溫馨提示

我唔係好明，是否港鐵都興起內地果套「溫馨提示」，有Caution唔用，改為語重深長叫閣下Take Care？

Btw, Happy 2010, take care everyone!

好扑推介

23區24小時--東京碎片

偶然找到這個日本人寫的博客，作者大概是廣告公司的文案創作，難得中文比大多數中國人寫得順暢。

入面有大量關於日本文化及日本廣告的分析評論，深刻精僻，例如之前在2009極品廣告展見過的Rainbow Mountain 咖啡廣告系列(由Tommy Lee Jones 主演)，原來背後隱含針對日本勞動族/藍領族vs白領族的市場策略。(伸延閱讀：敵人的敵人就是朋友)

一句簡單文案，在我們香港人看來可能純粹是window dressing，背後針對日本平民百姓在經濟蕭條下的消費心理。我記得以前在881聽過陳珍黃朱梅主持的talk show，有一集講到「策略」，主持問何謂策略？幾位廣告達人東拉西扯，講行山，講自己玩毅行者如何厲害，半天講不出所以然。對比下，幾個日本飲料廣告，風格屬日本的普通水平，宣傳策略卻非常緊貼日本民生。(伸延閱讀: 「贅沢」贅談)

************

另一高明博客是小收煞，因不懂戲曲，只看名字初時以為是甚麼殺很大之類的無腦少女blog
原來非常精彩，暫時只讀過梁文道vs陶傑
上篇
下篇

************




同場加映，最近在地鐵賣到好恆的蝦筋帶子雪糕廣告
寫手可能為左砌靚個layout段落，加左好多廢字。(大家不妨留言試試可刪走幾多廢字)

其次就係rum酒(打唔到個字)有幾香？提子有幾甜？香港人詞彙枯涸，生活太多刺激太少享受，可見一斑。無話可說，唯有打個哈哈「食完你就知真正rum酒提子味道」。

香港是(不是)我家

之前在新香港人的博客讀到一篇講香港人前途的文章，大意是內地已掌握相關經驗，連香港人中層及後勤工序都可以接替，香港人不想食塞米，應該快快接發達國家的外判工作云云。

留言問：假如內地人搶得香港的後勤工作，為甚麼不能再搶外國那份？作者並沒回答，後來也見不到有關的新文章。

暫時依小弟所見，內地人跟香港人最大差距是外語能力，其次是專業精神或者香港人常掛在口邊的common sense(其實並不common)

香港劣勢是地租貴，人工高。相比下，內地人提高自身能力，遠較香港調低租金容易。

讀過陳冠中的《香港：下一個十年》，香港本土意識源於八九十年代，在此之前，Baby Boomer父母大多是走難偷渡，找個中途站歇歇，適逢時勢，六七十年代製造業高速增長，才落地生根矣。

換言之，「香港是我家」，只因為之前三兩代人碰巧在香港搵到食，才有安居樂業的想法。來年通脹凍薪兼港元貶值，樓價繼續被外來熱錢捧到高一高，「安居」和「樂業」早已不太可能，正如陳冠中所講，香港人在八九十年代錯失轉營為知識經濟的機會，錯愛金融地產，長遠已無大發展。見識過新學制，未來接棒有甚麼人材，亦母須多費唇舌。

新香港人如要保飯碗，不如向自己的親生阿爺學習，把香港當成中途站，放眼世界。

隨手影三則

偶然於街上見到此海報。潛意識覺得，單張跟坑渠有某種象徵上的緊密關係 (垃圾應該跟坑渠歸成同一類？)

教改撚完一輪，最終又係變成通識model answer以及通識精讀，依然填鴨，完。




整呢個ad出黎既人，應該多少受左「24小時耐久鬼」節目影響。(放假無聊者不妨click入去睇晒成set，娛樂性佳)




警鐘胸呢個concept用左好耐，亦用得幾好，第一次見到已印象深刻。宜家用落對bra度雖然無咁突出但依然ok，唯獨個標題不太工整，似乎係被人改衰左。我估原稿係 :
「乳癌警鐘未面世
定期檢查最實際」

MGS NULL

一月三號 Rainbow Gala 將至，又係無稿交，拿拿林畫返張Null哥哥頂檔。
用Macbook畫野向來顏色會偏差得好緊要，呢幅無乜出事，還得神落。
繼續趕多兩幅撐場先至得

