在地鐵見到力克胡哲 (Nick Vujicic) 的海報，假如上帝用麵團造人，祂造力克時明顯手頭上不夠麵團，所以力克一出世就沒有手腳。
心中有兩種相反又同樣valid的觀點：力克是上天一個殘酷的玩笑，但上天更殘酷的後著是用現實令他接受甚至感謝身受的頭一個玩笑，而且，還得四處宣揚他是多麼幸福。
另一個相反的觀點，就是一個人無論受多大的挫折，主觀意志可改變現實並克服眼前困境。
兩種想法一正一負，其實沒有衝突可以並存。
鬼佬諺語謂 when God closes one door, he opens another. 這句話通常有鼓勵作用，但用來解釋絕境也同樣解得通：上帝把天堂的門關上了，然後打開地獄之門！嘿！
如果將來有套電影名叫Gates of Hell，我買重注這句話九成九會用來做tag line。
7 則留言:
以前有一個朋友告訴我：你知嘛，其實人類係上帝做出黎嘅一批次貨，佢將所有嘅次貨dump晒落地球。
xiao zhu:
我比較想知啲正貨而家喺邊。或者咁講，既然無法比較正貨同次貨嘅差異，咁係唔係次貨根本無關重要。
另一個想法係：因為上帝用麵粉搓人仔，手作仔難免有啲唔完整。如果上帝起咗間廠全自動化整人的話，雖則優質正貨，但因為所有嘢都standardise哂，結果行出街全部都係xiao zhu個friend嘅樣。
點都好，都係一個玩笑唧。
It's really inspiring to hear his speech but I am quite sure I cannot be as brave as him.
老實說，他生得幾靚仔下，可惜冇左手腳。
呢種厄運，唔係普通人承受得黎。
幾年前，好似有單唔記得爆炸定乜，幾個大陸工廠妹嚴重受傷，毀晒容，香港傳媒有跟進過，我記得其中一個意志好堅強，後尾度過危險期，雖然臉容全毀了。唔知係咪佢地好細個就去外省打工，同埋唔放心丟低屋企人，所以有特別堅強意志和心理質素，我覺得好amazing.
平凡人不知, 有手有腳有得食已是錦, 人生事事順遂是錦上花而己. 而nick 的人生一開始已是雪境無邊, 現在的成就只是雪中炭, 即使堆滿一室的炭, 室外冰凍依然, 可以選擇的話,大概多數人還是會選生活在有錦無花的小日子.
當然, 既然不能由雪移民到錦, 只好為自己加炭囉, 一旦頂唔順可以燒添 (個gag好爛)
> 小豬
係都唔奇，以前睇過一篇文章就係講上帝造左N個種族，人類只係其中一款貨色。
> 凱恩
又或者咁講，上帝既審美角度，可以同人類完全相反既：「嘩，整左咁多件人仔，得呢個無手無腳又死唔去，真係傑作呀...正！」
> selina
以前睇過李察基爾果套first knight，借用佢一句說話改少少
May God saves us from such an amazement.
> 怒火
搵d怒火去撻著d炭丫嘛，get到。
發佈留言