星期六, 2月 07, 2009

電車男派對求生指南

首先,我絕對認為落機舖挑機玩20元Gundam DX 或Seed Destiny 或者Gundam vs Gundam 比任何派對都好玩。

又,我認為夜晚11點落街跑步兩小時比去派對有意義。

我覺得最好飲的酒,有三種1.) 家庭聚會打邊爐時用coffee mug 裝的不知名紅酒,大家怕難度又年紀大了,所以會買比較fruity的口味 2.) 朋友聚會時的Bailey's 或者Icewine,多多都唔拘 3.) 大啖拉麵時手上的殺破狼 Sapporo。因為小弟完全不黯酒味,好不好喝唯有視符場合和身邊的人。

空閒時間除了練跑,我會選擇看VCD, 去漫畫茶坊、畫公仔或者睇咸碟,絕大多數的派對都不能做以上行為。

綜合以上四大理由,先天上黑人無論去甚麼party都覺得不吸引和悶,去蒲更加死多兩錢。

有這個前設,要去party通常只有非去不可的俾面派對。

看完C+的case study,心想都幾大鑊,事關自己在多數的派對都會屈埋一二邊淨係同朋友傾計,尤其去蒲的話更嚴重。

經過多年慘痛經驗,毒男宅男電車男們若逼不得以困在一個陌生環境應酬,有幾招或能保命:

1. C+ 個博有些高手都講過,耐唔耐扮在不經意四圍行下,當然不要好似孤魂野鬼咁不斷飄 "Dave, did you notice that wandering guy or it's just me seeing things?" (衛哥,你有無望到果條友飄來飄去,抑或係我陰陽眼?)

2. 搵d比較友善的異性傾計,如果唔知邊個比較友善,先試下向樣衰果d埋手 (係好現實,無計,鬼叫你甩唔到身一定要來)。

3. 開場白99% 都係微笑 hello 我叫乜乜柒柒你點稱呼,之後呢招一定要學,美國名嘴Larry King教既,不妨先自嘲破冰:「唉,我呢挺電車男,落到黎呢度衣香鬢影硬係唔自在,你睇我著到咁薯就知我唔屬於呢度架啦。」 Larry 訪問過無數大人物,鏡頭下千百萬對眼望住佢,唔緊張有鬼,佢劈頭就直認不諱 Tonight I'm really nervous,講完之後反而應對如流。如想睇全文,可以睇下佢果本How to Talk to Anyone, Anytime, Anywhere,學到一招半式已經好好用。

4. 下一式,都係Larry King 教既 (印象中係啦,無書在手,又係多年前的事了),唔知講乜,最好引人地講自己,King師傅教落,人人都鍾意talk about themselves,天下間無一個題目比呢個更加universal,放諸四海皆準。「係呢,睇你打扮,你係咪果d好低調既上市公司主席?唔係?咁你做乜架?今晚邊個請你來? etc etc」

5. 我以前成日唔明點解boxing賽事d 拳手成日要擁抱,原來係一個爭取喘息機會的技術動作,假如對方肯同你講幾句,不巧講完無話題,你又諗唔到點介紹自己身世時,最好就係講下你朋友 (假如佢站在你身邊的話),如果佢不是忙緊,yap 佢過來介紹下然後借斟酒或向廁所遁逃,咁你可以稍為回氣組織思路,等你個朋友同對方擁抱下。

6. 呢個唔係一個招數,係禁忌,通常毒男宅男們的口才較弱,千祈不要懶幽默!無把握的話,不要隨便講笑。黑人自己以前試過無數次懶醒講爛gag,跟住dead air 三秒鐘,大家繼續傾計當我無講過野。切記 Act natural,如果你既natural係緊張,就由得佢緊張好了,一般心地正常的人酒過三巡會笑笑口勸你relax,友善但拘謹在某些人眼中是可愛的表現,至少多數人不特別討厭就是,好過明明係老處男,偏要扮情場聖手,其他人不是傻的。

7. 無論幾唔捨得,要不時switch 去另一group人,或者break 開等對方跟其他人交際,吊靴鬼痴死一兩個人係禁忌之二,break 開飲兩口悶酒,望下有邊一pair 人傾得過,或者打開手機扮覆緊SMS都好,總之唔好全場跟實一兩個人。

8. 止蝕:因為party重來都不是你的對應地形,總之做完大龍鳳,湊夠quota跟足夠的人social 過,時候又不早了(ie. 10:00 pm 或以後),拿拿林閃人啦!你玩得開心又另計。

18 則留言:

匿名 說...

