星期二, 9月 09, 2008

Politics for dummies?

如果有一個網站,可以archive 各候選人4年前甚至8年前的政績對比,方便選民了解,認真功德無量。

再如果有一個網站,可以將味如嚼蠟的政綱,化成跟簡明易懂又貼近生活的撮要,加上系統化的tag和伸延閱讀,讓一眾政冷感老中青有需要時可以迅速recap,多好。

既然有openrice,點解唔可以有openpolitics 呢?(又,查實好似係有個獨立媒體做緊類似的事,甚少上,慚愧)

會考都有精讀本,點解時事不可以?香港人一生習慣精讀貼題目,用同一方式陳述政綱,會否事半功倍呢?

好老實講,一般打工仔甚少留意電視新聞,返工無得睇,放工無心機睇,除左的士司機大佬外,好多人公司連收音機都唔俾開。大多數人接觸時事的窗口可能來自朝早一份免費的七點半或大都會,烏下烏下都係睇睇有無令人提神的花邊新聞,未必有腦汁留意「前早餐派反對最高工時」,即使望到,佢可能無follow 開咩叫早餐派,最高工時是利是弊,亦無法在短短百餘字cover得到,6蚊一份彩色報紙可能為包紙巾同風月娛樂版,大家都知不同報紙會講不同的大話,每年71遊行人數某一家報大,另外幾家報細,無邊份信得過。政冷感,並非一朝一夕。

不過,返左公司,大家蛇皇會走去逛下forum 睇下blog (或者youtube),呢度其實係一個好龐大又未被充份開發的溝通渠道 (2.0 世代我不稱之為宣傳了,宣傳是單向活動,溝通卻可以有comments, tags 及相互 rss feed)

例如,一個3x歲的老闆仔覺得現在的租好L貴,強積金好L厄錢,員工要求最高工資最低工時,佢應該搵邊個?點搵?有事要搵白鴿眼,你信嗎?黑人相信一般人會選擇搵車公耶穌基督釋袈矛尼梵天齊天大聖,自求多福是也。

如果有一個時事的archive,至少該名老闆仔可以了解下各種問題前脈後絡,甚至如果個網的互動性及知名度足夠的話(即係政黨人都會上來發言及索料),佢可能可以在網站中直接跟政黨接觸。

平台立場可以偏頗 (事實上邊可能完全中立?),但同樣可以為各黨派提供一個發放資料的渠道,講真泛民亦有害群馬,霸住個位靠抗議靠soundbite 尸位素餐大有人在,兩個黨的地區工作攤出來一比,原來建制黨在某區幫過唔少新移民家庭,同區泛民得個up字,係人係鬼清楚晒。

我知係9up...我明係說易行難,講下嗟,犯法呀?(黃子華語)

5 則留言:

polly chik 說...

...如果有, 咁就真係幫到我呢d政治零敏感度0既人...哈...

但有冇一個真係咁理性客觀的人可以分析到咁多野...

米都話唔搞咯 說...

我個問題係,就算有,又究竟會有幾多人睇?因為,好似你呢兩篇講政治既post,突然間少左好多人留言...

怒火眼睛 說...

我諗只有鼓油同dab有資源做囉, 但佢地又無誘因喎, 因為現有機制對佢地已經係"行之有效"丫嘛. 民智未開, 有時都幾爽架.

C.M. 說...

哎呀,若果黑人你從商業角度咁自己去建立個web archive 呢~,好可能賺大錢呀!(不過依家爆響口,隨時泡湯lu)

黑人 說...

> polly

我諗主要係需要一個網站將d 資料(facts)有系統地整理出來,評論分析是其次。其實你上wikipedia 都可以查到一些,但wiki 是被動的,你要先知道勞永樂呢個名,才可以查佢係乜水

> 米搞

又查實,不嬲都少人睇 @_@
港男港女才多人回,Elvis 果邊已經多次証明呢個事實。

> 怒火

同意呀。我諗呢d 網站應該係獨立學術研究會好d,咁樣比較易取得$$

> CM

日後如果搞得成,應該政黨會出$賣廣告,個網站mine到的選民資料亦都十分值錢 (例如一個極之集中的email list),但係由零到一呢步好可能一毫子都無仲要投放大量資源喎,條橋唔難諗到,做就難嗟