星期二, 3月 16, 2010

撩交嘈

近來工作耗掉大量時間腦汁,發文極少,草草打篇字,証明還未死而已。

早陣子工餘減壓,隨意走到大口仔的博客撩交嘈,主要是爭拗中國武術一些概念上的問題,博主強調太極拳術各種優點,認為武術有分高低優劣。我質疑其說法,認為每種武術均有其局限及特長,選對適合自己用途的就是好武術。

事緣每次撩交嘈,都會刺激自己多找資料了解事情正反,稍稍增廣見聞。反覆回了好幾篇帖子,工作變忙,辯論的養份開始遞減,繼續嘈已無多太益處。自己一心撩交打在先,語氣不太禮貌,道歉是基本動作,再說,道歉過後封了炮口不能繼續死纏爛打,可以暫時逼自己將心神轉回工作上面。

爭論時,下意識會將論點跟面子掛勾,找資料會格外著緊。一口氣看了大堆武術短片、聽多了關於武術的電台節目,國術頻道鄭子平師傅是個不錯的host,見多識廣。2009年6月10日第一集講詠春概略,將詠春的優劣逐一陳列,尋常武師未必有識見或口材介紹自己武功,因此,能看穿並坦言自己門派武術先天弱點的武者,識見以外更多了一份胸襟,值得佩服。

正如Steve Jobs所講,我希望可以繼續stay foolish,不時撩人嘈交辯論,逼自己增進見識,動搖一下固有觀點。事關人大了,面子及利害攸關,遇上是非曲直,往往選擇沉默了事,日久只能活在自己的對錯價值觀裡。

我認為價值觀這回事,間中衝擊一下,才會知道有甚麼鬆沙漏石。

8 則留言:

爆炸頭 說...

我師叔伯成日都話,相嗌唔好口,夠薑就隻抽。講理論可以講到到天花龍鳳,但係理論work 唔work就真係要打過先知。

黑人 說...

>爆炸頭

我同意功夫要實踐
講到我都好想搵d 野學下添....

C.M. 說...

原來同日post,難怪呢篇我miss左,哈哈,的確似撩交嘈喎。丫又,兩個嘈得幾得意。

又,Re: 劉噏

劉嗡:同樣人口的瑞士,有頂尖藥廠、頂尖工程公司、頂尖銀行、頂尖鐘錶,我們只有頂尖的外國銀行...點解香港成日怕被人取代?就是因為香港的行業都是可以被取代嘛!我們要向左踏一步,我們需要一個公平的環境、需要香港住得安心,才能發展這些(獨特優勢)。

查實果日我都有睇,同瑞士比呢,好有問題,無論先天定後天原因,香港都唔能夠做到好似瑞士咁。不過作為借鏡參考,絕對無妨。

至於後者話向左踏一步,我同意喎。我最希望係初步響公司利得稅同埋標準稅率加0.5-1個百分點,然後全數用黎改善基層環境。

小瓶子 說...

好多时"不打不相识", 只系响武侠小说里见到乍!

现实系, 无乜人有甘既气度去原谅人. 就算以前对某观点不同意作出批评 (自觉系对事不对人), 到后来了解自己尖酸刻薄牙尖嘴利唔系甘好而公开道歉, 别人都系永远不会原谅及放过你的.

C.M. 說...

小瓶子:

又更現實係,唔計“非人關係”,會原諒人既人,你未道歉都已經原諒左你。(又或者,只係一時之氣,根本無嬲你)。

至於點解唔放過你,唔(止)係因為佢接受唔到你,而係佢放唔開自己遮。

(Well,男人之間既不打不相識,總多過女人之間... 卦)

C.M. 說...

非人=非個體

黑人 說...

> CM

香港固然不可能變成另一個瑞士,但係總有些產業可以做到世界第一,曾幾何時武術指導就是世界第一啦,只不過現在無乜年輕人接棒,斷香火而已

向左踏一步,其實我未太get到,話有咩政策適合,真係未有時間研究


> 小瓶

我跟某位blogger就係不打不相識
當年大家剷到對方飛起
宜家msn不時會交換對設計的見解

人之間相處,有時係非常複雜的,尤其係女人對女人,好多野言者無心,聽者有意,係幾煩下

我同意CM所講,個腦要成日諗負面野鬧人,需要長期儲埋呢d負能量,慢慢會有心理問題

selina 說...

"尤其係女人對女人,好多野言者無心,聽者有意,係幾煩下"

十分同意。女人會記仇些..自己都係,其實觀點和感覺有時磋埋一齊,如果我唔鍾意一個blogger,基本上佢既觀點我會先扣二十分。

其實文字寫出來,基本上已有一種殺傷力,所以十分說話只能作七分講。那些以為網上說話係真情流露/心底說話的,只係說對一半罷了。