rainbow gala 4 打小報告

今次rainbow前太忙了，12月先後要考校內及校外的日文試，跟住接左個十分pk的客，幾乎係全天候地改佢地既野個幾星期，僅餘的時候又獻左俾 GVG Next，總之就無時間畫野。

其實都不是完全無貨出，草草地都畫左兩張，再之前想嘗試一張A2級數的海報，做research、試稿前後搞左幾晚，結果不如理想。

今次應該係收入最差的一屆，大家都太忙，尤其團長轉職做左老豆，連聚頭的機會都少。

今屆參加者比較少，人流都不多。主辦單位幾醒目，將cosplay表演台置於場中間，人流分佈較平均，古時候cosplayer在場內自由表演，加上一班龍友，非常阻街，影響漫畫攤的生意，後來改成河水不犯井水屈在一二角表演，今次叫做有一個較好的平衡。

Rainbow Gala比較新，人事鬥爭及不快經驗相對少，辦事沒那麼縛手縛腳。

場館有些老鬼，例如玩左差不多八、九年的PK square(PPKK)、以前插畫newsgroup的老鬼Cuson(咳神)、四百呎的陸sir伉儷等。

呢個年頭，仲夠膽畫漫畫的人，真係非常值得尊重！我自問好想畫，劇本都寫左兩三個，但係一怕長時間畫野果種孤獨感，平日工作上已經夠多了。二則好難持之以恆日復日抽二三小時作畫，尤其上左日文班之後時間更買少見少。有諗過應否考完N3之後就停止不讀(考N3仲要讀到下年)

anyways，放完假之後十萬個債主追殺，清左d工作債再算。