星期五, 9月 18, 2009

無手無腳

在地鐵見到力克胡哲 (Nick Vujicic) 的海報,假如上帝用麵團造人,祂造力克時明顯手頭上不夠麵團,所以力克一出世就沒有手腳。

心中有兩種相反又同樣valid的觀點:力克是上天一個殘酷的玩笑,但上天更殘酷的後著是用現實令他接受甚至感謝身受的頭一個玩笑,而且,還得四處宣揚他是多麼幸福。

另一個相反的觀點,就是一個人無論受多大的挫折,主觀意志可改變現實並克服眼前困境。

兩種想法一正一負,其實沒有衝突可以並存。

鬼佬諺語謂 when God closes one door, he opens another. 這句話通常有鼓勵作用,但用來解釋絕境也同樣解得通:上帝把天堂的門關上了,然後打開地獄之門!嘿!

如果將來有套電影名叫Gates of Hell,我買重注這句話九成九會用來做tag line。

7 則留言:

xiao zhu 說...

以前有一個朋友告訴我:你知嘛,其實人類係上帝做出黎嘅一批次貨,佢將所有嘅次貨dump晒落地球。

凱恩 說...
此留言已被作者移除。
凱恩 說...

xiao zhu:
我比較想知啲正貨而家喺邊。或者咁講,既然無法比較正貨同次貨嘅差異,咁係唔係次貨根本無關重要。

另一個想法係:因為上帝用麵粉搓人仔,手作仔難免有啲唔完整。如果上帝起咗間廠全自動化整人的話,雖則優質正貨,但因為所有嘢都standardise哂,結果行出街全部都係xiao zhu個friend嘅樣。

點都好,都係一個玩笑唧。

小瓶子 說...

It's really inspiring to hear his speech but I am quite sure I cannot be as brave as him.

selina 說...

老實說,他生得幾靚仔下,可惜冇左手腳。

呢種厄運,唔係普通人承受得黎。

幾年前,好似有單唔記得爆炸定乜,幾個大陸工廠妹嚴重受傷,毀晒容,香港傳媒有跟進過,我記得其中一個意志好堅強,後尾度過危險期,雖然臉容全毀了。唔知係咪佢地好細個就去外省打工,同埋唔放心丟低屋企人,所以有特別堅強意志和心理質素,我覺得好amazing.

怒火眼睛 說...

平凡人不知, 有手有腳有得食已是錦, 人生事事順遂是錦上花而己. 而nick 的人生一開始已是雪境無邊, 現在的成就只是雪中炭, 即使堆滿一室的炭, 室外冰凍依然, 可以選擇的話,大概多數人還是會選生活在有錦無花的小日子.

當然, 既然不能由雪移民到錦, 只好為自己加炭囉, 一旦頂唔順可以燒添 (個gag好爛)

黑人 說...

> 小豬

係都唔奇,以前睇過一篇文章就係講上帝造左N個種族,人類只係其中一款貨色。

> 凱恩

又或者咁講,上帝既審美角度,可以同人類完全相反既:「嘩,整左咁多件人仔,得呢個無手無腳又死唔去,真係傑作呀...正!」

> selina

以前睇過李察基爾果套first knight,借用佢一句說話改少少

May God saves us from such an amazement.

> 怒火

搵d怒火去撻著d炭丫嘛,get到。