星期五, 2月 26, 2010

無字天書

記得以前一位做製作的前輩經驗之談:「4As廣告公司最強的地方就是presentation,除非你有緣入去打工,否則就算你偷到他們的powerpoint 也學不到他們的技巧。」

後來讀過The Perfect Pitch這本書,再加上早前一次工作上的體會,印証此言不虛。

這並非甚麼九陽神功秘笈,純粹因為專業的presentation,通常沒有太多文字,絕大多數是visual aid,假如講者水平夠高,隨時連標題都沒有,開完會送個pps給你都偷不到師。

Jon Steel這類神級presenter本身是堅決反對使用powerpoint的,他喜歡用傳統的黑色card board 貼上圖片作演講道具,例如介紹自己公司的廣告作品時,他會事先將作品card board 反轉,順時針繞場佈置。開會時他就可以站起來逐一揭開解說,吸引與會者注意。(當然,這招要視符場地格局以及受眾,所以他亦非常強調事前實地考察)

對於吾等凡夫俗子打工仔來講,要開會present大概離不開用powerpoint 一途,唯獨多圖少字的原則依然有效。

最低劣的方法是以point form 和broken english將講稿照搬上紙,會議期間沒多少人會認真閱讀,即使有人讀,他們的注意力會轉到powerpoint slide的文字上,冷落了講者(即是你),真正有效的方法是用圖片/短片將講者的概念圖象化,加強聽眾的印象。切記,九流clipart 或「裝飾性」圖片並不是visual aid,只是很奄悶的distraction。如何分辨有效無效,看倌最好讀一下The Perfect Pitch書中正反實例,篇幅所限此處不贅了。

可以對比上兩幅和下兩幅的ppt slide,是小弟在廣告學堂時巧取豪奪得來的講稿。前者是某大4A 市場策略部的手筆,後者是某creative director 說明ambient advertising的slide。雖然不算apple to apple comparison,我幾肯定當年對學生印象最深的必定是後者。





10 則留言:

篤篤篤撐 說...

where are we>>>where will we be?>>>how can we get there? >>>are we there ?

我都用緊~~

黑人 說...

話分兩頭,有d會議係為開而開
個powerpoint 點寫都無所謂啦

之但係做學生present,或者真係有idea要講的時候,讓聽眾聚焦返去講者身上才是皇道

C.M. 說...

令我產生強烈衝動買番本 The Perfect Pitch。

小瓶子 說...

我D presentation skills 太差, 所以好仰慕D 讲野好0力既人...

匿名 說...

有幾本書都叫"The Perfect Pitch",那本才是你說的呢?

魔術師 說...

現實的問題係, 通常係阿頭去present, 不過阿頭無料又唔願預備,份ppt就係手下馬仔砌既,咁只好打返份稿落去,完全係文字版。

而阿頭唔願意rehersal的結果, 就係連少少animation的出入位都就唔到,結果就係連動畫都cut埋。

要present得好,個presenter真係要知講乜同有乜message要帶出來。好可惜魔術師公司的阿頭都唔係咁諗, 佢地會覺得照住讀就得, 亦唔會有人話佢, 佢地亦都唔會因為present 得唔好而「無生意」,好神奇的。

小瓶子 說...

可能中国人的社会, 由细细个听书已经训练到D学生忍受老师的呆板教育, 所以遇到同样的presenter, 觉得这才正常.

中国人系好奇怪既, 如果太innovative, 反而会比人地一种唔踏实, 专玩花巧野既感觉.

你觉唔觉, 有D 老细会觉得员工讲野讲得唔流畅, 甚至带点口吃, 呢种人比较可靠.

匿名 說...

可唔可以稍為介紹下邊本係The Perfect Pitch? 我都想搵來睇下

我曾經聽過Axxxs的則樓老細個presentation(鬼佬),個d slide就好似你尾個兩頁咁,不過佢仲有d我懷疑佢自己畫的幾潮的sketch

我都聽過有個course話永遠唔好用powerpoint present,我記得佢講其中一個理由係個screen係你背後,咁影響你面對聽眾,所以捧住個board講好d

d鬼就教presentation要有d幽默感,例如囉當時最新的政治人物講過野的野/相來開玩笑咁,但我真係好懷疑中國人有幾buy呢樣

我係執最近個portfolio時,係用色上花個一d心思,因為聽講一d介紹講,上左年紀的人對顏色的敏感程度會退化。所以一d黑底白字會好難睇得清,特別鍾意大紅大紫,我估上年紀的女人特別鍾意著得鮮艷都係同樣道理

xiao zhu 說...

我做 presentation, seminars, workshop 或者 speech,從來都唔會有講稿,因為啲嘢喺晒個腦度,我習慣自己度好左個框架就即興。而我用 visual aids 一定少字,鍾意用公仔、圖片將重點帶出、或者增加吸引性,然後我再 elaborate。Presentor/Speaker 先至係主角,我哋要聽嘅人嘅注意力集中喺我哋自己身上,話明係 visual aids,只係用來協助我哋發揮得更加好,唔可以搶我哋鏡。

記得幾年前參加一個seminar,見到幾位教授做presentation,(有來自國內的、英國的、瑞典的)研究水平絕對係國際級,但係我都瞌眼瞓,因為佢地都差唔多全部將啲研究報告內容擺晒喺 powerpoint 度,真係好難頂。如果係咁,我自己睇報告得喇,駛鬼你讀俾我聽咩。

Visual aids 嘅主要作用係加強效果,適當地令睇嘅人加深印象。但係最重要都係要講者本身有料,"料"包括對主題內容本身嘅認識,同埋演講技巧,唔會令人覺得悶。而急才都係重要,現場執生技巧唔係人人都做得好。

好長氣!想講多一樣,準備 presentation 嘅時候,好多時有一樣嘢本來係好順理成章一定要做嘅,但係往往又有好多人唔記得或者冇好好考慮嘅,就係要認真諗吓黎聽你講嘢嘅主要係啲咩人。好多講者只係埋頭於準備自己認為至正至好嘅嘢去講俾人聽,而忽略去諗聽嘅人想聽乜嘢、或者點樣至啱聽,往往就係咁樣出事。

黑人 說...

http://www.amazon.co.uk/Perfect-Pitch-Selling-Winning-Business/dp/0471789763

Perfect Pitch 是這本

近日事忙,其他留言請恕容後再覆 /_\