衝刺一輪又一輪

最近係咁通宵搏殺，新account，大牌子客，錢唔justify 都接左返來先

做完都算大開眼界，見識到一件事，原來可以由簡單變成超複雜。我唔知上手個programmer 到底想保障自己，還是識少少扮晒野 (又或者兩樣都有d)。總之佢用左最複雜的方法去做十分簡單的事。打個比喻，由page A 去page B 就好似扭一下門把，開門，完事。經過佢扭曲之下，度門加左三把鎖，鎖匙亦被拆成四五份，散落在不同地方。

開始時我跟partner 都覺得可能係大行家encrypt 自己d 野，做做下越來越唔對路，因為呢d 唔似encryption，各program既開關制電源通去邊根本就隨機接駁，就算事主本人隔一年睇下件事，佢都一樣死。難怪佢潛晒水。若果想保障自己，明顯地就做不到(已經失左個客)，頂多只能玩死下家(我)。以佛緣角度分析，我前世梗係害得佢好慘，今世佢來算帳了。

呢輪搏得太盡，我已經有成個幾月無乜點正常訓過。尤其對上三個星期，先係馬拉松式挨夜做video，再係病到九彩，剛剛好返就接單咁樣的蘇州c 。長期唔夠訓，會引致肥胖以及記憶力嚴重衰退 (還有一籃子健康問題)，我不是血酬designer，下星期要回復正常作息。

前輩教落，出來做事要廣結善緣。但最近一次被人過橋抽板，朋友都冇得做。廣結善緣恐怕要換成「相金先惠」。甚麼時候幫人，是門十分高深的學問。