星期四, 8月 02, 2007

身心俱疲


近日不斷開會...present,standby,又積壓左好多野做...d數係返緊黎但好快又散晒出去。

以前去到呢d位就會想不斷打機減壓,但越打機,工作的時間越少,體力精神更買少見少,最後又在crunch time 爆發或者失期,沒完沒了。

所以就算無乜精神都好,都要逐少逐少地完成d tasks,釜底抽薪。

數日來幾件事:

1. 做飛虎隊,扮別人的伙記去present,結果由輔助變左主力。不是想自誇自己的能力如何,那是一場漏洞百出的presentation,個客可能睇唔出,又或者唔講出來而已。去到結尾,個客傾得開心,提議用retainer 包起拍檔們一年...心入不期然苦笑,因為左右兩位拍檔其實唔知NDA 同retainer 係乜,或者衰d講,好似只有小弟一個知道發生緊乜事。黑人只係一個孤魂野鬼freelancer,今次扮埋account executive 幫你地過關,下次又點呢?真係做旁觀者都睇到好擔心。

換個角度,黑人可能shutup 對件事或者仲好,懶醒飛身去補位,可能搏得一時稱讚,但長遠可能害左拍檔們同埋個客。I hope this will not be the case...

2. 傾左個有前途,但搵我笨的proposal,sorry喇...真係幫你唔到,除非真金白銀即磅七成,閣下吹兩句梗係易,我地要commit 個幾兩個月的。成日在小弟面前講大陸d人點平點好,咪搵大陸人囉,又要放心唔落。另,若果想搵partner合作,都要諗下人地有無著數先好開口啦,呢個plan 擺明係過橋抽板的,sales 人有個毛病就係習慣tum到對方應承左先,跑數就話嗟,傾business plan 唔可以將d 核心問題押後再講。

3. 收一張票,在個客間公司 hea 左4個幾鐘,仲要買左差唔多成百蚊糕點上去,哈!順道做左和事佬,希望兩位A 君都可以再合作返啦!

4. 聽到一d 小道消息,原來另一位小弟好尊敬的design 神人都有十分不堪的工作習慣,遲到早退、交貨唔準時、工作時玩女(!),而且呢d野傳得好快...唔,每次有一隻手指指人,都有三隻手指指返自己,聽完不禁出左一身冷汗。

5. 就黎comic world 喇,要趕埋d稿。

6. 開左個anobii 帳號,發左神經咁入d 書落去。遲些有空再embed 個書櫃出來。

10 則留言:

Chris 說...

咦,阿蛇伯成個辛康勒利咁嘅樣,好鬼有型wor。

成日將d insider news好似八珍姐咁唔開名㗎,好鬼吊癮呀。

匿名 說...

做freelancer幾好啊...又有多d自己時間, 又唔駛著老西番工...我都想啊...

cheryl 說...

哈,大陸人,叫佢搵飽佢啦
我呢邊被8蚊美金佢哋執幅30x40
我真係DLS,你俾我8蚊一個鐘時我一個鐘都唔止印一張啦,d LY執到粉人咁,嘢嘢都要我重新執過... 次次講親就火滾!!!

Chris 說...

咦,3個ch?

黑人 說...

> Chris

Snake 個人設參考過好幾個明星,辛康納利是其一,其次係Michael Biehn (未來戰士1的男主角)、米路吉遜、Rambo(aka 龍伯)以及Kurt Russell (索女飛車殺人狂那個變態佬)

> Cherrie

唔好做啦,得個做字。我識親十個入面有九個都係咁。工作時間自由,個客的數期都好自由啊...(甚至俾唔俾你都係佢的自由 囧rz)

> Chryl

不過你d客又鍾意食粉丫嘛...
大陸人對責任和誠信的概念跟我們仍然不太相同...either 係香港人慢慢適應佢地,又或佢地漸漸能夠升到國際水平囉

又放長雙眼

Chris 說...

haha...補充,"3個ch"指嘅絕對唔係粗口呀。

黑人 說...

此地無銀
DLLMCH

Chris 說...

>dllmch

呵呵,跌落泥咪走開?

(認真)為免兩位女子誤會我講粗口,所以特意補充㗎,不過好似越描越黑tim。認真重申一次,真係唔係講粗口,只不過咁見到大家英文名係ch字頭先口痕講句咁嘅野。

黑人 說...

> Chris

查實你唔係咁講都冇人會咁諗 ~
嘿嘿嘿

cheryl 說...

哎呀好hurto架被人X(子華話嘅)