星期六, 4月 21, 2012

利申及後補

今晨有朋友提醒,原來小弟博文內容被報紙轉載了。 

關於做媒一事,「香港把妹達人」組織在自己的網台節目《盛女爆大鑊》已經公開。

到底那個達人是媒,擔當甚麼角色,有心的記者朋友可以向把妹達人節目主持(也是組織創辦人) Norris查証。

 我所講的東西,絕大部份可以從網上找到,例如誰是媒,達人們有講。而主持們跟Bonnie私下講的東西,能說的我已講晒。 

雖然Bonnie曾在小弟的twitter很大方地講過不介意我抽水,始終我寫這篇對她的評價不是正面,加上她近日竄紅,已再無跟我聯絡,即使有,相信都會慎言不再披露甚麼獨家猛料 (唔驚我再爆咩),所以記者朋友們不用辛苦捕這裡,堅是無新料可講,有的話,熱心網民會迅速傳給你們。

 Gobby我只在節目前及錄節目先後見過兩次,任何關於她的正評負評都不是我爆的。 

這個博客只是我一個老宅男生活日常,間中寫寫讀書後感,間中講電影動漫或無聊野,喜歡的請多來,不是杯中茶的,我也不敢浪費你們的時間。 

另加,有些舊朋友或不齒小弟的抽水文,不打緊,for your interest 短暫虛火式的人氣是有的,但不多,尤其對比長期人氣博客,更是九牛一毛,未來可能會吸引到商戶找我寫文,但有幾多所謂的「甜頭」,有寫過廣告blog的都應明白。而這些虛火的代價很高,例如你們的評價會改變了,當事人會對我保持一點距離,這我知,亦預左。(假如我day 1唔寫「盛女愛作戰小記2」,改寫一篇明報星期日生活式的文章,讚Bonnie堅強勇敢嘻嘻哈哈你好叻啊,下次尚有請佢做嘉賓的機會,人氣賺得仲多啦,正路的抽水這樣才對) 

總之我的動機不是單純的「好」或「壞」,為朋友和自私皆有,我只是一個做普通事的普通人。

識情架步本身是幾位主持環繞愛情相關的題目吹水,土炮節目,沒甚麼秘聞,但…如無意外的話,我們下星期請到武俠小說作家喬靖夫上來做嘉賓!有興趣的朋友下星期四記得多留意了!

伸延連結
《識情架步》訪問Bonnie
 《識情架步》訪問Gobby
 《識情架步》訪問Ming (就是介紹Bonnie參加盛女愛作戰的人,第一集table for six的搞手)
 Ming 的速配公司Speed dating you
《識情架步》主持們分析節目的方針和盤算

PS: Ming 搞的Speed dating 我都參加過兩次,一次媒一次堅,俊醜男女皆有,不似節目中般古怪,我盡了人事幫你解話,其餘的你自己說明好了。

7 則留言:

Hana 說...

蘋果個記者有冇搞錯呀?!轉述你寫的內容但一口一個該博客、該主持,連黑人個名都唔寫一次,識情架部有幾個主持架嘛!

"讚Bonnie堅強勇敢嘻嘻哈哈你好叻啊,下次尚有請佢做嘉賓的機會,人氣賺得仲多啦"

一定唔會,隨住節目結束呢個熱潮退咗Bonnie的價值也差不多完咗。佢個外表、技能、談吐要係娛樂圈生存的話境況不容樂觀,就算tbb肯簽佢,最多係個三、四、五線的演員仔,除非佢肯隆胸再賣大包,就有機會好似趙碩芝嗰啲經常見下報。

selina 說...

我反而慶幸報紙冇將你個名寫出來。不過,用你們既網台節目名一search ,乜都搵到。

好奇怪,我好憎自己鍾意睇既blog見報,你當我係自私心態乜都好,覺得啱channel腦電波相近的,自自然然會撞到入黎。我當然唔會天真到以為人氣博客如你讀者群會細,但就係唔想小眾(? 應該都唔係咯)變大眾或大大眾。

不過講多無謂,你們放咗咁多心機在網台節目,又真係請到咁多有趣人物接受訪問,睇黎你們有心大搞或持續搞,有更多人聽到,我呢個塘邊鶴無謂多講咯。

黑人 說...

> hana

網絡有傳言話商台已簽左佢了。不過點都好,佢是節目入面近乎nothing to lose的人,有任何得著都是賺左。有現在的人氣,搵工都會易好多,任何brand請左佢,等於廉價請左個代言人,本身又活躍兼熟悉 social media。

> selina
好高興見返你,不是客套話,我潛水咁耐,我覺得你會走左唔回頭了。我今次會盡量令自己保持唔斷太耐啦

至於個節目,其他主持點諗我唔知,我自己知自己事,未夠班,即使在網台界都係咁話。黎緊一集我都好緊張的,喬老大說話不似綿密見稱,我見到偶像九成舌頭打結,怕令佢的fans失望啊

selina 說...

傻啦,我用google reader subscribe你,點會走咗,一直都睇緊呀。乜,原來我呢個冇留blog冇identity的普通留言讀者,你仲有印象架,哈~

我就係鍾意你們幾個主持網台的夠隨意,像朋友傾計,且唔會刻薄(mean)。不過,你話自已"未夠班,即使在網台界都係咁話",我倒有興趣有那些節目你覺得值得聽,推薦下咯~

魔術師 說...

http://www.881903.com/page/zh-tw/browseschedule.aspx?itemid=2401

大龍鳳
主持:林曉峰 Winnie Eva Bonnie
男女情場角力一如龍鳳鬥!深宵都巿,午夜夢迴,無論單身的你,有伴侶的你,飽歷情傷的你,滿足現在的感情狀況嗎?大都會中,仍然有不少男女碰上兩性相處問題、溝通問題、與及求偶疑難,商業電台全新峰煙節目,逢星期一至五晚,晚晚凌晨十二時半至一時半,林曉峰夥拍Winnie, Eva, Bonnie及各名人、專家,晚晚接通熱線1872881,晚晚上演《大龍鳳》。

浪子m: 說...

有些人問我是否大部份參加活動的男士也像節目中, 某程度上只是配合節目需要。

匿名 說...

just let u know we keep reading your blog though we dont update ours
n we enjoy ur programme very much

et