(又，我畫MetalGear已經畫左兩年，d人會唔會悶親？)

如何防止自殺

昨晚5點鐘搭地鐵歸家，中途見到某防止自殺團體(?)的宣傳短片。
今日個人wing wing地，做唔到正經野，索性整條模擬版本俾大家欣賞下

為求現場感，看倌去片之前不妨打個電話俾朋友傾住計來睇，或者開著部PSP，又或者摷下你條女/仔/自己的私處，重點是不要太專注。

然後，幻想你係一個有自殺意圖既人。

(好，去片)

....
...
..
.

and here comes the million dollar question:假如你想求助，應該打邊一個電話號碼？你記唔記得係幾多號？

坦白講我就唔記得喇，連組織名係乜都唔知。假如你個組織想幫人，無理由咁樣整蠱對方。

我明白現實操作有好多顧慮，但係我從用家角度去睇件事，咁多個組織應該聯手提供一個電話號碼，而呢個號碼應該長期出現在畫面上。至於個接線生點樣射call俾不同的組織，呢個係你地後台既technical issue，唔應該叫個想自殺既人去遷就你地d politics。

好，講完，祝大家聖誕快樂！

2009 年終小結

年近歲晚，又係黑人(0167.hk)做個年終報告的時候喇

52次運動: 40次 (10月左腳拗柴，現在才回復正常)
儲蓄X元: 只儲到1/2 X (還要在股市有些損手，唉！)，不過下年2月可以claim返CEF，應該都有成皮野！少少都叫做幫補下 ~
讀12期亞洲周刊: 4期 @_@
讀12本書: 22本 (比上年的30本落後了)
看了39套電影/show加3套劇集
畫30頁漫畫: 明顯沒有時間做啦！
學日文：完成，並報考4級能力試(如無意外應該pass到)

有些低估學日文後每星期的時間分配，工作上明顯比以前忙左好多，忙到今年個2009紀錄都不是太完整。

本來仲訂左一d比較旁枝的計劃，例如惡補返CSS, Actionscript3, 學afterEffect, 重溫英文文法之類，但係暫時未做到。

當然另一個估唔到的得著，就係居然脫離單身電車男行列了。@_@

What I am to you?

網上有人用「簡約詩人」形容Damien Rice實在應棍，連official video都無花巧在錄音室搞掂，簡單的樂器和vocal繯轉不止，好比剪不斷理還亂的孽緣。

砌稿時被個客左改右改，腦海中就是那句chorus: what I am to you? is that all you need...

公司的煩惱

人生三千煩惱絲，早已不復一大半。飛髮過海肉酸，今時今日，理個skinhead look亦很普遍。

近日事忙，頭頂雜草叢生，亟欲剷之而後快，今日終於有空到東洋小店10 minutes just cut。
新人髮理師接下這個3mm剪草job，不消五分鐘完事，然後他滿臉尷尬問：「先生，請問你...要唔要個梳？」(梳是用完即棄品，每人光顧後均有送贈)

聞之苦笑，反問「你覺得有無需要？」

「sorry呀，其實係公司policy，前排總公司鬧我地，所以呢排剪左幾個3mm客都逼住要問。」

*****
想起早陣子學日語，日本人詢問對方是否想做某件事，有種特定的句式，例如「去不去吃午飯」(昼ごはんを食べに行きませんか)，會加上一個否定的虛詞，好讓對方能體面地拒絕你。

換在小弟的case，理髮師其實可以講「個梳都唔要喇可？」，至少問起來沒那麼突兀，假如我想起還有其他的毛需要梳理，亦可以答「無謂浪費啦，我keep返。」

新人理髮師聞之稱善，希望幫到忙啦！

極品廣告展2009 片段 (下)

就算大家錯過左個show，查實識得黎呢度，都可以睇返7成的廣告，小弟睇左美日及東南亞區別兩場，美國水準維持一貫，日本更是十級精彩，搞笑優雅俱有之。泰國時而搞笑，時而煽情，反觀香港只有益力多同埋慳得一蚊得一蚊...都係無謂講唔開心野，去片！

珍寶珠：Why so serious? Chuck先生






日本 Softbank 傳訊，狗爸爸系列 (total拍左六十幾集！)






