星期四, 6月 14, 2007

設計師專業組織

黑人freelance 初期,剛剛從加拿大回流,滿腔熱血相信香港應該有一個專業的設計師組織,同時,又相信HKDA 呢個建制組織做唔到野,應該推翻從新來過。

當年,好傻咁俾兩個中年笨伯厄左去跑腿,幫手「in general 地推廣香港設計
幸好黑人在大學時代已經有搞組織經驗,見識過空談理想的合伙人,雖則都依舊熱血上頭被人昆左入局,至少仲可以抽返個身出來。

幾年之後,建制沒有被推翻,所謂的革命組織,淪為小貓三四隻的茶會,成班人圍成一圈吹下水,吹完就覺得已經 promote 左香港設計。

現在不時都會收到佢地的newsletter,通常都係吹水座談會及興趣討論(eg. 一班人抱怨客戶唔專重design, 西九龍與後現代主義等等)。

對比起加拿大專業平面設計師公會 R.G.D.,初期核心成員花數年時間蒐集資料、做問卷調查,最後向政府反映有成立專業公會的必要。成立後,先後為設計教育定立基準、搞業界seminar、設立考牌制度、做全國薪酬調查、推出專業指引等等,咁先至算真正推動到設計發展。

而黑人又極相信呢類工作,必須要進入建制之內先可以做到。而且大多數都係政治與deal making,跟graphic design 無關,中年笨伯及烏合之眾根本完全無能力做得到。試想一下,跟Adobe同Poly U做deal,需要的不是graphical sense,而係political sense 及business savvy。多倫多就有Adobe Indesign Scholarship,設計學院規定教indesign,學校得到R.G.D. 認可,學生有錢袋,認為Adobe 無敵,呢種三贏 deal 香港有邊個做得到呢?

參與HKDA都係希望撈取短線政治利益,因為入到去做會長,名氣響d,接觸大客戶亦有一定便利及公信力,通常只能做短線小動作,例如seminar,展覽,有少少交流活動已經謝天謝地。

即使政府亦只著眼高增值的創業行業 (電影及時裝),平面設計要有出頭日,難。

要推動香港設計業,需要的不是有art sense的年輕人,而是一班有遠見又有錢的 deal maker與 politician 。

渣部坦克隨時輾死幾件art sense 青年,懂得做deal 的design 政治家真係前無古人,後亦不見有來者,更不知點樣培養出來

20年後受過大學教育的一代掌握權力,當中若能有一二人符合上述條件才能起步。現在時地人皆不適合,算吧啦。
practice record: 2km

5 則留言:

塞米一條揚陸轟炸機 說...

原來黑人是加拿大學設計的.....幾年前我apply過幾間學院,都說要讀四年,學費加幣太貴,budget proposal過唔到屋企果關,結果就去左澳洲嚕。

原來加拿大的專業組織有考牌制度,真係叫我驚訝。其實拎住澳洲學位去加拿大發展唔知有無可能呢?(我就是對Montreal同Ottawa有情意結XD)

Chris 說...

黑鬼 (你吾介意我呢個稱呼個可?)
雖然睇你個blog吾係好耐,但就覺得呢類以你嘅經歴/經驗所寫出嚟嘅見解最精闢好睇,而且對我呢d廿來歲冇乜見識嘅小子得著最多。
呢類固之然好睇,但亦明白到寫呢類見解實在要用神且費時,所以吾洗因為好睇就成日寫㗎~總之我實會嚟你度逛吓。

雖然你呢度吾係「科林」,但都借一句「科林」常用對白: 「樓主大大,支持~ 推!」

咦~~ 今次又離題?似乎我冇一次係回應你topic內容wor~

TK 說...

> 塞米
其實執業制度只係一個銜頭,考到牌就可以掛銜執業,考唔到只代表不能稱自己做R.G.D (Registered Graphic Designer),但你要入行做design佢也一樣吹你唔脹

現在有牌和無牌(主要是低學歷或老一輩)還在拉鋸,十年後就會是RGD天下

你試下email 俾RGD 問下詳情啦~ 我見你的portfolio應該夠照

TK 說...

>Chris

沙發!(國內forum用語)
其實我也是廿來歲無乜見識的小子(過多幾年就唔係小子喇...唉)

近期無意想起一個叫10mins design的舊玩意,若果你兩年幾前有去設計谷就會見過,係一個集體創作的活動,不過因為種種緣故停辦了

其實一個forum加多一至兩個mod 已經可以重開。見到HK地屎以前都想搞呢類野,胎死腹中,有所感而寫

雖然黑人無力改善設計生態,讓大家抽10分鐘發洩下創作慾,還是能力可及的範圍

(某就黎畢業的學子,你聽到嗎?哈哈哈嘿嘿嘿嘿)

Chris 說...

原來你都係二字頭?吾知點解我硬係形住你有三張~~haha,可能因為你聽嘅歌同埋你幅相嘅關係啩~~