星期六, 5月 02, 2009

實戰

友人說有新job需要面談,相約晚間飯局,可是她因為schedule conflict,將傾job和慶祝生日勉強安插在一起。

在銅鑼灣El Cid吃飯,見到鄰桌左右衣著打扮如嘉亨灣樓盤廣告中的型男索女,開紅酒呷口凍湯再來點goat cheese 頭盤。同桌三位女生一身名牌,捧著menu有講有笑,心中大呼不妙。

誤墜求職陷阱,脫身無門,唯有慷慨就義。

同桌兩位女生看樣子均屬「硬淨」格,在大公司當中層,黑人甚少跟這類人應酬,相信她們也很少面對電車男,所以初時她們三人談工作和圍內私事,不太理會黑人的存在。

假如在其他場合,大概會以四個字總結:「屌!死港女!」草草吃完拂袖而去。

這樣做,實在對不起快將大舉陣亡的鈔票。

唯有想辦法鑽位,例如三女談到某間fine dining餐廳時,忙不迭插口:「哦!是不是諾士佛台那間?」(其實我除了知道名字就不知其餘)

女生A:「前排去agnes b xxxx 食 tea,好開心丫,d cake 好正丫!」

黑:「哦?咁你有無去agnes b藝廊果個徐克25週年展覽呀?」(其實我都未去過,只是看了點圖片)

女生B:「妖,好想換電話,又唔多想轉iphone喎,好out咁。」

黑:「不如考慮下國貨啦,唔買iphone,有iOrgane國產零零漆鬚刨手機同埋N()KIA N97i...」(又其實,我最憎留意奢侈品資訊,人窮,憎人富貴。)

搭訕幾句後,女生們開始接受黑人的存在,可是接受也不等於跟你傾計。

為免再度被冷落,唯有找些話題。

黑:「咦?你地估食到幾點呢?」

女A:「咩事?你要早走咩?」

黑:「約左fd 練跑(事實),唔想太遲同埋太飽。」

女B:「哦?跑咩呀?馬拉松?」

黑:「(得米)係呀,10k囉。」

女生A原來是運動健將,話閘子一開,X game(eg.笨豬跳)...contact sports(eg.格鬥)源源不絕一湧而上。其餘兩個女生接不上嘴,開始switch回名牌,再講名牌黑人又要坐冷板凳,機不可失,唯有補鑊:「其實呢,我都只係練左一年半左右,做運動既動機呢...嘿嘿嘿。」

女A:「嘖,為左識女仔丫嘛,去California啦,入面既女仔索d。」

黑:「其實係想持久力好d咁囉。」(頂,除非出$叫KFC,否則呢一年的性伴侶應該是右手)

眾女爆笑,於是飯局的其餘環節就變成Sex and the City(一集都未睇過)。

黑:「唔好咩?體能好d,爆房都開心d啦,你知唔知好多女仔原來都無高潮?男伴體能差是一個死穴,女仔體弱都會影響高潮架(隨口9 up的)」

黑人估計眾女公務繁忙,放工肯定拿拿林走去消費享受人生,肯定不會再呆在電腦前面 (所以話題不斷講時裝、美容產品和fine dining餐廳)

既然如此,一週內的youtube無聊短片她們九成未看過。

黑:「有無聽過最近有幾個鬼佬搞左個project,搵左世界各地不同的黑人合唱Stand by me。佢地唔係一齊唱,係透過混音整到好似大合唱咁,好感動架!」

黑:「呢,有個爵士樂手,將麥凱恩佩林既講話,按照佢地既抑揚頓挫key返d 配音落去,整到好似唱緊歌咁,好厲害的。」

好彩,節目時間到,不用將Susan Boyle, David Cook同埋Paul Potts都搬出來講。

******

之前寫了好幾篇關於電車男社交的理論,上面就是實戰情況了。

真正的把妹達人不會隨便將心得分享,而黑人的心得也絕對不是甚麼把妹秘笈,只是如何在社交場合比較正常地過關而已,或者正確點說,是「如何令電車男不太討人厭」比較貼切。

******

寫這麼多,本來是約了跑友早操,跑友們約了周公全數失拖,唯有自己上,請呀!

又,俾我揀,我寧願揀跑步,唔需要扮野,喘晒氣就黎死都唔需要扮無事,就係咁。

17 則留言:

Betty 說...

你都唔系电车男, 当然无问题啦.

ah-yun 說...

都幾好笑下。

> (頂,除非出$叫KFC,否則呢一年的性伴侶應該是右手)

頂﹐"KFC"﹐我要諗幾秒先明。好蠢啊。

** 飛雪素素 ** 說...

你好強 wor (I meant 幽默感) XD... I like "國產零零漆鬚刨手機"! I need that hahaha.. I have 汗毛 on my upper lip. I would love to 剃毛 and talk on the phone at the same time.

