絲,早已不復一大半。飛髮過海肉酸,今時今日,理個skinhead look亦很普遍。

近日事忙,頭頂雜草叢生,亟欲剷之而後快,今日終於有空到東洋小店10 minutes just cut。
新人髮理師接下這個3mm剪草job,不消五分鐘完事,然後他滿臉尷尬問:「先生,請問你...要唔要個梳?」(梳是用完即棄品,每人光顧後均有送贈)

聞之苦笑,反問「你覺得有無需要?」

「sorry呀,其實係公司policy,前排總公司鬧我地,所以呢排剪左幾個3mm客都逼住要問。」

*****
想起早陣子學日語,日本人詢問對方是否想做某件事,有種特定的句式,例如「去不去吃午飯」(昼ごはんを食べに行きませんか),會加上一個否定的虛詞,好讓對方能體面地拒絕你。

換在小弟的case,理髮師其實可以講「個梳都唔要喇可?」,至少問起來沒那麼突兀,假如我想起還有其他的毛需要梳理,亦可以答「無謂浪費啦,我keep返。」

新人理髮師聞之稱善,希望幫到忙啦!

7 則留言:

imak 說...

愚者問得笨.........

小瓶子 說...

几识野甘哦...

naruto 說...

真係問得唔好啫,一係一於少理,話:呢個係贈品,公司送嘅;唔好解釋,其實都過關

Headmaster 說...

其他的毛需要梳理

噗...笑了

塞米一條揚陸轟炸機 說...

「個梳都唔要喇可?」

in the same case 一樣可以被唔以為串緊你,無謂啦。

naruto的solution比較好,喎腳德。

小瓶子 說...

「個梳都唔要喇可?」 是否寸, 视乎讲的人的语气, 用错语气一样死....

黑人 說...

> imak
佢都知自己問得笨,係唔知可以點改善

> naruto
你咁做法,會令個光頭客覺得間公司潤緊佢(打工仔立場係ok既,自保先)

> 校長
嘻,你諗左去邊

> 塞米

或者咁講,送梳俾光頭佬,就好似送鞋俾無左對腳既人,或者送畫冊俾盲人一樣,係幾無謂下

當然,自尊心低落既人,無謂你問乜都係死,此乃後話

> 小瓶

10min just cut舖頭的師傅仔,通常態度都不會太差