搵d比較友善的異性傾計,如果唔知邊個比較友善,先試下向樣衰果d埋手 ...


好多人都會咁諗,基於『從易起步』心理,好像行得通,但事實未必盡然。

樣衰女子在 Party ,未必友善,很大程度上,有些醜女是知自己醜,所以去 Party 心態上已非識朋友,而是玩人

正如有不少臭串港女,其實都不是靚女,真正的靚女,反而較少出現港女特性。(不包括那些偽裝美女)

如果抱搏一舖的心態,不如找個活潑而且頗美麗的女孩搭訕,合咀型恭喜你,不合的,算囉,都係當搏下之嘛。

但世事很奇,原來竟然合咀型,咁你發喇,好過搵醜八怪啦。

Yun 說...

想講左好耐﹐你最近好怨。你都係需要個人架啦。

個人意見啦﹐最好做自己﹐唔好諗咁多﹐要點點點做。做自己就係最自然最舒服﹐那自然狀態都係最好。常日諗咁野﹐唔緊張至奇囉。All you need is to attract ONE girl, not all. If someone couldn't appreciate your true self, screw her. Okay?!


TO 黑人的讀者(特別女的!)﹕
黑人真的是個好男人!!! 應該唔會悶的。好風趣的哦。(好似有少少爛gag﹐不過 okay 啦。) 至緊要係﹐一見佢個樣﹐就知道佢係個好人來架啦。

:P

(仲唔請我食飯?!)

(聽講情人節有兩美相陪喎﹐開心啦你。)

小瓶子 說...

两美是否两个表妹?

b小姐 說...

嗯嗯嗯...本人極度同意最好飲既酒永遠係同好朋友hea o係對方屋企閒聊/打邊爐/bbq/發呆等等等時飲既酒。

又, 我認為夜晚11點後, 無論做d咩(除左返工), 都總比去派對有意義。

另, 黑人施主, 古語(?)有云, 話不投機半句多, 無必要刻意搵人搵話題來傾。

偉論發表完畢。

anf 說...

呢個topic真係越來越有趣

黑人 說...

> 匿名高人

我都知臭串無樣睇,靚的固然可以串,醜的亦不例外。假如分唔到邊個異性較友善,梗係搵個無咁靚的,我的出發點係:毒男宅男對住靚女通常比較緊張,對住個醜的,心諗反正都不是為左溝女,會放鬆d發揮。呢個係無辦法中的辦法。

(又當然,我見過不少性格好到你唔信的靚女,撞唔撞到睇彩數)

> 雲妹子

我最近唔怨喎...不過隔離寫開社交case studies,我又不如寫少少俾自己d 同類參考

(又,你返來香港先算啦,同埋你身邊果件我唔計喎,我係咁孤寒架喇,呵)

> b小姐

謝謝捧場!
不過去到果d派對場合,總不能喊悶敗朋友雅興,唯有搵d野來講

匿名 說...

對於平日較少接觸女仔,尤其少見靚女、一見靚女會口震兼極度緊張的男士來說,我想提一項很有效的補助治療:

去展覽映靚女、參加人體藝術攝影。

可能我這樣說,有人會覺得很不可思議,但這是行得通而且有效,見靚女緊張是基於自己很少近距離接觸美女,驚自己失禮人,但當你見靚女見得多,緊張反而少了,而且會開始懂得控制自己,即不會出現『港男見靚女藤晒雞』的情況。


展覽場,美女站在自己兩呎距離,任你映,你還會叫美女就角度,又向你的鏡頭笑,你感受多了,美女就不會令你緊張。


好多男仔,唔係衰『個樣』,而係衰『緊張』。


另外,人體藝術攝影,直情有美女非常性感地在你一呎距離任你映,也會和你互動交談( 因要遷就拍攝 ),這是很直接又無須擔心『Party 得罪人』以外習慣面對美女的好方法。

(以上是個人觀察和意見)

Elaine 說...

夠啦... 最多情人節搵個靚女陪你... A小姐好唔好?

凱恩 說...

