星期四, 1月 17, 2008

神之考驗臨老過唔到世

看到chris有關設計過唔到世的留言,自己也思考了一回。
到底這是設計個別現象,還是其他行業都有出現同樣問題呢?
怒火媽說過,當記者都面對類似的問題。

年紀大了,年輕人的薪水不足成家立室,也無法維持同樣的精力四出捕新聞,所以記者不能當作career。查實,做office clerk、紀律部隊、bell boy、運動員、技工...好多行業都只適合年輕人,似乎中年過後除了當管理,做甚麼也不太行。

一次碰見中環街頭的賣花阿伯被兩個廿來歲新紮師兄問話驅趕,心中不禁有「四十歲前要儲夠錢防老」的想法。

然後,趁兩位師兄發夠了官威,悄悄走上前幫襯老伯買兩束香花。

******************

又,在forum 碰上「神的考驗」這個話題。
有人問世上多災多難,神在那裡?

熱心人答:這是神的考驗,人人有份,分別只有強弱之分,目的就是要世人珍惜眼前。

DLLM,阿富汗不少年輕人被「神之地雷」考驗了兩條腿,為何神不也考驗考驗你?這種「考驗論」不是wind-chill-language 還是甚麼?

那人見黑人來勢凶凶,反問「你梗係平日好唔開心喇,咁負面既?都發生左,仲可以點?」

對,既成事實無法改變,借用村上春樹的說法,可以做的,就只有長嘆一聲,掩上報紙回到眼前生活。

不過,唔好咁涼薄話呢d 係神之考驗好唔好?你有咩資格覺得自己deserve 一個輕ken考驗,而對面那位妙齡少女就需要extreme mode,被神經老母放火燒死呢?

而且,唔好懶醒話「呢d係人自作孽,跟神無關」,你又知?下次輪到你身患絕症苦不堪言自殺不遂,一眾身邊教友在主日崇拜講同樣的自作孽偉論,唔知又有乜感受呢?

每次碰上這些偉論,就越覺得基督教十分冷血,而且耶和華是個喜歡見到人類受苦的神。細心想想,大多數含有聖經題材的電影,每逢需要miracle / divine intervention,總要死上好些人,例如I am Legend、De Javu、The Sign(驚兆)或Highlander the animation,一方面我們說「阿波卡獵逃」殺人祭神很野蠻殘忍,但我們自己的電影文化卻不斷宣揚同樣性質的事,箇中分別可能只是文字遊戲矣。

11 則留言:

火女 說...

同意到爆! 至x憎基督教架喇!

說...

1)如果你當建築也是設計的一行,建築是比較好一點的:;雖然偶要工作至夜深,但基本上應該不是長時間要如此...而如果有你那份工真的如此,努力轉工應該都會可以揾到一份較正常的。
而人工,我覺得ok啦,行內人人際遇唔同,但應該唔會餓死。
但在香港做建築就創意欠奉了...應該這樣說:份工人工高,是因為要接受難頂的工作;如果份工可以俾到好大既滿足感你,老細又何必需要出咁高人工?

***

2)讚同。所以我支持斌仔。

黑人 說...

> 火女

其實我唔憎基督教,係好討厭呢種思維。而呢種涼薄的想法在任何宗教都有機會發生,只是耶教的教義比較容易產生這類人

> 米搞

人工高夠穩定,適合成家立室囉

你講的都有道理,做漫畫助理月薪三千
低過菲傭,但有大把後生仔憧憬成為主筆,所以依然有人做

但係三年又三年,十個得一個上到位,其餘的就被逼走去教畫或者轉其他不相干行業了

話時話,都要睇下果本「我要安樂死」

Chris 說...

月薪三千?!付出和收入嚴重不成正比~!
個人最討厭這種濫用別人熱誠來為自己賺錢的老細,我死唔信佢地淨係俾得起三千。
唔尊重創意人係一個惡性循環:付出大,收入少,創意人會開始交行貨,好唔好睇,讀者有眼見,覺得唔值呢個價錢嘅話讀者就開始唔會睇或寧願選擇消費去另一d地方。
唔正視呢個問題,最後會導致行業萎縮。

忽然間覺得美國嘅編劇工會好勁。

oh my dear god(if there is god)
我都係快d學投資嚟個全民皆估
希望神唔好考驗我啦:P


喂如果第時見到我係街度賣花,唔該幫襯吓吖

ah-yun 說...

關於「神的考驗」的問題﹐我都好憎。(話你知﹐就係呢D野令我面前多左一道深淵。) 其實﹐聖經有講﹐神是不會考驗人的。(God does NOT test people.)

那﹐見你先講﹐there are a lot of flaws in the teachings of Christianity or Christianity itself, that's because of the flaws of human. Regardless of how frustrated those so-called Christians have made me, I separate them from who God really is. Christianity is not God; church is not God; and certainly, those people are far far away from God. Nonetheless, these things sadden me.

> 然後,趁兩位師兄發夠了官威,悄悄走上前幫襯老伯買兩束香花。

香花?乜野香花黎架﹖咁你點處置D花呀﹖^^

黑人 說...

> Chris

真事黎架,我地個同人誌小組曾經有位成員係做漫畫助理的,但佢只係負責畫頭髮,講真出到黎都好難靠賣畫搵食,因為d功夫學唔全

到你賣緊花時,我可能在隔離街賣緊呢!點幫襯你呀?

黑人 說...

> 雲妹子

我記得聖經講過,連看得見的人都愛唔到,又如何愛看不見的神呢?

(謎之音:連地上的錢也賺不了,又如何累積天國的財富呢)

所以都係努力工作要緊 >_<
生活穩定的人才有餘暇苦惱天國的事呢

阿伯賣的好似係新鮮摘下來的百合
忘了啦...好耐才見到佢一次

Chris 說...

喂吾好頂爛市呀

Blogger70th Floor 說...

哈佬

我天主教既

我既睇法係
個宇宙造左出嚟
天主無指手劃腳架啦
人類的事情
人類要自己承擔

我呢
就最憎人話:丫有不幸是因為天主要教我地明白咩係幸運
嗯,我就通常會話:丫咁你唔晒食屎都應該知到糖係甜架呵
姐我最討嫌蠢人架啦


個伯伯我都成日見
我見過有個中年女人將佢岩岩賣花收到既錢悉數攞走
我有d唔舒服
自此我就無再幫佢買花

黑人 說...

> 70

我覺得天主教比較易接受d
基督教會講求「卓越」,聽完就聯想到層壓式推銷

另外capitalize 別人的苦難作為宣揚福音的調味料,也是很令人反感的。蠢人固然煩...無同情心的蠢人更可怕。

除左賣花伯伯,每逢見到戲院里出口的阿婆,都會將身上的碎銀俾晒佢,希望唔會有個中年男人又走來收晒佢d 錢吧!

Carole 說...

係唔係賣白x花

雲仔:
aiya
我又係咁諗
church呢係人的組織
所以咁咁咁

黑人:
係ar
至少catholics唔會咁排斥d protestants
相反protestants好抗拒catholics
自己未搞清楚
唔好咁多野講