星期三, 9月 16, 2009

搏命

由二月起學日文,年底就要考4級能力試

學多年英文,跟日文可以有個比較。

現在我的英文程度,跟正宗外國人比自然遜幾籌,尤其聽不懂太濃厚的口音。日常用語遇上深一點的就投降,要靠理解前文後理推斷。看通俗小說或流行讀物(如tipping point之類) 不太需要用字典,跟外國人談話,只要內容不是cultural specific (例如某英國藝人或澳洲諺語之類),一般都可以應對自如。

這個程度的英語能力,前後花了約二十年。開竅是最後留學的六年,每天幾乎完全活在英語世界,但是比起身邊某些竹昇女生仍然差一截。

學英語是一個個生詞的死記,甚少像中文般有字根如:三文魚、吞拿魚、鯉魚、微笑、苦笑、大笑等等,英文每個月份都不同,那有中文般一月二月三月般容易呢?

學日文有點介乎英語和中文之間,有時候它需要像英語般死記「字串」,例如十二個月份以及一個月的三十日就要死記,有些部份跟漢語相近可以靠字根推斷。

假如想日語學到像英文般流利,估計至少需要5-7年天天浸淫。現在比中小學的時候專注努力得多(讀書時只是抄功課交差),但相對記憶力和悟心就衰退不少。

只不過路已走過一遍,相對沒有以前般迷茫就是。

***********

為了準備考試,最近去尋找passpaper以及各種日語輔助教材。

出奇地,擁有最多日語教材的不是香港,也不是台灣,是我們偉大的祖國。對日本鬼子最痛恨的炎黃子孫,原來對學習日語最為熱衷,中國人赴日留學的人數也是數一數二地多。

不少強國學子博學強記,能夠把十多年的試題(不論英語或日語) 死記,甚至連作文也能夠一早死背範文,考試時30分鐘「寫」出一篇可以拿A的文章。

我光是每天對著十多個生字已經喊苦了,到底要有多大的決心,才可以短時間內背誦這麼多的資料?

莫講學語文,走到尚書房,一大堆國內雜誌內容五花八門,對比香港清一色八卦和消費雜誌,腦海中只想到「此消彼長」這四個字。內地人對資訊的渴求真的很嚇人,我也只是勉強數得出幾位香港當紅的設計師,內地熱衷設計的朋友,不單止如數家珍,就連這些大師的動向也追得一清二楚。

香港的動漫雜誌(還未死的一兩本)只限於追求最新動漫資訊,每每還要從forum抄料,內地我卻見到有Comicker的中譯版,訪問不同的畫師,以及分享各種繪畫技巧,售價是日文版的四份一。

有時想偷懶,累了,想到假如對著一個內地的朋友,怎樣才可以不太丟假呢?
想著,就爬起來繼續努力了(雖然仍然是很半吊子...)

11 則留言:

Orpheus 說...

學語文應該先學講後學寫。

然而,不容易找個日本人說話,紙筆卻垂手可得。

Hana 說...

我啲日本friend話上海人講嘅日文發音最似,而上海人學日文又真係好快上手,80年代好多上海人走去日本打工,通常半年至一年已經可以講一口流利日語,但僅限於講囉!(有人話係因為上海話音階同日文相似喎!)

黑人 說...

> Orpheus
確實是先學講會快些,但日本人真難找

另外我記得在starbucks 聽到一個香港人跟洋人吹水,洋人最尾兩句好深刻:「第一請不要講咁多actually,第二我們不是讓你練英文的靶子。」

(因為香港人將actually當作「其實」,他說廣東話時大概慣用「其實」做口頭禪吧,另外他都開宗明義跟鬼佬說to practice my english,相信大多數鬼佬聽完真的很無癮)


> Hana

我阿麻係上海人,日治時學過日文,宜家記得兩三句,發音都係好過講英文

說...

>因為香港人將actually當作「其實」,他說廣東話時大概慣用「其實」做口頭禪吧

呢個我都常犯...所而索性唔講英文:)

不過我啲中文一樣咁差

黑人 說...

> 米搞

我都係一擔擔
兩頭唔到岸

wing 說...

我都是學緊日文. 對我來說寫和講是可以一齊學.不過成效會因人而異.

selina 說...

語文應先學講,後學寫...唔係好明

如果冇基本字彙/句構基礎,齋聽人地講,唔會水過鴨背,好難掌握/記牢嗎?

英文..其實就算本地傳統band 1 出身,HKCEE + AL 都拎A,都唔代表可以在外國生存到。

而家對學外語反而有點猶豫,因以前學日語和德文的經驗,都係學到半途就無疾而終,然後隔幾年唔記得晒。同埋又番工又番學,又記生字,真係有點力不從心。

aiyori 說...

您好!

我製作了一個自學日文網,有空請來看看。

http://www.learnjapanese.aiyori.org

黑人 說...

> selina

咁我都認為先學會講,之後會比較容易
反而先學文法先至容易水過鴨背
因為先懂得同人溝通,你會第一身體驗到d句字點樣用,就算唔明點解,都會記住

查實我都驚學左一兩年後放棄,再過三五年後忘記晒!不過呢d話唔埋,就算日日做運動,年紀越大身體一樣會越差,意義上都係一場空

> aiyori

加油!非常不錯!
圖解生字學習果度,在圖上加插「按此進入」會比較好

市場維京人 說...

俾心機!

如果你想搵日本人老師學日語,可以幫你轉介一下。

通常考日文能力試可以考慮直接報三級,因為四級太小兒科。反而二級同三級的分別就好大。

不過下年二級就會變為 N2 同 N3,即係話能力試將由四級變為五個 level。

Cheers!

黑人 說...

> 維京人

我報左4級呀!今年太趕,黎唔切學3級既野

希望下年打好d個底,可以直接考N3,再考N4好似無進步過咁