星期四, 9月 11, 2008

麥迪文真好野



麥迪文評論副總統候選人佩林。

最初接觸麥迪文就是Jason Bourne 系列,只覺得佢係一個平實鄰家男孩版的James Bond,大幅健身兼接受特種格鬥訓練,又親身做car stunt,手車比得上專業特技人,佩服。

後來在Syriana見到佢,原來又可以做一個熱血金融分析員,希望幫助中東國家自立富強,不由得佩服佢的多元演技。再睇wiki,原來當初佢為左一個雞碎角色,夠膽死將自己餓到差d器官衰竭,敬業精神自愧不如 (敬業真的要搞到自己死下死下嗎?)

睇返上面條片,有幾個香港的celeb 可以講出以上一篇評論呢?注意佢講的不是甚麼新見解,但普通人一聽就明,藝人論政,有時都可以係WMD,殺傷力大過時事評論員多多聲。

5 則留言:

凱恩 說...

>>原來當初佢為左一個雞碎角色,夠膽死將自己餓到差d器官衰竭

我諗起Tom Hanks 演 Cast Away 果陣又係咁… 為了make sense 將自己個身形大搞特搞~_~

匿名 說...

外國社會包容個人的政治意見和評價. 人民不會漢奸前, 辱華後.

外國的月亮確實比中國特別圓滑, 特別明亮, 特別令人羨慕.

Yun 說...

下﹖人地係超級叻仔來個喎。(有冇睇《Good Will Hunting》﹖佢寫架。) 講真﹐我一直覺得佢幾醜樣下﹔但很喜歡佢因為佢既才華同覺得佢係個好人(!)。(人地係Hollywood係數一數二既才子來架。) 但實在﹐佢係越睇越靚仔﹐呢個clip﹐佢好型播!! (定係男人老D先有味道D呢﹖!)

I think he went to Harvard or Yale (but dropped out because of his acting career?!).

黑人 說...

> 凱恩

蘿白滴尼露為演出狂牛主角老中青三個時期,將自己練到超大隻然後谷到超肥,演藝飯真係唔易食

> 匿名

美國有民主選舉的國粹,國情不同。論量度識見,中國藝人未必輸蝕,國情所限,有口難言。

> 雲妹子

goodwill hunting 未睇過,我諗要專登搵下先得。初時我都覺佢幾醜樣,係近年越來越型,唔知咩事。尤其做左Bourne之後成個格唔同左

匿名 說...

to blackman

中國就是有口難言的國家. 無間道話齋, “你是警察, 誰人知道.”