星期二, 5月 25, 2010

點算!

發文的質和量都下降。

一來工作佔去大部份時間,二來是心中寫blog的火熄了一小半,舊blogger不是收火就是收皮,少了peer pressure推動自己寫字。

每逢有議題想寫,想多幾想,又覺得自己識見不夠,不如作罷。其實,從來都不會有「足夠」的識見,只是年紀大了,不能搪塞年少無知,心態上怕衰仔,面皮變薄,再加上些少工作利害關係衝突,又不能講太多。

以前會抱怨客戶真不該,現在較少這樣做。因為大家會想,怎麼你老是遇著西客?如此類推,呻窮,呻忙,都一樣道理。呻窮,可能理財有問題,呻忙,是time management不好。偏偏別人認為你有某個問題,慢慢自己又真的會有問題,或者令問題加劇,潛移默化是也。記得有朋友每一份工都吐苦水說被老闆欺凌,我心想,欺凌,都要花心思時間的,沒有明顯誘因,大多數正常人都不會無故欺凌一個新相識的人。

講時事,講得多都悶,自己幾個觀點,翻來覆去幾篇已經講完。人人都知香港無民主,貧富懸殊世界第一,政黨九成都是廢柴,香港人膚淺冷感之類,都講過了,再講自己都不好意思。

講設計,其實同講時事差不多,講外國的好設計,講得多,會精神分裂。聖經講天堂,只是一個概念而已。講別人的好創意,實實在有眼望到,而且可望永遠不可即,請恕我不是那些努力爭取報導事實的新華社良心英雄,明知彼岸美好卻一世做不到,我會崩潰的。

剩下來可以講甚麼?要我天天講call put,不如叫我死左佢。

講讀書,最近真的少看書,空餘時間都在溫習日文,可是又沒有甚麼大成果,成績普普通通,唔上唔落。

畫,又沒有心情畫。

總之是面目呆滯,言語乏味,現在帶我去老蘭,連昔日的兩毫子談笑風生都無了,正正變成痴在牆邊拿住杯酒呆站的中年電車男,仲要係動畫電玩都outdate的電車男,死未。

到底邊忽出左事?

14 則留言:

Kenka 說...

原因簡單,在生活缺乏新鮮刺激。天天講put是其中一個方法,但不是你的興趣所在就是了。

資訊太多,消化不良,甚麼心得文在大量blog之下寫相似的東西都變得言語無味。

有時覺得現代人缺乏的是深度,是詩意。

不過我也沒有,也不知怎樣探求,如果你找到了,請教育一下我。

說...

可能是癈話,但先去一倘旅行會是可能的出路...自由行去遠啲,入吓藝術館,又或睇吓自然景緻,會諗到唔同嘢

C.M. 說...

去旅行... ?唔係亳,聽講話面壁既效果仲好播... 都係唔好,不如瞓覺,應該會仲好... 丫又,不如...

Kenka 說...

五月病發作,可能這篇文幫到你 http://baike.baidu.com/view/1005246.html

黑人 說...

早排先至去完泰國,就算再去埋世博我估都係差唔多
通常香港人去旅行,係忙過返工既

我自己覺得主因真係工作時間編得太密
同埋無乜新衝擊
以前舊office在中環,時不時會去老蘭
現在日日在家做個好兒童 X_X
遲下會買隻Splinter Cell 回來玩,以電車男的方式衝擊下~

五月病都幾無聊,我四月真係有個rush,rush完有三幾日又真係灰左

Hana 說...

哩位施主,似乎係'人'出咗問題,唔關個環境事喎!

揾(?)返啲情趣返來應該乜事都冇囉!

readandeat 說...

睇得太多嘢,腦反而會實。

人地做乜關你乜事,你又唔係為咗佢地而寫博。

黑人 說...

> hana

幾時都係人出事!嘿嘿
情趣不是無,係無乜時間。有時間好想畫返公仔

> 讀食

無錯,見得太多,好多野都唔敢試,因為見過、有人試左,人地做得更好 etc

問題在於,「太多」條線在邊度?

當你知道自己睇太多時,已經過左條線好遠了。
寫blog初期係自娛,後來某程度都係娛樂一下其他blog友,人之常情。

篤篤篤撐 說...

你d野, 好睇ok wor, 我有keep住睇~~

selina 說...

寫blog,我從來只有三分鐘熱度,寫兩三篇已覺面目可憎,即刻想冚檔,睇人地個些好似係better use of time....

懨悶..偶爾/成日都有,前牌每晚放工番屋工.直情有種悶到想嘔忍受不了的感覺....所以羨慕那些永恒樂觀的人..亦懨悶得黎懂"自持"、識揾野distract自己的人......

凱恩 說...

我估大部份人寫blog都係為左感覺良好,覺得可以同人有種連繫既感覺。

以前想同人分享一件事不外乎forum或者blog,而家風向已經變哂。有人轉投社交網站陣營(eg fb),有人轉去玩微博(eg twitter),基本上已經滿足到佢地網上宣洩情緒加'build up a real me on the net'(唔知邊度睇到呢句英文)既需要。

一句講哂,都係睇mood。
(無錯,之前果d係廢話)

你唔寫呢度好多人會失望喎!ファイト ファイト!

Orpheus 說...

或者你放棄做freelancer,搵份長工做下,可能無咁悶。

說...

去旅行,可以有好多種去法,唔一定要跟港人嗰種

我同老婆近年次次去日本,都係去啲效區行山,冇咩shopping呀咁,好舒服

上次去上高地,真係好靚

http://www.kamikochi.or.jp/chinese_trad/

黑人 說...

> 篤撐
過獎,我成日驚會俾你地(你+cm+米+花+鎚etc)笑嗟

> selina
如果性格可以溝勻你話幾好呢
我成日都不受控地搵野distract自己,包括做緊正經野趕deadline的時候 : \

> 凱恩

このごろ少し疲れた、できるだけ


>Orpheus

假如轉左份工就解決到就輕鬆多了。


> 米

昨日都同fd 取經,問下台南景點
好彩我同gf旅行都不是港式趕頭趕命
上次剛抵步時花左幾粒鐘補眠

日本我都超想去,不過洗費太勁了,唔買動漫AV又對唔住自己,食又係一個大問題