星期五, 9月 26, 2008

智者利仁的偽術

有些人喜歡用「偽術」這個諧音字去貶低藝術,指藝術是騙人玩意云云。

Fine,但人類在大自然中,向來都係master of deception,無人講過嗎?

偽術不是罪過,見工求職、追女仔、見家長、入學面試、舊同學聚會等等,大家都在扮野:得閒的扮忙,忙的扮得閒,或者本身得閒但係扮忙人去扮得閒、散戶充投資專家、睇VCD後充影評、買幾件名牌充潮流達人...不贅。

自然界作偽扮野的例子多不勝數:眼鏡蛇的假眼、貓、青蛙或猩猩受威脅時扮大隻的舉動、八爪魚偽裝迷彩、遠古人類睡覺打呼扮清醒等等,全都是「講大話」,誠實才是違反自然的現象:

羚羊:「我無氣跑唔郁了。」
獅子:「哦,見你誠實,放過你啦。」

中國大陸的假大空,可能只係人類求生本能極致的表現,証明大陸人尚未脫離Maslow Pyramid 最底部掙扎求生的階段。

企業容許談判桌上有bluffing 或者partial truth,但員工虛報開支就是死罪,兩件事同樣是不誠實,因為利害關係,一種被默許甚至嘉許,另一種卻變成罪惡。

黑人相信道德最終為利益服務,例如亂倫不道德,背後牽涉社會倫理及遺傳學的利害關係。大麻有一段時期是合法藥用品,現在卻因為社會利益被禁制。某些國家的未成年女孩子(或男孩子)可以賣出去作勞工或性交用途,在其他地方卻是犯法,因為兒童對該社會的利益有所不同。貓狗在某些地方是食物,在某些城市卻不準吃,因為「無人性」。

當一種道德標準不再符合社會利益時,自會被淘汰。例如古時名譽受辱,向對方立挑戰狀生死鬥是合法的。為挽回名譽將對方殺死(或被殺),是值得嘉許又符合道德的行為,後人為決鬥喪生的親人報仇,也曾經是一種必然的道德標準。

到底現在有幾多類似的道德規條,會慢慢隨著社會利益關係轉變而不再「必然」呢?

以前遇上不同的國文老師解釋「智者利仁」一句,較多說法是「仁者多數也很聰明,或者聰明有助發揮仁的精神之類」,講完連自己都覺得無說服力。

會考時,國學活字典堅叔的解釋是:智者雖然不是天生就懂得「仁」,分析利害關係之後,選擇行仁。此說放在前文後理比較合理,亦符合人類史上對於正義和道德的態度。

又所以,黑人認為滿口仁義道德不打緊,衷心將之當成真理就笨了。

15 則留言:

塞米一條揚陸轟炸機 說...

"今日留一線,日後好相見"可說是實際又正面的態度吧。

小女子 說...

騏哥哥 ~ 幾時食飯呀?見你唔覆我 sms ...

米都話唔搞咯 說...

>道德最終為利益服務

呢個道理都係我出泥做事幾年之後先悟出泥既

>騏哥哥 ~ 幾時食飯呀?

呵呵,你地...

sze 說...

昨天我也在想這個道德的題目,不過跟你說的,有點不同.

騏哥哥,我地又幾時去食飯呀?

塞米一條揚陸轟炸機 說...

看來呀騏哥呢期飯局有排忙了~~~

C.M. 說...

騏哥哥若果帶埋d妹妹去食飯,可唔可以侵埋我呢個佬呢?

(你呢篇,引起小弟不少反思,謝)

C.M. 說...

(拿,我都係講下爛gag咋...我估,都係偽術遮)

小女子 說...
此留言已被作者移除。
小女子 說...

咩事 ...... 拿 ... 各位 ~ 騏哥哥片我喇 ...

塞米一條揚陸轟炸機 說...

cm : 你就好啦,你仲有得問可唔可以去埋一份......我呢,唉,想來也來不了阿= =a

小女子 說...

塞米一條揚陸轟炸機

haha ~ 小女子無所謂喎 ...... 不過,騏哥哥話可能同我溝通唔到囉 ...

米都話唔搞咯 說...

黑人,呢期開始,你啲從電車男身份寫既文章好明顯會冇晒說服力囉~

因為我從未認識一個咁多女仔約既電車男囉。

C.M. 說...

塞米...炸機(粟米炸雞?)

>>唉,想來也來不了阿

嘿,你似曬命多d播!

黑人 說...

> 塞米

問題係去到盡的人更多,而且去盡亦好似無乜問題,唔去盡反而蝕底,香港地越爬得高或者生意越做得大越係咁


> 小女子

黑人電車男金漆招牌俾你拆左喇,宜家個個以為我大把女日日酒池肉林,真係多得你唔少...

@_@

> 米搞

我諗好多睇三國演義、銀河英雄傳說之類的男仔,好細個已經唔信道德或者政治,只不過當時未必能夠清楚地將背後的利害關係表劃出來而已。

申報:我未見過小女子真人喎,下次飯局扯埋你同cm 兩個落水先(如果有女仔約米搞哥哥出來食飯,米太會唔會blog濕你?)

> CM

反思?我 9 up 咋喎...你地d 文章次次都做足資料搜集,我唔單止反思,直頭要反芻先消化得到 (下次黑人飯局一齊出來吧)

> sze

又約食飯,不如約埋一齊驗腎好d 喎,我早排食左一包M&M 曲奇,之前又吃過兩支Mars,估唔到就咁中招

sze 說...

又,我間唔中都會食包M&M的,所以...不如我地約醫院見啦...一齊去驗腎呀!