星期日, 6月 24, 2007

小事幾件

辛辛苦苦趕頭趕命做起的website,輪到個客唔得閒跟。都唔係頭一次,做的時候催到趕頭趕命,做起時又唔得閒覆,錢就更加要等唔知幾耐先收到。

幸好另外兩個客都頗爽快。小弟可以做design 之餘嘗試一下寫copy,都幾過癮,但最現實果句依然係希望快d完事收錢。

*****

昨日跟朋友G去某人生日party,飲飽食醉,傾得幾開心。主人家C是個獨居單身女子,第二日要收拾應該都幾辛苦,淨係消化d surplus 都有相當難度。

黑人最怕host party,若果搞得唔開心自己又難辭其疚,玩得盡興,曲終人散時又真係幾惡頂的。

記得大學時一位極前衛的typography speaker 講到要追求人生機會,否則後悔莫及,可能因為佢只演一場百無禁忌,突然爆一句 "say for example, gee I wish I shagged that girl" ,當時全場 80人聽到拍晒手掌。

無論將講師的說話當作比喻或者literally 理解都好,這種勇敢只屬於年輕人。心境漸長,開始會想後果,變得多顧慮。

以前想到idea,會衝出去做。見到傾得埋的女仔,二話不說追左先。
現在會諗其他project deadline 就來到,搵多兩個錢最實際。
或者就算tum到個女仔返黎,最終大家真本性夾唔到分手,隨時仲無癮,而且拍拖都要洗好多錢,慳d啦老細...

but hey, still got stuff in the basement, let's see.

2 則留言:

馬老板 說...

我試個在我家host個gathering, 個晚的特別節目.....便是用一個鐘頭做清潔和食埋所有野佢. 特別係飲埋個半枝用來做餸的紹興酒

TK 說...

馬老板你好 ~

其實小弟都姓馬,一人公司老闆,所以理論上都是馬老闆呢...嘻嘻嘻 ~

清理都無乜野
罰飲紹興酒就癲左d!