星期一, 3月 17, 2008

教壞細路系列

食食下車仔麵,見到菜單有一欄叫「雲南米線」,而其他種類的麵就無咁好彩,全部都變成無國籍難民:粗麵、河粉...就連原產自日本的公仔麵,都無得叫做日本公仔麵 (咁叫即刻高級好多)。

諗起雲南米線,又好自然會諗到過橋米線。

小朋友:「黑人叔叔,點解叫過橋米線既?」

黑:「拿...其實就有個故仔既,好耐以前,一條橋旁邊開左間麵店,佢整d 麵好幼,好多人都鍾意叫外賣黎食。不過呢,佢地請左個好蠢既伙記,每一次送外賣過橋既時候,就會唔小心跣低,整跌晒d野。所以老板娘每次都會叮囑個伙記『過橋咪跣呀!』,咁其他客人聽到,就以為果d 幼麵個名叫做過橋咪跣,叫下叫下就變成宜家咁囉。」

(通常人去到某個年紀,就會覺得自己醒到可以係咁厄細路)

另外好些網友可能要開始煩點樣教小朋友講野,上網搵到d 片,唔知有無幫助



2 則留言:

Carole 說...

笑鬼死我

喂喂
過唔過橋
好似唔係咁大分別
又或者
我未食過好食ge

黑人 說...

> carole

我好鍾意隻狗...前世佢可能係警長黎既

我都未食過好吃的米線
食米粉就通常成肚氣好唔舒服