星期四, 10月 29, 2009

談打機



以前我好鍾意用Guy,因為有型,又因為佢係underdog,夠弱,年輕時好想將d弱角色用到好勁,彌補自己心理上的陰影。

上面條片有人做到了,雖然是TAS(Tool Assisted Speedrun),但這些駁招連技大多數都可以練回來,換言之阿Guy哥哥一d都唔弱,仲要係打到你仆街都唔俾你還手,仆兩次就KO。

在香港挑機咁打法,一定俾人打。

***********

我認識一班高達機友,日日收工在機舖留到十二點關門為止,星期六日及公眾假期如常,操控高達的技巧出神入化,跟上面的短片不遑多讓。換入金庸武俠世界,佢地早已成為喬峰任我行之流,儕身當世高手之列。

以我們社會的價值觀,呢班人絕對係不長進的廢柴。假如場地換做英國,活動換成足球,呢班人有機會天價廁身頂尖球隊,揚名立(千)萬,換做美國和籃球亦然。

光宗耀祖和玩物喪志,分別在於你沉迷的活動有多大賺錢潛力,以及你能否從中賺到錢。

我自己很怕變得孤陋寡聞,所以決定減少打機的時間,換去學日文、練畫以及練跑,希望長進一點。但沉迷打機跟長進和成就無關,我常去的機舖,入面有位公子哥兒身家豐厚,股市高峰期大手短炒未分拆的港交所,又在翔龍灣置業作行宮之用,身高五尺不夠四寸,baby face,25歲未到,把妹達人。

另一位,表面是IT hardware support,月入八千餘,口齒不清,曾是城中知名丑角,原來是某大連鎖飲食集團的準繼承人,做技工是不想靠父蔭,磨練一下自己。

還有一位,就是上年提及的亮XX詐騙集團高層,「正規經營」了好幾年,月入十萬或以上,他駕駛的紅勇士攻守兼備,機品好。

所以,一個人打機,我好難再判定佢有無前途或是否長進。
我只能講,無前途就不要(被人見到)打機,有錢有前途做乜都無所謂。

12 則留言:

米都話唔搞咯 說...

>原來是某大連鎖飲食集團的準繼承人

吓吓吓!!!!!!!!!!!!!!!唔知啲港女知道呢個消息之後會唔會飛身撲埋阿peter哥身邊呢?

億利 說...

你又打高達?

我好多大學同學都打架wor
而且佢地搵唔少錢
你係邊區打開?!

黑人 說...

> 米搞

我諗難d,除非d女唔怕悶專登去機舖同漫畫舖捕佢,但你唔鍾意打機係好難日日蒲機舖的

>億利

係呀,我用紅渣,間中用高達
通常在銅鑼灣打,查實港島無乜地方有DX了

塞米一條揚陸轟炸機 說...

"無前途就不要(被人見到)打機,有錢有前途做乜都無所謂。"


當年蘇秦咪就係咁囉...

所以眼見身邊朋友見到有人食煙就眼超超睇唔順眼,我反倒替那煙民不值,甚至有想問佢借煙抽的衝動。當然,我沒有那種招架朋輩非議的耐力啦。

凱恩 說...

>>光宗耀祖和玩物喪志,分別在於你沉迷的活動有多大賺錢潛力,以及你能否從中賺到錢。

我想起韓國的打機天王(CS/WC3),月入幾千萬(圜) - 所以你的機友可以考慮到韓國發展。

不過這其實已經是兩三年前的事,自我脫離game industry後就沒update了…或者現在已經不如以前那麼風光啦~

Wander Cat 說...

"年輕時好想將d弱角色用到好勁,彌補自己心理上的陰影"

這段好到肉...我都係ar,比如說用手機Snap, 而不用單反

塞米一條揚陸轟炸機 說...

"好想將d弱角色用到好勁"未必係為d乜,單純覺得好玩囉。

Gundam DX 我有一排好鬼鍾意玩陸吉,仲要係用光速槍,不過那是N年前初出的時候了。

Gundam SEED 我最熟手玩Forbidden,但係Dagger感覺太似DX入面既吉姆,同Strike太似,唔太鍾意。

SEED D 玩 Windom 同埋 Dagger L 多,我認我有量產型的特殊癖好頂勒。

Gundam vs Gundam 未玩過,睇人玩覺得麻麻地無乜性趣,多半係因為無得渣卒仔機無咁過癮。

億利 說...

我係由dx 打到gvgn ...
由中五打到大學畢業...

其實打高達真係好訓練到你eq同埋應變..哈哈哈

當今好機品難求
而家d人打機好似輸身家咁
好無癮

Bittermelon 說...

"在香港挑機咁打法,一定俾人打"

我見過,讀書時落機舖,見到有人挑人機,但係輸咗,之後唔聲唔聲一個橫拳打埋去,仲要好惡咁罵人話:"死靚仔,升(龍)我?未死過呀!"

匿名 說...

係呀,韓國的職業starcraft/ warcraft3選手好高收入的,我記得starcraft最高峰時有人年薪過二億圜(未計廣告收入同埋賽事獎金,e家聽到最高好似Bisu都有1.5億圜,仲要鬼咁靚仔...佢地仲可以入左空軍服兵役再繼續打tim

不過一隻game搞到一日打十幾個鐘,打幾年都未必出到成績,狀態又容易下滑,一個賽季後就隨時俾人針對,我覺得都唔係咁好受姐...

黑人 說...

> 凱恩

gaming 是韓國國技,難怪暴風雪公司都要先找韓國高手做test player

我懷疑世上只有韓國能夠將打機變成一門賺大錢的entertainment

> wander cat

年紀大了,心態是「咪傻啦,有好野做乜唔用」

> 塞米

陸吉光槍其實連射速度很高,並不如想像中弱,當然實戰價值十分有限,因為射角防唔到頭頂壓槍的死穴

> 億利

我去開銅鑼灣「無煙」,入面的人普遍上左年紀,機品不錯。

打Seed 果班後生仔燥 d

> bittermelon

聽聞荃灣好些機舖,贏固然被人打,輸亦都被人狂串,唯一的辦法是避之則吉!

> 亮

打機同打拳一樣,no one last forever in the ring, 打得再叻,過一兩季就唔掂,2字尾3字頭果d,真係好感受到歲月摧人

小瓶子 說...

其实唔系话嗰男仔有钱, D女跟埋去就一定开心.

基本上, 如果唔系三餐不继, 何必做鸡?