賣袋賣橋

見到新一輯杜雷斯標榜零距離避孕套廣告，越來越覺得肉袋廣告無黎情趣。

舊廣告玩大理石像的「爽」樣，查實個visual賣腳底按摩甚至萬甘油條通便秘都得，講真，上床扑野點解個Ad 只得一個人呢？single play mode通常係打飛機咋喎。

我手頭無marketing data，但係感覺上槍袋通常係男人買的，既然係男人買，點解用單丁男石像頭去做visual呢？我寧願見到一個女石像high到五官扭曲囉，最好係修女打扮添！N年前有個叫「活色生香」既香港品牌又係貼三個創辦麻甩佬既玉照出黎，同樣低能兼倒米。

新一輯杜記廣告係個冷艷鬼妹舉牌寫住個零字，雖然我都聯想到凡是零乜零物大抵不離賣避孕套，但係第二個聯想係殘酷一叮的judge舉牌話零分，而唔係零距離囉！賣床上用品既ad寫個零字，你話我敏感都好，硬係覺得唔老黎 XD

呢排忙其他野，偏偏公事就無靈感，唔等駛野就吧吧聲有橋。

想推高杜蕾斯個sales，查實可以用返N年前北京Leo Burnett 幫P&G賣洗頭水的方法，就係鼓勵北京人多d 洗頭，位於龍頭的P&G品牌自然最受惠於整體升浪。

同理，香港人的性生活頻率及質素位於世界榜末，只要想法子推高香港人扑野的次數，自然可以推高杜蕾斯的sales。查實就算越來越先進，去到0.0001 咁薄都好，對end user (即係小弟及一眾麻甩佬) 無乜太大分別，講到「薄」，我相信唔少人已經俾岡本個0.03 pre-empt 左，再鬥薄已經麻木，此路不通。

至於點樣推高扑野次數，又唔需要賣傳統的TVC或者地鐵廣告，反正公眾場合禁忌多多，可以講到的東西太少又太悶，隨便想到的viral video可以係偷拍到狗男女在廁所野戰，事後有個用完的杜記肉袋，再激d，可以係一對校服男女在夜晚校園開波，保証大把人想知係邊間學校，一旦賣上報紙就有幾日免費宣傳，唯一大忌係hardsell自己個logo，偏偏香港客戶十居其九死呢樣。

正氣些少，可以sponsor sex workshop或者seminar，教新體位，安全知識，另類玩法之類。又或者暗啞底在一樓一或者有得行街的夜場增設POS拆帳，幫襯141有袋賣，好似茶餐廳順便賣紙巾咁。(有人做緊未？)

寫完，夠鐘做野。