星期一, 3月 31, 2008

忠言逆耳

跟網友提起這個字,黑人總覺得這類成語有太多前設。這句話令人覺得要勸誡朋友,必須用上令對方反感的辭令。於是無法老起臉皮的人,乾脆閉口。

另一個假設令人覺得硬碰硬發炮,是展現友誼和忠誠的方式。

引伸下來,如果對方拒絕你的忠言,就是「不當你是朋友」和「繼續沉溺」。

黑人想提出幾點:

第一,忠言不一定逆耳。(朋友,得閒無事多相見!)
第二,逆耳的,不一定是忠言。(我燒你數簿杏家橙)
第三,忠言,又逆耳的,也未必一定正確,只代表這是honest opinion。 (你個死窮鬼想靠打工發達?咪發夢啦,如果當我係朋友,聽我講,明早即刻走去儘買4466,一定升!)

見到不少人因為一句「忠言逆耳」陷入二分法邏輯死胡同:好聽說話就是騙人的,硬繃繃有刺的才對朋友好。朋友有事,舉棒打小人是為了他好,安慰和「不批判」則害了他。

諗真d啦,朋友。

(看完謝昭仁和伊藤高史全套「朋友」電波少年後)

9 則留言:

Yun 說...

我同意。誠實都唔係大洗的。忠言﹐並不是你想講乜就講乜。是﹐用愛心說誠實話。首先﹐所謂的"忠言"係唔係真係忠言先﹖就算係﹐真朋友講時會小心。挑選就好的時機﹐聽者就能受落的時候。因為人的心靈﹐都是脆弱的。

凱恩 說...

最重要都係第三點。

我覺得有兩點幾重要~
1) 覺得係忠言或者逆耳都無所謂,最緊要係對應方式恰唔恰當。一唔岩聽就黑臉,人地會覺得好心著雷劈,咪仲衰。
2) 忠言定逆耳同對或錯係無交集既。人地講既野自己應該要分析同判斷,就算判斷錯誤至少都可以從中學習丫。

怒火眼睛 說...

拿唔好話我敏感喎, 無寫一輪, 你忽然留個言俾我, 好自然我會順路過一過黎(其實成日都黎), 咁一黎就見到呢篇. 我思疑呢, 係咪想同我講呢 :p

多謝你, 我覺得自己真係有犯呢個毛病, 真係要改, 真.係.要.改.

即使係機緣巧合, 睇到呢篇我都覺好幸運.

黑人 說...

> 雲妹子

因為我遇到太多朋友真心為我好,但講的advise 只是很一般 (例如完全不懂股票的人,叫你千萬不要買任何股票)

同樣,我亦講過不少advise,自認為是唯一對症下藥的方案,結果人家沒聽,反而更好。

就算係講事實,也不是大晒!

> 凱恩

點處理黑面,就係真正考驗友誼的時候
多數人俾了意見當然想對方接納,受拒絕了連自尊也感到受損。

遇過比較高章的人,係輕輕講過下,之後唔會點提,但不代表佢講完就消失,只係一齊hang out 時不會再挖呢個話題出來講。

我真係覺得人越大越需要面子,好多問題不能輕易攤出來講。

> 怒火媽

我又唔知你待人處事如何,又點可能俾到comment呢?只不過最近又同一位網友傾到呢類問題有感而發。佢係港式塔利班(上次提及的素食霸權主義者),堅持當頭棒喝,經常用二分法去present 自己的觀點,講到好似好有道理咁,我好反感囉。

謝謝你來捧場呀 ~

Carole 說...

係喎
黑人之前都講過呢d

我呢好少比意見人
不過我d fd會拍枱拍x話我

黑人 說...

> carole

我宜家都好怕俾意見俾人
實務的就唔怕講些少
個人生活就唔講了

怒火眼睛 說...

黑人兄, 今日重讀此文, 更有感觸, 唉. 我都係死性難改.

黑人 說...

> 怒火媽

嘩...溫書咩,多謝你睇小弟的舊文

性格難改,行為可以變嘛

而且,所謂難,只係改得比較慢而已

Carole 說...

唔知頭
唔知路
搭句咀
通常最死的男女感情事

不過最近友儕之中
有人撞咗板
反而賴其他人唔提佢
(其實由day 1 開始提
佢聽得入耳先得架)