Softbank 請 Brad Pitt拍的無對白廣告




T2 惡搞的softbank，配上同一段音樂，居然個feel都有返響度！強！


泰國安信兄弟 K SME Credit 推介！






愛的距雜 Love Distance 唔睇到尾都唔知佢賣乜！BGM好像是阪本龍一的手筆？又，看youtube說明，好像男女真的各自出發跑了一個月才會面。



呢排唔見左Tommy Lee Jones? 原來佢變左外星人考察地球，日本 Rainbow Mountain Boss 咖啡








* 片末的武士據聞係黑澤明「七人之侍」其中一角！？照計都七八十歲吧？






泰國燈炮廣告，著左燈就乜都唔駛怕！


NBA: There can be only one (兩個宿敵講同一番說話，完全感受到箇中逼力！)




上面個NBA廣告俾人惡搞，好鬼無聊!!




有睇過既朋友唔該留下言啦 ~ thx thx @_@

隨時被砍，趁快睇(18+)

上帝創造世界時，人類未食禁果，大概就是這樣子。

已被youtube大神和諧

極品廣告展 2009 部份(上)

Crest: Say anything with a smile
只要笑得靚，講乜都有人buy！

Powerstation


Lice


Prenup




芬達(繼續是學園篇)

透明老師


蝦子老師


伊右衛門茶品系列 (一流美指 + 久石讓配樂，感動到暈倒)








DoCoMo 攜帶電話系列 (淺野忠信 x 瑛太 x 北川景子)



這個需要一點字幕解說(靠記憶啦，我的日文水平還未可以聽得懂)
司機：多謝承惠 3700円
瑛：這時候應該由長輩付錢吧？
淺：對了...無帶銀包添！
瑛：查實可以用手機俾錢架播...
淺：咁呀(手機變成白鴿)....你拿住先
淺：(再變多部手機出黎...doo)
瑛：呢部手機好似係我架播！
淺：係咩，又係喎！
淺：瑛太，係時候返屋企喇。
瑛：下？
淺：拿住白鴿唔俾入場架，唔信問下後面兩件黑鬼。

警匪追逐戰

最近連晚通頂，孤家寡人對住隻稿砌到天光，好易抑鬱。好彩遇上Jason Mraz既陽光音樂，先至可以笑住做野。幾鍾意呢首Cop chase，就係大家平日睇電影電視聽慣的追逐場面配樂，兩個dancer 一個兵一個賊，幾過癮，提神一流。

不過又咁，聽聽下覺得熟口熟面，可能因為以前睇Cowboy Bebop已經聽過菅野陽子有相類近的作品。

如何將事實扭曲

答案是一首好配樂，再加適量的剪接。

(未看過魔戒的人會一頭霧緒，喜歡 Wetwetwet 的人會屌晒鬼，腐女們會嗅出強烈腐氣息)

不是人話的廣告

原版


父子版


肉麻情侶版


昨日見此廣告，段copy根本不是人講的，或者係超級生外的朋友扮熟先至會咁講。(總之講完會好odd唔知點接落去...)

上去佢地個Philips Perfect Gift Campaign 網站睇過，網站製作質素頗佳，有budget但無中文，可見華文市場不是對象之列。

呢個聖誕 ad大概係外國總公司send左個英文版黎，香港呢邊諗法子本地化兼「執靚佢」(即係令件事無咁肉酸)，廣告先天已經有頗大文化差異(中國人不會寫d咁怪既notes送禮物吧？)，市場部驚人唔明，左手邊再加多一段說明文字，反正都是交差，end of story。

接到呢類工作，創作人大概會熄左個腦，mentally be somewhere else。因為性質上等同接緊皮條客，或者不幸被人強姦，既然肉體無法反抗，唯有在心靈上逃亡。

查實將封信改少少，已經似返d人話(隨便諗的，當然不算good copy)，之但係，主導成件事的力量係 politics & regulations，不是creative。

假如M$ 設計ipod 的包裝盒

舊片了，最近有點感同身受。

極品廣告展

其中一組 Maxell的廣告，感想不多講了。
12月13號星期日係最後機會，趕快去買飛啦！

31

I can be loud man, I can be silent.
I could be young man or I could be old.
I can be a gentleman or I can be violent.
I could turn hot yeah or I can be cold.
I could be just like the calm before the storm boy,
Waiting for all hell yeah to break loose.
I could be innocent or I could be guilty.
Doesn’t mean that I don't believe in the news.

