星期日, 4月 11, 2010

成功票控80後阿婆


深層次矛盾其中一項,就係政府自己推自己去邪惡面,俾位人地入。
誰是誰非,鏡頭背後的前因後果,未必太多人清楚。
但係鏡頭前,一定係食環署錯晒。
市民負面印象又會再被「活化」:點解成堆歡貧阻街無人理,但係十9幾人走去留難個80後阿婆?

點解百五萬香港人覺得激烈抗爭行為合理?

姑勿論該問卷調查是否科學、亦無須考究香港人心中「激進」定義為何,此標題一出,慢慢會成為自証預言。執法部隊下意識手段會激烈些,市民都會再激點反抗,然後某一日,一件不起眼的小事...

7 則留言:

C.M. 說...

慢慢會成為自証預言
x10

那些限制基層流動力的法規,二十年前或許為公平的基石,但如今已成為絆腳石。

浪子m: 說...

點先可以整到個youtube 嵌入, 唔會比右list cover?

黑人 說...

> CM

我唔覺呢個看守政府會有咩作為改善民生,最可能係下年推23條吧,宜家有個150萬人支持暴動的說法,可能會暫緩半刻

> 浪子
我都唔知,應該因為我呢個係舊版的template

Quality Alchemist 說...

看到眼火爆!

篤篤篤撐 說...

食環署班人有幾好質素, 大家心知肚明, 叫佢地拉人, 當然拉一d容易拉冇反抗力又冇後台既弱雞市民, 唔通拉紋身佗咩 !

23條立法短期內一定唔會, 溫總已經出左聲:香港人民要包容共濟、凝聚共識、團結一致,保持香港的繁榮穩定。「香港今後不僅會在經濟上還有很大的發展,而且還會按照基本法的規定循序漸進地發展民主政治。」

即係話, 先攪掂政制, 其它孚論性既野, 遲d先講~~

余若虛 說...

食環署呢班契弟,真係抵死。咁多人阻街唔拉拉阿婆?向來政府對小販都係採取寬容執法,雖然有法可依但去來鬆手,睇黎呢班衛生幫真係想犯眾憎喇。

黑人 說...

> Alchemist
對!我都睇到幾火滾

> 篤撐

你都講得對 ,上面發生左d唔知乜野(唔計天災)
本來23條個時間表應該係今年或下年,宜家應該拖一拖lu

不過又咁,今次政改擺明唔同你傾,我覺得阿爺「避爭議」的方針似乎轉左

> 余若虛

通常唔會無啦啦用來逼死人既,否則日日拉遊蕩罪同埋非法集會都拉到手軟啦,今次d鬼卒要立官威,真係揀錯對象了