** 飛雪素素 ** 說...

"Eeeeeeeee~~~" -snowy

"What's that noise?" -friend

"I am shaving..." -snowy

"Oh...ok......." -friend

"So, where were we?" -snowy

說...

又,或者你真係寫出泥呻一下...其實社交場合講咩都係冇所謂,因為其實係唔會講到啲「到肉」既話題既(大家都識避架嘛),咁所以咁多人講炒股、買車、樓、衫、明星八掛嘢...etc.

其實你up吓啲漫畫呀,戲呀之類都一樣係話題泥架~

唔怕影響你生意既話更加可以講吓你識嗰啲SM呀之類,探秘既話題人人都有興趣八吓~

Elaine 說...

重點1. El Cid d野唔多好食。

重點2. agnes b xxxx d cake 唔多得。

哥斯拉 說...

到底是面談新job,還是晚飯局?好明顯,d女冇仔陪坐,場面太dry,揾你頂旺個場!

能夠在一身名牌,大公司當中層的女生羣中打開話題,反客為主,想必黑人一定有過人之處,暗中修練神功!

能隨口講出agnes b, Susan Boyle, David Cook同埋Paul Potts,肯定非一般男人。陳冠Hey都是用名牌+甜言密語釣盡女星及貴婦。

塞米一條揚陸轟炸機 說...

"嘖,為左識女仔丫嘛,去California啦,入面既女仔索d。"

唔知點解,相安無事的情況下如果有一位女性隨口說出這樣的話,我會即刻俾對方零分......

不過我諗我都會同黑人採取差唔多既策略囉......男人不壞果然女人不愛...

市場維京人 說...

咦?照計你加把勁嘔多幾個話題出嚟應該會同班女仔攪得幾好個喎 .....

Elvis 說...

呢排真係係咁教把妹

C.M. 說...

頂﹐"KFC"﹐我要諗幾秒先明。好蠢啊。 x2

心諗,我公司樓下就有間,仲周不時幫襯添。

Betty 說...

喂, 出唔出来踩单车?

小女子 說...

真係 … 唔知話你有魅力定話你好彩 … 成日都咁多女 …

黑人 說...

> 小瓶子

唔踩喇,我對上一次踩單車果陣,架單車仲有輔助碌的,可想而知我有幾多個十年無踩過單車

> 雲妹子

頂,你唔通真係諗左去串燒雞翼咩?抑或係gravy & fries啊?(講起又肚餓添)

> 飛雪素素

其實我擺明是豁出去搞局啦~
睇你張相,唔覺你係多毛人喎
女仔多毛 = 性慾強,好事來的!

> 米搞

又唔需要下下盡訴心中情既,可能我唔鍾意消費文化(一字曰窮),所以聽佢地不斷講名牌、食cake呀、手機果d就覺得好無癮

SM果d等d女仔飲左幾杯先至講啦(唔係我怕的問題,係佢地會唔敢respond),講真我自己唔玩,無乜新料可講,炒別人舊料好悶的

> 李小龍

師兄,咪抬舉我啦。
實情真係個朋友夾左我去佢個girls party,本身係girls only

我又無乜神功可言,純粹出於一腔悲憤:屌,你昆左我黎,我就黎搞亂檔

> 塞米

有個高人同我講,想真係「發女」就不要學我呢套。因為呢,無錯可能d女仔會覺得你搞笑做下朋友無妨,但絕對不會考慮你為男友囉,我諗諗下,都有道理的

> 維京人

照計,應該得既,但當晚我真係諗住傾job,唔係識女仔

> Elvis

鬼叫你唔出山咩,拿,我由一數到十,你再唔寫溝女/扑野的文,我就殺死一個人質...嘿嘿

> CM

呵呵呵呵呵...

> 小女子

大師講過,我今年好多虛火桃花丫嘛
証明佢靈囉

Betty 說...

乜原来你唔识踩...种想Elvis 返来时同你地去踩下添....

甘不如去行山啦....费事你成日话吃饭吃左半年人工.

** 飛雪素素 ** 說...

ar..唔好誤會~其實都唔係咁多毛jei, 只係嘴唇上有少少汗毛。但係冇加拿大毛,因為我呀爸佢男人老狗一條加拿大毛都冇。佢D DNA嚟..

黑人 說...

> 小瓶子

你果d武俠病 (血毒) 得唔得架,半山叫天不應,發作起來無人救你架喎,我又唔識內功。

> 飛雪素素

我老豆都係光管人,唔知點解我係毛主席
唯有賴阿媽囉...