So I’m singin’ ....la da da di da budom
budom la da da di di bi boa bi boa {repeat}

play that funky hip hop(trio solo)

(african beat)

I could be rich like a wandering Gypsy.
I could be poor like a fat wallet lost.
I could be first man or I could come last.
It's not who breaks the ribbon boy it’s how you get across.
I could be red, blue, black and white,
Sunset darkest at day boy, brightest at night.
I could be the sun boy or I could be the moon.
I'm made up from the stars boy I'm shining so bright.

So I’m singin’ ....

I could be asleep boy, or I could be awake.
I can be alive man or be the walking dead.
I can be ignorant or I could be informed. (Yes sir)
I could lead my life man or I could be led. (That's right)
I can be anything I put my mind to boy,
All I gotta do is give myself a half a chance.
I could bring love back into my life.
Share it with the world if I got some balance.
and bio da

*******

I can be many things next year, yea!

上班族的音樂口味

聽到這一首，望到唱碟封面Jamie Cullum一身jacket加條打得很hea的領帶，實在很難不想起80年代超級巨星Billy Joel。
(其實開碟聽到第一句已經被迷住了)

歌藝絕頂，年輕，仲需要問when I ruled the world? Haven't you already?

有時我心諗，樂壇死，賴完mp3 / bt，都要諗諗個demographics，好多上班族忙到睇唔到電視，公司唔開收音機，聽歌的口味停留在大學甚至中學年代。

出來做多幾年野，除非好刻意update，否則好易脫節。就算唔脫節，通常都只係follow追開果幾位歌手，可以sell到幾多碟呢？跟住果d惡性循環不多提了。

朋友介紹這個網站：蝦米網，全靠它才聽多了許多新歌。
Jamie Cullun 的新碟 Pursuit
暫時用它代替電台音樂節目，效果不錯。碟就不會買了，等iTune store有售之後上去download吧！

影響美國國運的秘密

我想爆頭都不知道，原來美國最強的不是核彈、不是電腦科技、也不是民主憲法，是這個...


仲有呢段，我都要金坷拉，地球和平全靠它...

(18禁) 美國初代SM女優

含劇情及18禁內容，不喜勿讀

1950年，大城市內，某烏煙漳氣角落書店。架上盡是各種裸女色情雜誌，一位衣裝楚楚的男人漫不經意瀏覽架上裸女，半晌，他走到老闆前面。

「請問有沒有比較...特別的貨色？」

老闆固然聽出弦外之音，可是他仍然小心翼翼：「我不懂你說甚麼。」

男人話音細若蚊鳴：「例如高跟鞋、高筒靴之類，有嗎？」

老闆左右瞄了一眼，緩緩掏出一本黑白雜誌，封面是絲襪高跟鞋大特寫。


男人大喜若狂，又再問：「請問有無再特別點的，例如把女孩子綁起來...」

老闆伸手朝暗格翻兩翻，掏出另一本黑白雜誌，裡面都是穿著古怪服飾的女人被綑綁、制伏的情境。

男人如獲至寶，伸手掏出懷內警章，突然高呼：「你已被拘捕了！罪名是販賣淫褻及不雅物品！你有權利保持緘默...」

以上就是電影 The Notorious Bettie Page 開場情節。

***************************************

這套電影記述傳奇性感女模Bettie Page的前半生，2005年多倫多電影節首映。因題材所限，似乎無緣在香港上畫。中譯「傳奇惡女」，事實上Bettie溫文樂天，由始至終是個虔誠基督徒，只是拍攝SM女皇照時擺出嚴厲臉孔(滿足一眾受虐M男)，有點文不對題。

演員陣容相當一流，有「美國羅蘭姨」Lili Taylor，近期在劇集Madmen飾演英國財務總監的Jared Harris 擔當鬼才攝影師John Willie，大興問罪之師的議員Estes Kefauver由David Strathaim飾演，之前在Bourne Identity最終章擔當CIA頭子。女主角Gretchen Mol之前半紅不黑，這套電影儘可擺明車馬三點畢露，而且風評甚佳，希望星運能更上一層樓。


Bettie Page在歐美情色文化有個很威風的綽號: The Pinup Queen，大概是海報女皇的意思，由50年代至今，對著Bettie Page裸照打槍的男人多不勝數，她的招牌齊陰頭跪坐照更被荷里活模特女星爭相仿傚。