社交技巧o係任何場合都啱用o架喎,如果不擅辭令又想提升社交技巧,可以搵朋友練習(最好搵o的比較健談o既,觀察下人地點樣搵話題同處理死氣);派對場上各有異心,對真正的宅男來說,都係可免則免。(好明顯你唔係囉!Larry Kingさん)

萬一要出席無可避免o既派對,我覺得最主要都係要有一個開放既心態,真係唔想social咪唔好social囉。要知道在場大部份人都係非我族類,而且大家目標不同,搵到人開心傾計故然是好事,但勉強四圍搵人搭嗲只會令自己越來越緊張同增加不必要o既妄想(宅男o既妄想程度同容易失控之高,一般人都難以想像)。
另外就係好多宅男不熟悉某環境就會產生厭惡感覺:呢度好嘈呀、乜呢個人講嘢咁串o架之類。如果一開始俾負面情緒overcome其他嘢,之後落o黎都好難開心喇。咪當去旅行去咗度風土民情完全唔同o既地方囉。
最後一樣嘢就係如果同朋友一齊,千祈唔好阻住佢地搵食啦!最緊要係要令佢地知道「我自已可以搞掂」。

總結就係,自然啲,唔好迫自己訂立啲不切實際o既目標,控制自己o既負面情緒,同埋唔好令自己成為朋友o既負擔。

(頂,我寫自己blog都無寫咁長,咩事呀!)

p.s:
樓上的匿名人士一辭為普遍惹人厭的映show girl相機黨提供合理又正向的自辯理由!請受小弟一拜~

(呀,搞到我都好想去影下人添)

匿名 說...

凱恩:

乜你覺得買部相機映相或攝影創作的,就叫做『相機黨』,咁如果有人喜歡吃蛋撻,又會否順理成章,叫做『蛋撻黨』?

如果要將所有事物『色魔化』、『賣淫化』或『必然邪惡化』,咁,好多嘢都好『妖魔』的。

我諗你搞錯左,Show girl 的工作,就是供人拍照,她們並不是『正在賣淫』,而拍攝者也不是『嫖客』,而展覽場也不是『骨場』。

我諗你亦搞錯左,攝影人並非報紙雜誌的『偷拍狗仔隊』,是兩回事。

如果你是男性,你有這套睇法,我覺得幾奇怪,如果香港是都會的話。

奇趣。

匿名 說...

匿名
唔使咁激動喎,一個稱呼姐...
『xx黨』只不過將一班有某一共同特徵的人加上一個稱呼。你問如果有人喜歡吃蛋撻,又會否順理成章,叫做『蛋撻黨』?我都覺得ok架。假設買部相機映相或攝影創作的,就叫做『相機黨』,無問題架。

當然一班『相機黨』人,買部相機映相或攝影創作的動機或目標可以不同。

凱恩 說...
此留言已被作者移除。
凱恩 說...

10樓:
如有造成不快,請多多見諒。

11樓:
多謝相助。

我不會再在這對此上以言論作任何回應。謝謝。
m(_ _)m

黑人 說...

鬧凱恩果位匿名

可以答你,凱恩以前的工作也涉及promoter和相機黨,所以匿名朋友不用反應過敏就是,純屬誤會,吹下水嗟。

***

其他的,跑完步有命回來再覆 ~

米都話唔搞咯 說...

我覺得你近排寫既嘢令我諗起許冠英喎;即係,講到自已好似冇異性緣,但其實反而係因為咁吸引左好多女仔喎...

小瓶子 說...

Tag U:

Rules:
It's harder than it looks! Copy to your own note, erase my answers, enter yours, and tag twenty people.
Use the first letter of your name to answer each of the following questions. They have to be real...nothing made up! If the person before you had the same first initial, you must use different answers. You cannot use any word twice and you can't use your name for the boy/girl name question.

1. What is your name : Betty

2. A four Letter Word : Best

3. A boy's Name : Bryan

4. A girl's Name : Bessie

5. An occupation : Bartender

6. A color : Brown

7. Something you'll wear : Bra

8. Something you'll do : Bullshit

9. A food : Bread

10. Something found in the bathroom : Baby oil

11. A place : Berlin

12. A reason for being late : Bath

13. Something you'd shout : Better fuck off

14. A movie title : Beauty and the Beast

15. Something you drink : Bloodymary

16. A musical group : Beyond

17. An animal : Bird

18. A street name : Baker street

19. A type of car : Benz

20. The title of a song : Because I love you

黑人 說...

> 米搞

係咩?許冠英個樣雖然比較7
但聽聞佢其實好有料到

我個樣已經跟得上佢有餘
問題係內涵果邊努力緊...

不過真係唔多覺佢好吸引女性,可能佢當紅時我仲細啦~ 嘿嘿

小瓶子 說...

許冠英個樣比起許冠杰真系差太远, 真系唔多明点会差甘远...