星期三, 5月 20, 2009

before & after

Before



After



老爸昨日來電嗌救命,原來教會整海報方面嗌大交,十九幾萬人俾左二十幾九萬個意見,搞到張海報不倫不類。佢決定自己渣旗把關,事前問問我的專業意見。

估唔到學子果頭講poster,呢頭就有單咁既case。

舊海報主要有幾個問題:
1.) d 人比較奇形怪狀,但勉強可以接受
2.) 樹有d怪同埋d色水好「霉」
3.) d字排極都唔夠生動 (初步認為是字款太悶)

Designer改左十萬次之後,發老脾話你firm左點改就點改,再捽埋d小明小小明就唔Q做。

一睇佢地張text copy,寫滿成張A4紙,邊個designer做都死,於是大刀闊斧斬走好多不必要的廢字。(老爸先前已斬了一些意味不明的神語如聖大額我略吽哞嘛喇般若波羅密之類)

話實我只係用左兩粒鐘,完全算唔上係好野,重點係將佢d 廢字執走、簡化結構,等對方個designer可以有個參考咁解,希望老爸夠硬淨閘得住教會d三姑六婆,講真把關人真係要有marketing / editorial sense先至得,呢d事千祈唔好講民主。

另,有興趣的朋友,不妨報名參加 (講明,我無興趣的)。

8 則留言:

xiao zhu 說...

舊海報:
1.人形真係怪,我就唔接受嘞。

2.喺 mon 就唔覺樹嘅顏色有咩大問題。個設計感覺似版畫 feel,版畫效果唔係咁適合呢個主題。

3.文字內容多真係好慘,慘在諗嘅人往往因為貪心,乜都想擺晒落去。不過我覺得呢次有一個敗筆係唔關設計事嘅,而係講題嘅問題。講題一果兩個講題太長喇,咩都想講,冇諗清楚如果簡短有力啲,會更加容易吸引人,最重要嘅係,容易畀人記得。呢兩個題目,睇幾次都係噏唔番出黎;人哋問你聽咩講座呀,哦,呢,果個咩一本書上一咩一咩呢!咁就死得啦!

改左之後的確鮮明好多。如果畀我揀,我會加番一個簡單嘅副題 "聖經牧民進階訓練"。因為講真,唔知道張海報嘅目標係咩人,畀我睇,就算舊果張好似多啲資料,但係都唔係好具體知道其實係乜。

黑人 說...

>xiao zhu

顏色霉,係因為好多墨緣色的色地,個天又係肉肉地色,再加上棵樹好多白洞,感覺上就不太鮮明了

講題方面我老爸都有提過,可惜不在控制範圍內,除左講者之外無人知佢地會講甚麼。

假如講題係一個問題會較好:
「20年前的強國廣場,是風波、悲劇還是暴亂?」(曹澧麻教授)

我都覺宜家唔知for 乜野人,我今晚同佢地提返下先,謝謝 ~

小瓶子 說...

真系好好多哦.

塞米一條揚陸轟炸機 說...

1 : 顏色問題反而唔係太大(我係指樹影咋...其他就...哈哈哈),"聖言同行者"不妨用白色試下?...同埋我覺得不如after下半既黃色都轉埋用淺綠色啦。

2 : 課程內容比例無問題,不過我覺得可以擺得緊密D,同埋用D color 襯底將title同地方時間分別開來,咁樣就算個size同weight差唔多(eg : after入面date同venue個point size真係差唔多)既information都可以明顯有分別。

3 : logo都係擺最底好D....

4 : 信唔信佢地第一個反應,可能係覺得個title既字無dynamic效果覺得太生硬丫拿?

5 : 我仲係唔明做乜人影要擺左邊...既然係主角做乜擺左左邊....?


廢話講完...繼續失業........囧

黑人 說...

>塞米

綠色當然會好d,但係對比唔夠大。果d人就會呀支呀佐,宜家我個解釋係:黃黑係世界公認對比最大的顏色,工程、建築都用呢兩隻色引人注意同埋識別,咁解佢地就會明。

下面d字點樣襯,留返俾佢地個designer 玩小明咯。

至於logo放頂係中大的要求,無計啦。

努力!

anf 說...

HK大部份整poster同powerpoint一樣,
都係想張所有既point/message塞晒入去... 何苦呢

市場維京人 說...

> 呢d事千祈唔好講民主。
同意。一人一句句句都有 point,到頭來加埋一齊乜都攪唔好。

塞米一條揚陸轟炸機 說...

黑人你呢個解釋好屈機XD