Bettie是典形的紅顏薄命，年輕時被虐待和強姦，後來又跟丈夫離婚。隨後隻身到大城市發展，因為鄉下口音和不擅演戲緣故，追星事業不太順利，機緣巧合碰上美國初代的SM色情雜誌監製Irving Klaw，名義上拍攝「荷里活明星照片」。

最初Irving只是叫Bettie只是穿上「比較奇特的服飾」(也就是現在很普遍的fetish造型如束身衣、長靴、吊帶絲襪之類)，因為天身麗質又肯搏肯試，漸漸獲接SM硬照和小電影的案子，在地下色情市場大熱。

1950年代美國麥卡錫主義盛行，除了抓共產黨員外，更嚴打所有「傷風敗俗」的事情，不巧SM和fetishism亦在名單之上，槍打出頭鳥，行頭一哥Irving Klaw自然受當其衝，店子被查辦之餘，頻頻被國會議員傳召審問。

Irving最後不堪公眾壓力，結束色情刊物生意，Bettie 亦被逼另謀高就，轉拍其他nude photo 和pinup，之後更退出模特生涯，當上全職傳道人。

「恰到好處」是總括全套電影的評語，因為太容易流入俗套，變成低裝色情片或者歌頌道德/色情，但導演的選擇不維護亦不批判，忠實地將1950年代海報女皇身邊的人和物呈現出來，觀眾反而有更大反思空間。

例如Bettie初出道時，加入了某個半色情的沙龍攝影會當模特兒，龍友們除了器材變得先進外，似乎50多年來也沒有進化過，同樣是拿著相機的視覺強姦犯。當年拍艷照露出恥毛陰部，是刑事罪。進行SM活動、拍攝、傳閱或販賣SM刊物或影像，不單是罪犯行為，更加是心理變態、喪心病狂的不倫舉止。

聆訊會上傳召牧師和「心理學家」，台詞更加聽慣聽熟，跟50年後的香港明光社幾乎一樣，假如香港有人學Irving Klaw拍綑縛照片公開販賣，我敢保証下場亦會相近。

內地早已有公開販賣的戀足刊物，至於SM綑縛，雖因題材敏感，不能同樣印刷出版，可是內地的KB收費網站同樣成行成市，水準不讓日本專美。本地情色文化落伍早已講到口臭，不贅。

Irving Klaw的作品，套入今日標準已是相當溫和，早前無意見到日本仔的極端變態網站，玩蛇蟲鼠蟻蚯蚓鰻魚，活剝生吞極端血腥能事，女優是很標緻了，只是身上儘是血肉蒙糊，想起都反胃。

電影中有一幕印象非常深刻，John Willie跟Bettie拍攝一幕綑縛照，Bettie戴上塞口球(噢，賣飛佛)，John一邊綁繩子隨便哼著軍佬爛口歌，Bettie隔著口球抗議。John拆下口球問所為何事？

「我好歹是個基督徒，你的嘴巴可否放乾淨點？」

「哦！真對不起...對了，你可有想過，耶穌會怎樣看你今天所作所為？」

「上帝賜每人有不同天份，我的天份就是拍裸照能令大家高興，有甚麼問題？」

「可是，你不認為這是罪嗎？」

「阿當夏娃最初也是赤身露體，嚐禁果犯罪後才穿衣蔽體啦！」


伸延瀏覽

Irving Klaw 官網
內有Bettie Page 綑縛照

The Notorious Bettie Page (全片附中文字幕，強國網站真是包羅萬有.....)

附上原裝1950年Bettie短片，讓各位一睹Pinup Queen 風采罷！

CSI: NY 配樂: See it All / Fink

未睇過CSI，但係只聽歌都想像到紐約的畫面，幾適合大城市警探片。
另一個acoustic版本節奏一變，又可以變成完場出credits的配樂，可惜找不到youtube版本。
昨晚趕稿就是不斷loop佢隻acoustic碟，聽到好似老僧入定般工作。

值得一提係呢段live在德國某唱片舖發生，本來想寫幾句潤下香港乜乜物物，諗諗下，人地阿麥書房搞live 搞drama演出我有去過嗎？又好似無喎，是但。

迷幻北歐女聲 Club 8

趕野趕到好迷幻，聽住歌先。